Eventos
A Pontenova celebrará a Festa do Outono este venres, día 22 de novembro, na área recreativa do Boulloso, de 16:00 a 19:00 horas.
“Haberá xogos tradicionais, pintacaras, manualidades e sorpresas. Tamén poderemos lanzarnos de novo polo circuíto de minitirolinas”, explica a organización, que corre a cargo da Tirolina das Minas.
Ribadeo organiza diversas actividades arredor do 25N. Arrincan esta vindeira fin de semana e prolongaranse ata o 5 de decembro. Haberá unha andaina, teatro, charlas para as familias, contacontos e talleres nos centros de ensino. Por aquí pasarán importantes figuras como José Antonio Vázquez Taín, Mª José Garrido Antón ou Olalla Guimarey.
A concelleira de Igualdade, Begoña Sanjurjo, explicou que “como non podía ser doutro xeito, polo 25N Ribadeo pon o foco na prevención, na identificación, na actuación e na axuda contra a violencia de xénero. Se ben o traballo neste senso é constante durante os 365 días do ano, activarase unha programación especial con motivo desta data”.
A edil ribadense sinalou que “co lema Move ficha contra a violencia de xénero desde o Concello queremos animar a toda a sociedade a dar un paso...
leer más
Con motivo do 25 de novembro, Día Internacional da Eliminación da Violencia contra as Mulleres, o Concello de Ourol organiza un ano máis a Andaina contra a Violencia de Xénero. Será o propio día 25 de novembro, luns, ás 12:30 horas no Paseo da Rega
O Concello de Ourol explica que “esta actividade ten como obxectivo sensibilizar á poboación sobre o problema mundial que representa a violencia contra as mulleres e concienciar tanto a mulleres coma homes da importancia de que todas as persoas axuntemos forzas para rematar con esta lacra da sociedade que acaba coa vida de tantas mulleres cada ano”.
O Concello de Burela organiza actividades os días 24 e 25 de novembro, domingo e luns, con motivo do Día Internacional para a Eliminación da Violencia Contra as Mulleres.
O domingo 24 ás 11:00 horas comezará a III Andaina contra a violencia de xénero, que será unha ruta circular de sete quilómetros con saída e chegada na Praza do Concello.
E o luns 25 de novembro ás 12:00 horas na Praza do Concello haberá a lectura do manifesto institucional, frases contra a violencia e unha mesa informativa do CIM. E ás 12:30 horas representarase a obra de teatro titulada "O soño de Adelina" na Casa da Cultura.
O Concello de Barreiros organiza para este xoves, día 21 de novembro, ás 11:00 horas a presentación da súa nova APP turística. O evento terá lugar nas escolas de San Cosme e está dirixido a todas as persoas interesadas, con especial atención ao sector servizos e á hostalaría.
“Esta aplicación, deseñada para ofrecer unha experiencia única, permitirá acceder a toda a información turística do municipio dunha maneira máis práctica e accesible. Esta iniciativa busca modernizar a promoción turística e facilitar o acceso á información, reforzando a aposta do Concello por posicionarse como un destino atractivo e accesible para todos os públicos mellorando a experiencia das persoas visitantes e poñendo en valor os recursos do municipio”, explica o Concello de Barreiros.
A aplicación xa está dispoñible para descargar en...
leer más
O Centro de Información ás Mulleres (CIM) mindoniense organiza diversas actividades para conmemorar o 25N co lema “Mondoñedo di non á violencia de xénero” desde este xoves, 21 de novembro.
O programa de actividades inclúe: un punto informativo e a lectura dun manifesto na Praza do Concello o 25 de novembro, luns, ás 12 horas; unha charla coloquio sobre empoderamento feminino en colaboración con Asociación Mujeres en Igualdad no Centro de Desenvolvemento comarcal este xoves, día 21 de novembro, ás 16 horas; unha charla coloquio sobre seguridade cidadá en colaboración con Garda Civil (Plan Maior Seguridade) no Centro Sociocomunitario o 27 de novembro, mércores, ás 11 horas; un curso de defensa persoal feminina en colaboración coa Dirección Xeral de Loita Contra a Violencia de Xénero para mulleres maiores de 16 anos, pendente de confirmar...
leer más
O Concello de Xove organiza diversas actividades contra a violencia de xénero desde este xoves, día 21 de novembro, ata o 9 de decembro.
Este xoves proxectarase o documental titulado "En deuda con todas", actividade de Cineforo ACPP (Fondo Galego de Cooperación). Será ás 20:30 horas na Aula de Formación.
O luns 25 de novembro haberá unha proxección das Viñetas Narradas polo alumnado do CEIP Pedro Caselles Rollán e do IES Illa de Sarón ás 11:00 horas no Salón de Actos. A continuación terá lugar a lectura dun manifesto e a creación de un gran lazo morado na Praza do Concello, simbolizando a importancia de cada persoa na unidade fronte á violencia contra as mulleres.
Para o día 2 de decembro, luns, está programado o taller titulado “Os cambios na pubertade e a chegada da menstruación”,...
leer más
Con motivo do Día Internacional da Eliminación da Violencia contra a Muller, o Concello de Foz programa varias actividades ata o día 4 de decembro: unha exposición, unha concentración, un espectáculo de contacontos, unha representación teatral e unha charla.
A concelleira de Muller e Igualdade, Elena Martínez Pena, explica: “como cada 25 de novembro, Día Internacional da Eliminación da Violencia contra a Muller, desde o Concello de Foz volvemos manifestar o noso constante compromiso para erradicar calquera tipo de violencia machista e transmitir á sociedade a importancia de traballar valores a prol da igualdade e o respecto polas persoas”.
A programación de actividades polo Día Internacional da Eliminación da Violencia contra a Muller en Foz xa comezou a inicios do mes de novembro coa exposición Mulleres de...
leer más
La Asociación Española Contra el Cáncer organiza una cena solidaria en Viveiro el día 30 de noviembre, sábado. Será en el Hotel Resort Las Sirenas Talaso Cantábrico a las 21:00 horas.
El precio es de 45 euros y las reservas y recogida de invitaciones pueden realizarse a través del teléfono 982.560.200.
“Si no puedes asistir colabora en mesa cero con la aportación económica que tu elijas. Para cualquier duda o aclaración puedes llamar al 982.25.08.09 o mandando un correo electrónico a lugo@contraelcancer.es”, explica la organización.
A segunda edición do Mercado de Nadal en Alfoz celebrarase o día 6 decembro, venres, no atrio de San Pedro. Será de 11:00 a 20:00 horas. Está organizado pola Asociación Cultural Xuvenil O Castelo e a Asociación Veciñal de Mor.
Haberá postos de comida, artesanía, adornos de Nadal, turróns, bixutería, obradoiro para os máis pequenos/as ás 12:00 e ás 17:00 horas e sorteo de produtos.
Ademais ás 18:30 horas farase o acendido as luces de Nadal a cargo da Asociación Veciñal de Mor e a continuación actuará o Coro de Mondoñedo.
A organización do evento destaca que haberá carpa e calefacción.