Eventos
O 20 de setembro darán comezo as festas na honra a San Antonio e Santo Tomás en Santo Tomé (Lourenzá). As celebracións iniciaranse ás 21:00 horas cunha gran pulpada e churrascada servida por Pulpería Suso, seguida dunha verbena onde actuarán a orquestra Acordes e o Dúo Matices.
O sábado 21 a xornada comezará ás 13:30 horas coa misa solemne e procesión, á cal seguirá unha sesión vermú amenizada pola Orquestra D'Noche. Pola noite, a partir das 22:30 horas, a verbena contará coas actuacións do Grupo Fusión e D'Noche, ofrecendo unha noite de diversión e boa música.
Para pechar as festas, o domingo 22 de setembro haberá de novo misa solemne e procesión ás 13:30 horas, e nova sesión vermú coa orquestra Dinastía, que porá o broche de ouro a esta fin de semana festiva.
A comisión de festas da Virxe dos Remedios e o cura párroco do Santuario, Pedro Díaz, presentaron a programación das festas patronais que se desenvolverán o sábado 14, domingo 15 e luns 16 de setembro, festivo local.
O sábado o parque da alameda será o escenario da actuación do Dúo Zafiro e pola noite tocará a orquestra Magma, considerada unha das mellores de Portugal e que actuará por primeira vez nesta comarca. Esa mesma xornada está previsto o evento DJs no Camiño, co patrocinio de Radio Líder e da Xunta de Galicia, así como tamén a XII edición de Cantos de Taberna.
O domingo é o día principal, coa ofrenda presentada este ano polo alcalde de Ortigueira, á que seguirá a tradicional procesión coa imaxe da virxe acompañada pola Banda de Gaitas de Ladrido. A orquestra Pontevedra, así como a comparsa XX, serán as...
leer más
O próximo 14 de setembro o do Sixto, no concello de Ourol, celebrará as tradicionais festas na honra á Virxe dos Remedios.
A xornada comezará ás 13:00 horas cunha misa solemne seguida da tradicional procesión. De seguido, terá lugar a animada sesión vermú, amenizada polo Dúo Caramelo.
Ás 15:00 horas celebrarase un xantar popular cun menú que inclúe callos, churrasco de porco, chourizo, patacas, postre, café e chupito. O prezo por persoa é de 28 € e as reservas pódense facer ata o día 11 de setembro nos seguintes números de contacto: 606 668 054 (Cruz) e 669 308 211 (Adrián).
Xa pola noite, a celebración continuará cunha gran verbena, onde actuarán o Dúo Caramelo e o Dúo D'Cache. Para maior comodidade dos asistentes, instalarase unha carpa no Cruce de Lombao.
...
leer más
A parroquia de Budián, no Valadouro, celebrará as súas tradicionais Festas na honra da Virxe das Dolores os días 13, 14 e 15 de setembro.
O venres 13 a partir das 21:00 horas terá lugar unha comida popular na que os asistentes poderán degustar empanada, xamón cocido, chourizo, pan e viño por un prezo de 15 euros por persoa. Esta xornada estará amenizada polo Dúo Crazy.
O sábado 14 a festa comezará ás 13:00 horas coa misa solemne e procesión na honra da Virxe das Dolores. A continuación, o Grupo Montreal ofrecerá unha animada sesión vermú, e pola noite será o mesmo Grupo Montreal quen se encargue de amenizar a verbena, acompañado dun DJ.
O domingo 15 a programación relixiosa repetirase ás 13:00 horas coa misa solemne e procesión. A xornada festiva pecharase cunha longa sesión vermú a cargo...
leer más
Coincidindo cos preparativos para o inicio do curso escolar, a Rede Museística Provincial pon a disposición dos centros escolares a súa programación para o curso 2024-2025, con multitude de propostas tanto presenciais como virtuais elaboradas a partir dos fondos do Museo Provincial de Lugo, o Museo do Mar de San Cibrao, o Museo Fortaleza San Paio de Narla e o Pazo de Tor.
