Eventos
Un ano máis Vilameá xa está preparada para acoller as súas festas na honra á Virxe das Neves e San Roque. Durante a fin de semana do 9 ao 11 de agosto, a parroquia contará con orquestras, djs, churrasco e todo o necesario para pasar uns días marabillosos.
O venres, 9 de agosto, haberá festa co grupo Alma latina e dj Bombardero, pero iso será despois da gran churrascada. Cun prezo de 18 euros para os adultos e de 12 euros para os menores de 12 anos, os asistentes poderán saborear empanada, churrasco, chourizo, postre, bebida e café. Os tíckets poderán recollerse en Orli Lavandera, Sidrería A Mina, Librería Eugenia ou chamando a algún dos membros da comisión nos seguintes números: 686010078 (Mónica), 666746096 (Diego) e 686207135 (Pada).
O sábado, 10 de agosto, a xornada comezará ás 13:30 horas cunha misa solemne...
leer más
O Concello de Cervo organiza a XXXVII edición da Festa da Maruxaina, que se celebrará o sábado 10 de agosto. A cita foi presentada pola rexedora, Dolores García Caramés, os concelleiros Mali Méndez, Alfredo Fernández e Adrián Arias, e por unha representación da asociación Amigos da Maruxaina, que se encarga da pre-maruxaina, e tamén do xuízo a medianoite, e representantes da asociación a Anxuela, nunha festa na que tamén colaboran Mar de San Ciprián, que organizará os Xogos Populares na Praia, e Mulleres de San Ciprián, que colabora na venta das tazas e das camisetas personalizadas na caseta que se instalará na Praza dos Campos.
Ese día 10 serán os actos centrais, pero xa o venres terá lugar a Pre-Maruxaina co gran chupinazo ás 19:00 horas na Praza Nardo Martínez, seguido da concentración de Maruxainos e Maruxainas, onde haberá degustación...
leer más
O Concello de Viveiro anunciou a programación completa das Festas Patronais, con numerosas actividades a partir deste xoves, 1 de agosto. Entre os eventos que forman parte desta programación está a Feira da cervexa artesá de Viveiro, o Beer-Veiro Fest, que se desenvolverá entre este xoves e o domingo 4 de agosto nos xardíns Noriega Varela.
Participaron na presentación da Feira da Cervexa Artesá de Viveiro a alcaldesa, María Loureiro, e a concelleira de Cultura, Lara Fernández. "A Feira da Cervexa Artesá será un dos eventos máis sinalados das festas, dando comezo a unha programación moi diversa e para todos os gustos", sinala a rexedora.
Todo está listo para a celebración da Xira de Santa Cruz o vindeiro domingo, 4 de agosto. Esta festa de interese turístico de Galicia foi presentada esta mañá a carón do monumento ao Gaiteiro. O Concello porá en marcha, por segundo ano, o Xirabús para facilitar a subida de xeito seguro e sostible.
A presidenta da asociación Amigos da Gaita Galega, Noelia García, declarou: “xa chega a Xira e dende a directiva de Amigos da Gaita animámosvos a todos a subir e pasar unha boa xornada con nós: comendo, bailando e disfrutando”.
A concelleira de Turismo, Marta Saiz, tivo palabras de agradecemento para Amigos da Gaita: “agradecerlle á asociación Amigos da Gaita, á que ademais téñolle un cariño especial posto que pertencín á directiva durante moitos anos. Así que un ano máis chega a Xira e hai que animar a esta xentiña...
leer más
A parroquia de Vilaframil xa ten todo listo para as súas tradicionais festas na honra San Lorenzo. Do 9 ao 11 de agosto poderase desfrutar dunha programación repleta de actividades e música.
O venres, 9 de agosto, a celebración dará comezo cunha churrascada popular ás 21:00 horas. Os tíckets estarán á venda no restaurante El Huerto e no Bar Taller de Ribadeo ata o 5 de agosto. O prezo é de 25 euros e 15 euros para os nenos e nenas de 5 a 12 anos. A continuación, verbena co Grupo Galia e dj Litainer.
O sábado, 10 de agosto, ás 13:00 horas, misa solemne e procesión seguida dunha amena sesión vermú a cargo da orquestra Tokio. Pola noite, verbena coas actuacións da orquestra Tokio e o Grupo Beatriz.
