Eventos
Mondoñedo celebrará un Entroido de Verán este sábado, día 7 de setembro, desde ás 18:00 horas.
Será na Praza do Concello e haberá animación musical e premios para os mellores disfraces.
A asociación cultural O Picato, de Trabada, organiza unha excursión ás localidades asturianas de Covadonga, Cangas de Onís e Cudillero para o 22 de setembro, domingo. O prazo de inscrición está aberto ata o 15 de setembro.
Os organizadores explican: “sairemos ás 8 da mañá da Praza do Concello de Trabada dirección a Covadonga (Asturias), con visita ó santuario. Logo poñeremos rumbo cara a Cangas de Onís, onde nos espera un xantar moi rico, e despois visitaremos dito pobo. Por último faremos unha ultima parada en Cudillero, un coñecido, bonito e pintoresco porto pesqueiro”.
Viloalle, en Mondoñedo, celebrará as súas grandes festas os días 7 e 8 de setembro.
O sábado, 7 de setembro, os actos comezarán cunha misa solemne á unha da tarde, seguida da tradicional procesión. A xornada continuará coa sesión vermú, amenizada polo Dúo Son de Festa. Pola noite, a verbena contará coa actuación do Dúo Son de Festa e o Dúo Maracuya, garantindo diversión para todos os asistentes.
O domingo, 8 de setembro, repetirase o esquema festivo con outra misa solemne á unha da tarde, seguida de procesión. A festa continuará coa sesión vermú e verbena a cargo do Dúo Belinda.
El Patronato de la Fundación Expomar se reunió en la última semana de agosto con la mirada puesta en su gran cita del próximo año: el vigésimo aniversario de la feria monográfica Expomar, que celebrará con el objetivo de volver a convertir Burela en la capital del mundo del mar durante unos días y superar los récords de superficie de exposición y participantes de la anterior edición.
“Una de las metas de la feria será atraer nuevas empresas de los sectores náuticos y deportivos, abriéndose especialmente al mundo del turismo marinero, del que Expomar y Burela seguiremos siendo de sus principales promotores en España”, asegura Carmela López, presidenta de la Fundación Expomar y alcaldesa de Burela.
Como ya es habitual, de forma paralela a la feria se celebrarán las Xornadas Técnicas y el Encontro Empresarial de...
leer más
O evento Mondoñedo Máxico, que se celebrará na cidade episcopal do xoves 5 ao sábado 7 de setembro, contará coa participación de seis magos: Meiga Belmonte, Ninou, Deimi, Le Grand Marten, Aris e Jose Rivera.
Os tres días durante a tarde noite haberá roteiros de maxia pola hostalería local. O sábado pola mañá haberá maxia solidaria na Residencia San Rafael, no Hospital San Pablo e na Fundación Dignidade. E ese mesmo día ás 19:00 horas terá lugar na Praza do Concello unha gala de maxia.
A carón da lonxa de Ribadeo arrincou esta mañá a I Feira do Automóbil, organizada por Apaga como actividade complementaria ao XIII Fórum de Innovación de Formación sobre Vehículos.
Seis empresas da comarca expoñen ata mañá domingo arredor de 70 coches novos e usados. A Feira pode visitarse hoxe ata as oito da tarde e mañá en horario de 10 a 20 horas.
O presidente de Apaga, Álvaro Doural, agarda que “a feira funcione. É a primeira vez que organizamos un evento deste tipo, pero queremos seguir manténdoo no tempo e consolidándoo como unha cita importante a finais de agosto en Ribadeo”. E engadiu: “animamos á xente amante dos coches e a aquelas persoas que estean pensando en mercar ou cambiar de coche a que se acheguen pola feira hoxe e mañá”.
Ata Feira do Automóbil se achegaron esta mañá...
leer más
Cervo será o sábado 7 de setembro o escenario da II carreira de Andadura que se celebrará na pista ecuestre recentemente construída na zona da Bidueira. A competición, que arrincará ás 10:30 horas pola mañá e ás 16:00 horas pola tarde, foi presentada pola alcaldesa, Dolores García Caramés; polo edil de Zona Rural, Adrián Arias; e por unha representación da asociación Cabaleiros da Bidueira, que organiza a cita cabalar coa colaboración da administración local.
A proba arrincará ás 10:30 horas e irán sucedéndose as carreiras nas diferentes categorías. Haberá case 2.000 euros en premios, ademais de trofeos e medallas. Tamén recibirá trofeo o xinete que consiga bater o mellor rexistro da pista, fixado en 29,76 segundos. O prazo para anotarse remata o 4 de setembro e as persoas interesadas poden facelo por whatsapp no 658.03.20.19.
Tal e como recordan desde o Concello de...
leer más
Foz celebra a XII Festa Normanda de Recuperación da Memoria Histórica os días 29, 30 e 31 de agosto e o 1 de setembro.
O xoves, 29 de agosto, ás 19:00 horas dará comezo a festa coa apertura do Mercado Normando, onde os asistentes poderán mergullarse na época medieval e gozar dos produtos típicos da feira. Ás 21:00 horas, o grupo Rimo Crouleiro encargarase de animar o pasarrúas polo mercado.
O venres, 30 de agosto, a xornada arranca ás 12:00 horas coa inauguración do Campamento Normando no Paseo da Ribeira. Durante o día, diferentes agrupacións como Lipsala, Gaica Escola de Modo e Combates Normandos amenizarán o mercado con diversas actuacións e música. Ás 20:00 horas terá lugar o pregón oficial a cargo de Roberto Gómez Ledo na área recreativa Bispo Santo, seguido dunha representación teatral da Lenda de San...
leer más
Grove, en Mondoñedo, acollerá o 21 de setembro a festa na honra da Virxe de Guadalupe.
A celebración comezará ás 13:00 horas cunha misa solemne, seguida dun vermú a partir das 14:15 horas, amenizado polo Dúo EPO-K. A animación musical continuará durante a sobremesa e na noite coa actuación do Dúo Musical BPO-K e o Dúo EPO-K.
Os asistentes poderán gozar dun xantar popular baixo carpa, servido por Chao de Brea, cun menú que inclúe empanada con cecina, lagostinos, costela asada con patacas, postre (milfollas e tarta xeada), café, chupito e viños (Rioja crianza e Albariño). O prezo do menú é de 40 euros, e as reservas poderán realizarse ata o 19 de setembro chamando aos números de teléfono 606 502 722 ou 686 991 050.
A xornada estará cargada de animación musical, con Dúo EPO-K e Puzzle,...
leer más
A parroquia de Xunqueira (Viveiro) celebrará as Festas na honra a Nosa Señora de Valdeflores no mes de setembro.
As celebracións comezarán o venres 6 de setembro cunha misa solemne ás 19.30 horas, seguida dunha gran verbena amenizada pola Disco Móbil Conxuro.
O sábado 7 de setembro a xornada comezará coa sesión vermú a cargo de Vivarium. Ás 19.30 horas haberá outra misa solemne, e a continuación, Vivarium animará a verbena, seguida do grupo Maracaibo.
O domingo 8 de setembro será un día especialmente festivo, coa misa solemne e a procesión ás 11.45 horas acompañadas pola Banda Naval e a Banda Misericordia. A festa continuará cunha longa sesión vermú animada polo Dúo Cerbatana. Ademais, a partir das 13.00 horas repartiranse callos ao prezo de 7 euros por ración.