Eventos
A localidade de Espasande de Abaixo, no concello de Riotorto, celebra as festas na honra de San Bartolo, esta fin de semana: desde o venres 23 ata o domingo 25 de agosto.
As actividades empezarán o venres cunha comida popular e a partir das 22:00 horas haberá verbena amenizada pola cantante Verónica Cambón.
O sábado a partir das 10:00 horas Gaiteiros de Riotorto ofrecerán un pasacalles. Ás 13:00 horas celebrarase misa e despois procesión e sesión vermú coa orquestra Salsarena, que tamén actuará na verbena xunto ao dúo La Hora Bruja.
E o domingo haberá misa ás 13:00 horas e despois procesión e sesión vermú, amenizada polo dúo Venús, que tamén actuará na verbena xunto á orquestra Principal.
A comisión organizadora das festas destaca que o campo estará cuberto con...
leer más
O próximo sábado, 24 de agosto, Ribadeo retrocederá no tempo para celebrar un guateque dedicado ás décadas dos 60, 70 e 80. O evento, que terá lugar no parque de San Francisco, arrancará a partir das 20:00 horas e promete ser unha noite inesquecible para todos os asistentes.
O obxectivo desta cita tan especial é recadar fondos para as festas patronais da vila. A música das épocas douradas e o ambiente cargado de nostalxia serán os protagonistas da velada.
Ademais o domingo, 25 de agosto, o guateque continuará coa xa clásica sesión vermú, que dará comezo ás 13:00 no mesmo lugar. Unha ocasión perfecta para gozar en familia e entre amigos, rememorando os grandes éxitos musicais que marcaron xeracións.
O guateque está organizado pola comisión de festas e o Concello de Ribadeo, que contan coa...
leer más
O vindeiro 24 de agosto celebrarase en Ribadeo a XI Malla do Trigo das Anzas organizado polo Concello de Ribadeo e pola Xunta de Galicia.
O evento dará comezo ás 10:00 horas coa instalación da maquinaria e dos primeiros mollos. Ás 11:00 horas comezará a malla, que estará amenizada polo Cuarteto Tradicional Illa Pancha e o Grupo Lume. Ás 12:30 horas terá lugar o reparto de pan, sardiñas e viño. Unha vez rematada a malla haberá unha sesión vermú a cargo do Grupo Lume, seguida da comida cun completo menú que inclúe: paella de marisco, costela de porco asada, tarta milfollas, viños, cervexa, auga, refrescos, pan, café e licores. O prezo do menú é de 26 euros, sendo gratuíto para os menores de 12 anos. A partir das 17:00 horas darán comezo os xogos tradicionais co grupo Xostramu, xunto con inchables para os nenos. Ao remate da xornada, o Grupo...
leer más
Naseiro prepárase para celebrar un dos eventos máis importantes do ano, a Romaxe do Bo Xantar, declarada de interese turístico galego. A programación, que se estenderá desde o venres 23 ata o mércores 28 de agosto, inclúe unha serie de actividades para todos os públicos, destacando especialmente o Día do Polbo, o 23, que estará amenizado por unha charanga
O sábado 24 haberá misa na capela do campo da festa e procesión ás 13:30 horas e a festa continuará coa música do Grupo J.B.Son e o concerto de Los Alcántara. Xa o domingo 25 a xornada volverá a comezar con misa na capela ás 13:30 horas, seguida tamén de procesión, e a animación estará a cargo das orquestras Supertop e Platinum.
O luns 26 será a quenda da orquestra Salsarena e do Grupo Arizona, mentres que o martes 27 o Grupo Zona Zero e o Disco Móbil Conxuro...
leer más
As festas na honra de San Bartolo en San Cosme de Barreiros celébranse desde o venres 23 ata o domingo 25 de agosto.
As actividades comezarán o venres ás 20:30 horas cunha churrascada popular e música a cargo do dúo Belinda, a orquestra Galilea e o DJ Alejandro Martínez.