O obxectivo da programación é achegar, un curso máis, o patrimonio conservado nos museos ao alumnado a través dun conxunto de actividades, deseñadas para cada etapa -infantil, primaria e secundaria - a partir da experiencia e da investigación educativa que se desenvolve nos museos provinciais
A deputada de Cultura Iria Castro e a xerente da Rede Museística Encarna Lago presentaron o catálogo de actividades no Pazo de Tor, coincidindo coa...
leer más
O Concello de Foz dá esta fin de semana o pistoletazo de saída a súa programación cultural outonal, que inclúe danza, teatro, circo de rúa e música. A presentación realizarase este sábado, 7 de setembro, ás 19.00 horas na Sala Bahía, que acollerá dous espectáculos de danza. Poderán desfrutarse de forma gratuíta.
A concelleira de Cultura, Inés López Couto, anuncia que “o primeiro dos espectáculos que se poderá ver é Rito, unha peza que poñerán en escena os alumnos do Conservatorio de Danza de Lugo en colaboración coa compañía Colectivo Glovo. A continuación será a quenda de Colectivo Glovo, coa súa obra Tabú. Agardamos que este primeiro día, no que comezamos a tempada con danza, o público poida ver a fantástica programación que deseñamos para os vindeiros meses”.
Inés López Couto engade que “o...
leer más
A Deputación de Lugo vén de arrancareste martes a segunda quenda de viaxes da cuarta edición do programa Coñece a túa provincia.Faranse excursións gratuítas dun día os martes, mércores, xoves e venres, nas que participarán preto de 1.600persoas de 69 entidades da provincia ata o 31 de outubro.
As primeiras entidades en desfrutar desta nova quenda de viaxes son aasociación de veciños Alexandre Bóveda Paradai, de Lugo, e a asociación veciñal Penas de San Xoán de Alaxe, do Valadouro. Os da capital visitaron o Mazo de Santa Comba e achegáronse a Sober e Monforte de Lemos, mentres que o colectivo mariñán coñeceu o traballo que se leva a cabo na Granxa Gayoso Castro, e o concello de Negueira de Muñiz.
O Coñece a túa provincia vai xa pola súa cuarta edición, dividida en dúas quendas. A primeira desenvolveuse durante a...
leer más
A localidade de San Miguel de Reinante, no concello de Barreiros, celebra as súas festas patronais, na honra a San Miguel Arcángel, os días 28 e 29 de setembro.
O sábado 28 ás 13:00 horas terá lugar a misa solemne, seguida de procesión e sesión vermú coa orquestra Salsarena. Ás dez da noite comezará a festa-verbena amenizada polas orquestras Salsarena e Capitol.
E o domingo 29 ás 13:00 horas celebrarase a misa solemne, seguida da procesión e sesión vermú co grupo Montreal. Ás 14:30 horas serviranse chourizos de porco celta de balde e ás dez da noite haberá verbena, que correrá a cargo do grupo Montreal.
A parroquia viveirense de Vieiro celebra a súas festas na honra de San Cipriano desde o día 20 ata o 22 de setembro.
O venres 20 haberá churrascada a partir das oito e media da tarde, ao prezo de 5 euros a ración, e despois terá lugar unha verbena amenizada por Loa Adrianos, de Asturias, e José M., da Orquestra Abanico.
O sábado 21, a unha da tarde, celebrarase unha misa seguida de procesión e sesión vermú a cargo de Mar de Arousa. Á noite haberá verbena coas orquestras La Fórmula e Mar de Arousa.
E o domingo 21 á unha da tarde terá lugar unha misa seguida de sesión vermú co dúo Belinda.
O Concello de Viveiro colabora na organización destes festexos.
Este mes volven as actividades de SetembroXNatural: Baños de Mar e Froitos do Mar.
A concelleira de Turismo, Marta Saiz, adiantou este martes que “un ano máis, Ribadeo contará cunha nova edición de SetembroXNatural, un programa de actividades relacionadas co noso medio ambiente e que van dirixidas a un público familiar”.
A edil ribadense destacou “as actividades incluídas dentro de Baños de Mar e Froitos de Mar, que xiran arredor dalgún dos aproveitamentos más importantes das augas mariñas, que se fixeron no noso municipio. O mar como fonte de saúde e de vida, como xerador de recursos, como fío da nosa historia e como orixe da nosa riqueza. O mar como protagonista e nós como actores responsables”.
Saiz explicou que “Baños de Mar recordará a figura das canouras, pioneiras do noso turismo...
leer más