Cervo

San Ciprián acollerá o día 19 de abril, sábado de Semana Santa, a III  Festa das Xeracións, organizada polo club de trail local A Fume de Carozo coa colaboración do Concello de Cervo.

A cita, que terá lugar na carpa instalada na Praza dos Campos, en San Ciprián, foi presentada pola alcaldesa de Cervo, Dolores García Caramés, e por varios membros do club organizador.

Tal e como precisan desde a organización, esta Festa das Xeracións, que vai xa pola terceira edición, “reflexa o espírito inclusivo e participativo do club de trail, como unha actividade complementaria ao deporte na que convivir, desfrutar e tecer novos lazos ou mesmo recuperar antigos vínculos, con reencontros e novas amizades entre persoas que ser irán acomodando no xantar en función da década de nacemento”.

As persoas...

No marco do programa do Ministerio de Educación, Formación Profesional e Deportes, o CEIP de Cervo participa este curso académico no proxecto colaborativo “Cada gota cuenta”, unha iniciativa que reúne centros educativos de distintas comunidades autónomas para compartir experiencias e boas prácticas educativas.

Durante esta semana, o noso centro acolle a visita de once docentes procedentes de Asturias (CRA Lena), Alacante (CEIP Pintor Sorolla), Cartaxena (CEP Antonio de Ulloa) e Gran Canaria (CEIP Tagoror). Durante tres días, terán a oportunidade de coñecer a nosa contorna educativa, mergullarse no día a día do noso alumnado e intercambiar coñecementos e metodoloxías didácticas.

A visita dará comezo mañá, mércores, cun acto de recepción que terá lugar ás 9:45 horas. O evento contará coa presenza da Alcaldesa de...

Esta Semana Santa queremos tamén colaborar coas familias para favorecer a conciliación nestas datas de lecer. Así este martes, día 25 de marzo, abre o prazo para participar nunha nova edición de Cervo Concilia en Semana Santa, un programa pensado para contribuír á conciliación durante as vacacións escolares. As inscricións poden formalizarse na Casa da Cultura ou no Concello de Cervo ata o 8 de abril.

Cervo Concilia é un programa de actividades de Semana Santa dedicado a nenos/as de entre 3 e 12 anos que permite que os pais e as nais poidan conciliar a súa vida laboral co coidado dos seus pequenos e pequenas. (Os/as nenos/a de 3 anos son aqueles/as que estudan cuarto de infantil no curso 2024/2025 e os de 12 anos son os que cursan sexto de primaria neste período). O curso levarase a cabo o 14, 15, 16 e o 21 de Abril, en horario de 8:30h a...

O Concello de Cervo será este sábado, día 22 de marzo, escenario por primeira vez dunha proba de atletismo do Programa Xogade da Xunta de Galicia. Prevese que máis de 300 atletas, das categorías benxamín, alevín e infantil, se dean cita nas pistas municipais da Veiga procedentes de diferentes clubs de toda A Mariña e que competirán nas modalidades de 50 metros, 60 metros, 80 metros, 1000 metros, altura, relevos, lonxitude ou peso.

A alcaldesa, Dolores García Caramés, que presentou o evento en compañía do Xefe Provincial de Deportes da Xunta, Manuel Cadramón, e do delegado responsable da Federación Galega de Atletismo para a Delegación de Lugo, Pablo Gandoy, amosou a súa ledicia porque Cervo entre a formar parte do circuíto do programa Xogade, ademais cunha alta participación “e que vai supoñer unha oportunidade e atractivo para seguir...