Día da Muller
O Concello de Viveiro organiza unha cea baile para celebrar o Día da Muller este sábado, 15 de marzo
O Concello de Viveiro organiza unha cea baile con motivo do Día Internacional da Muller. A cita terá lugar no restaurante Louzao, de Area, este sábado, día 15 de marzo, ás 22:00 horas.
“Trátase dunha noite de convivencia na que queremos recoñecer o traballo e o labor das mulleres do nosos municipio”, sinala a alcaldesa, Mariña Gueimunde.
As persoas interesadas en asistir poden mercar a súa entrada por 50 euros no propio restaurante a partir deste mércores, 12 de marzo.
O Concello de Barreiros organiza durante este mes de marzo varias accións para celebrar o Día Internacional da Muller “promovendo a igualdade e visibilizando o papel fundamental das mulleres na sociedade”.
Este ano, en colaboración co obradoiro de emprego de dinamización que comparte co Concello de Ribadeo, levará a cabo varias actividades aos centros escolares.
No CEIP de San Cosme, este venres, 7 de marzo, ás 11:00 crearase a Árbore da igualdade. O alumnado do centro vestirá unha das árbores do recinto escolar para transformala nunha árbore da igualdade. As nenas e nenos tamén elaborarán pancartas e mensaxes de igualdade e apoio á muller que pendurarán da árbore simbolizando o seu compromiso cunha sociedade máis xusta e equitativa.
Os nenos e nenas do CEIP de San Miguel, xunto...
leer más
O Concello de Foz declara marzo como Mes da Muller e organiza actividades para conmemorar o 8M.
A concelleira Ana Rojo anuncia que “o Concello de Foz, dende a Delegación de Muller e Igualdade, conmemorará o Día Internacional da Muller (8M) a modo de reivindicación e de consolidación dos dereitos da muller, homenaxeando neste día tan especial a todas as mulleres que impulsaron estes ideais, de maneira individual ou colectiva. Declaramos marzo Mes da Muller no noso concello co lema Pola igualdade real e efectiva entre homes e mulleres e organizamos un programa de actividades, dedicado a todas elas”.
Ana Rojo especifica as actividades: “este venres, día 7, realizarase unha concentración ás 18:30 horas diante a Praza do Concello. A continuación procederase á lectura dun manifesto institucional do noso...
leer más
Baixo o lema Libres e iguais: cada día máis fortes, O Concello de Alfoz anuncia as actividades programadas para conmemorar o 8 de marzo, Día Internacional da Muller: “como mostra de apoio e recoñecemento á loita das mulleres pola igualdade, a Casa do Concello tinguirase de violeta durante esta xornada.
Ademais, dentro do compromiso do Concello coa visibilización do papel fundamental das mulleres na nosa sociedade, publicarase a segunda edición de Mulleres de Alfoz. Esta iniciativa, que tivo boa acollida na súa primeira edición, recolle a traxectoria de mulleres do noso municipio, destacando as súa vidas de esforzo, superación e traballo. Nesta nova edición contarase coa representación dunha muller de cada parroquia, sumando un total de nove protagonistas. Todas elas comparten historias de vida marcadas pola dedicación e...
leer más
A Federación Galega de Espeleoloxía organiza actividades en Mondoñedo polo Día da Muller este sábado, día 8 de marzo. Unha delas é a presentación do documental titulado Espeleoloxía: substantivo feminino. Será na Casa da Xuventude ás 18:30 horas. A continuación haberá unha mesa redonda sobre o papel da muller no deporte.
Ademais nesa xornada haberá visitas á Cova do Rei Cintolo para persoas non federadas e visita ao Bucle Circular Viana-Niphargus para federad@s.
O Concello de Cervo conmemora o Día Internacional da Muller con actividades esta fin de semana, sábado día 8 e domingo 9 de marzo.
O sábado haberá unha andaina ás 17:00 horas, seguida dunha demostración de danza oriental na Casa do Mar. As interesadas en participar deben anotarse na Casa da Cultura ou a través do teléfono 982.59.51.57.
Para o domingo está previsto o tradicional xantar ás 15:00 horas no restaurante O Noso Lar, que rematará con baile a cargo do dúo Dilema. Os tickets están dispoñibles no propio local. Ademais ese día tamén se entregarán os premios ás gañadoras do campionato de tute e parchís que se está a xogar xa na Casa do Mar.
Con motivo da celebración do Día Internacional da Muller, o Concello de Ourol invita a toda a veciñanza a participar no acto conmemorativo que terá lugar o día 7 de marzo, venres, no Edificio Multiusos ás 12:15 horas. Este acto consistirá na lectura da Declaración Institucional aprobada pola FEGAMP, baixo o lema Dereitos, Igualdade e Apoderamento. Para todas as mulleres e nenas en toda a súa diversidade, facendo un chamamento á acción para acadar a igualdade de dereitos e oportunidades para todas as mulleres. Así mesmo estará instalado un photocall para que todas aquelas persoas que o desexen participen sacando unha foto con unha mensaxe pola Igualdade. As fotos iranse subindo ás redes sociais do Concello durante o mes de marzo “co fin de lanzar unha mensaxe de unión e concienciación á poboación en calquera acción que promova valores de igualdade e...
leer más
O panel da exposición titulada A Historia de Mondoñedo leva nome de muller será presentado o día 7 de marzo, venres, durante os actos organizados polo Concello mindoniense para conmemorar o Día Internacional das Mulleres. Será ás 12:00 horas na Praza do Concello.
E ás 12:15 horas terá lugar a lectura da declaración Mondoñedo en Igualdade.
Ademais o Centro de Información ás Mulleres (CIM) de Mondoñedo ten en marcha o concurso Debuxando en Igualdade, para o cal o prazo de presentación dos traballos está aberto ata o 7 de marzo.
O Concello de Cervo, en colaboración coas diferentes asociación de mulleres do municipio -Asociación de Mulleres de San Ciprián, Amas de Casa Alborada, Mulleres Rurais As Espalladoras e Mulleres en Igualdade- programa diferentes actos con motivo do Día Internacional da Muller, que foron consensuados nun encontro que mantiveron a alcaldesa, Dolores García Caramés, e a concelleira de Muller e Igualdade, Pilar Armada, coas representantes destes colectivos, na Casa da Cultura. O sábado, 8 de marzo, está prevista unha andaina que partirá do Faro da Atalaia ata a Casa do Mar, ás 17:00 horas, e a continuación as persoas participantes poderán compartir un café e tamén desfrutar dunha exhibición de danza oriental. Xa o domingo 9 de marzo, ás 15:00 horas, está previsto o tradicional xantar no restaurante O Noso Lar. As interesadas poden mercar os seus tickets no propio...
leer más
A Concellaría de Educación, en colaboración coa Concellaría de Muller e Igualdade do Concello de Foz, anuncia a convocatoria do primeiro concurso de carteis co obxectivo de conmemorar o 8 de marzo, Día Internacional da Muller. Esta iniciativa está dirixida ao alumnado de Educación Infantil, Primaria e Secundaria Obrigatoria dos seis centros educativos de Foz e busca promover a reflexión e a sensibilización sobre a igualdade de xénero. O prazo límite para a entrega será o martes 25 de febreiro e haberá un cartel gañador por cada etapa educativa. A entrega de premios terá lugar o 7 de marzo durante a concentración que se celebrará na praza do Concello.
O concelleira de Educación, Elena Martínez Pena, explica que “os rapaces e rapazas da nosa vila están convidados a participar creando carteis orixinais e inéditos, que reflictan toda a...
leer más