O sábado 24, día de San Bartolo, ás 13:00 haberá misa solemne e despois procesión e actuación de O Arco da Vella. A continuación empezará unha sesión vermú longa co dúo Belinda. Na verbena actuará a orquestra El Combo Dominicano alternando co DJ Alejandro Martínez.
E o domingo haberá sesión vermú longa con Charanga Mekanika Rolling Band e grupo Fénix. Na verbena actuará o grupo Fénix e o DJ Alejandro Martínez.
O Concello de A Pontenova organiza a oitava edición da Festa da Malla, que se celebrará este sábado, 24 de agosto.
As actividades empezarán ás 12 do mediodía co comezo da malla e ás 13:30 horas haberá sesión vermú co trío Zafiro. Ás 14:30 horas terá lugar unha comida para a cal hai que recoller os tickets antes deste xoves, 22 de agosto.
Despois de comer, ás 17 horas continuará a malla e de 20:30 a 21:30 horas haberá música a cargo de DJ Bombardero, que tamén actuará na verbena xunto ao trío Zafiro.
A Comunidade de Montes Verín e Carras, en colaboración co Concello de Lourenzá, anuncia as festas na honra a San Pedro Fiz, que se celebrarán na Cazolga o 23, 24 e 25 de agosto.
O venres, 23 de agosto, a partir das 21:00 horas comezarán os festexos cunha gran pulpada e churrascada servida polo Bar Rochela, de Vilalba. A celebración continuará ás 23:00 horas cunha verbena a cargo do Grupo Fénix e D.M. Conxuro.
O sábado, 24 de agosto, ás 13:00 horas haberá unha misa solemne seguida de procesión e de sesión vermú coa orquestra D’Noche. Pola noite, a partir das 22:30 horas, a verbena será amenizada pola orquestra D’Noche e D.M. Conxuro.
Para finalizar as festas, o domingo, 25 de agosto, terá lugar ás 13:30 horas unha misa solemne e procesión, seguida dunha sesión vermú co Dúo Belinda.
... leer más
O vindeiro sábado, 24 de agosto, celebrarase en San Isidoro do Monte, en Xove, a tradicional Feira do San Bartolo.
A xornada contará cunha ampla programación que inclúe recepción do gando no campo da feira ás 10:00 horas, misa solemne ás 13:00 horas, sesión vermú con animación musical ás 13:30 horas e verbena con animación musical ás 17:30 horas.
Un dos puntos fortes da feira será o Concurso Gandeiro, onde se premiará ao maior número de reses cabalares e vacunas presentes no evento, chegando a poder gañar 110 euros. Os participantes que queiran concursar deberán levar a documentación pertinente: carta de saneamento para o gando vacún, e microchip e libro para o gando cabalar. Ademais, lémbrase que cada concursante será responsable dos animais que presente na feira.
Durante a tarde,...
leer más
Dentro do programa Noites Alternativas organizado polo Concello de Cervo os días 19 e 20 de agosto, luns e martes, haberá a actividade Chan Interactivo, para maiores de 8 anos. Será na Praza dos Campos, de San Cibrao, desde as 19:00 horas ata a unha da madrugada.
O Concello de Cervo anuncia: “seguimos coas Noites Alternativas cunha divertida e novidosa actividade: Chan Interactivo. Achégate a descubrilo!!!”.
A segunda edición da Cedofestiña celebrarase na parroquia ribadense de Cedofeita o día 31 de agosto, sábado, con entrada de balde.
Haberá visita guiada ao pazo e proxección de curtas a partir das 18 horas e concertos desde as 20 horas coas actuacións de Kornucopia, Miguel Alberte e Tapete (Dj set).
Este evento está organizado polo colectivo ribadense As Vacas Fracas, que anuncia: “estamos contentísimas porque xa está aquí a segunda edición da Cedofestiña. Reserva a última finde de agosto para despedir o verán porque vai estar chulísimo. Ademais de concertazos faremos unha visita guiada ao Pazo, que rematará coa proxección de curtas e posterior coloquio”.