Cazolga

A Comunidade de Montes Verín e Carras, en colaboración co Concello de Lourenzá, anuncia as festas na honra a San Pedro Fiz, que se celebrarán na Cazolga o 23, 24 e 25 de agosto. 

O venres, 23 de agosto, a partir das 21:00 horas comezarán os festexos cunha gran pulpada e churrascada servida polo Bar Rochela, de Vilalba. A celebración continuará ás 23:00 horas cunha verbena a cargo do Grupo Fénix e D.M. Conxuro.

O sábado, 24 de agosto, ás 13:00 horas haberá unha misa solemne seguida de procesión e de sesión vermú coa orquestra D’Noche. Pola noite, a partir das 22:30 horas, a verbena será amenizada pola orquestra D’Noche e D.M. Conxuro.

Para finalizar as festas, o domingo, 25 de agosto, terá lugar ás 13:30 horas unha misa solemne e procesión, seguida dunha sesión vermú co Dúo Belinda.