O domingo, 11 de agosto, misa e procesión ás 13:00 horas. A celebración rematará cunha sesión...
leer más
Ribadeo acollerá unha feira do automóbil novo e usado os días 31 de agosto e 1 de setembro. Está organizada por Apaga e enmárcase no XIII Fórum de Innovación e Formación sobre Vehículos. Seis firmas teñen confirmada xa a súa presenza.
Esta é unha das novidades do Fórum, que arrincará o 28 de agosto, nas instalacións de Apaga. O seu presidente, Álvaro Doural, contou que “o programa do Forum xa está listo, é dicir que empezará o 28 e vai rematar o día 30. Neste caso, como todos os anos, sempre reservamos un número de prazas para xente que non é socio noso, para persoas interesadas no mundo do motor. Xa están dispoñibles, é dicir, calquera persoa que queira vir ao Fórum o único que ten que facer é vía web, a través de www.apaga.es anotarse. Aí ten unha ficha para cubrir, que é moi fácil, incluír datos como...
leer más
O Concello de Ourol organiza un ano máis as súas festas na honra da Nosa Señora. Este ano serán os días 10, 11 e 15 de agosto, xornadas nas que a parroquia contará cun gran número de actividades e cousas para facer.
O sábado, 10 de agosto, Anxo Vázquez Pernas presentará o seu libro titulado “A imaxinería nos cemiterios de Ourol”. O acto terá lugar ás 20:00 horas no edificio multiusos. Ás 21:00 horas, actuación do grupo de gaitas Bágoas da Terra seguida dunha gran cea popular ás 21:45. Dita cea, servida polo Catering Rochela, de Vilalba, na carpa da praza do Concello, terá un custo de 28 euros para os maiores de 11 anos e de 14 euros para os nenos de 7 a 11 anos non empadroados na vila. Todos os empadroados, así como os nenos de 0 a 6 anos, cearán gratis. Será imprescindible recoller o tícket nas dependencias do Concello para entregalo o...
leer más
A parroquia de Sumoas, no concello de Xove, celebra as súas festas patronais, na honra a San Antonio, esta fin de semana, do venres 2 ao domingo 4 de agosto. Están organizadas pola asociación Rodagel de Sumoas.
As actividades comezarán o venres ás 20:30 horas cunha churrascada e verbena amenizada polo grupo Tania Veiras e o dúo EpoK.
O sábado ás 13:00 horas celebrarase misa solemne e procesión, seguida de sesión vermú co grupo Los Adrianos, que tamén actuará na verbena xunto a Laura Añon e Ángel Sevilla e Pedro Brmudz.
E o domingo haberá sesión vermú amenizada por José Manuel.
Na presentación destes festexos participaron o alcalde de Xove, Demetrio Salgueiro, e a concelleira María Dolores Meitín.
O concello de Cervo ten na tardiña deste sábado, 3 de agosto, unha cita co mundo do motor. Así de 18:30 a 19:30 horas terá lugar unha exhibición de coches clásicos na zona do peirao de San Ciprián e na subida ao Faro, organizada por Autoclásico da Mariña Lucense, coa colaboración do Concello, na que participarán máis de medio cento de vehículos antigos das décadas dos 60, 70 e 80.
O Concello de Cervo anuncia que “na concentración tamén participará Santi Martínez, experto neste mundo que publica contidos na súa canle especializada de Youtube “Documentos del Motor”, e que asistirá á cita a bordo do seu Citröen CX GTI, un modelo que este ano celebra o seu 50 aniversario. Como curiosidade, as persoas que se acheguen esa tarde ata o peirao poderán ver un Renault Gordini, coñecido como o coche das viúvas, porque tal e como contan, a súa...
leer más
As celebracións comezarán este xoves, 1 de agosto, coa inauguración da Feira da Cervexa Artesanal de Viveiro nos xardíns Noriega Varela, a colecta da AECC en diferentes puntos da vila, a exposición de indumentarias do Camiño de Santiago na Biblioteca Municipal, e o comezo da XLIV Mostra Folclórica Internacional na praza maior.
A alcaldesa María Loureiro destaca "a aposta polos grupos locais e do Conservatorio de Viveiro nas festas”. O 9 de agosto celebrarase unha emotiva homenaxe a Óscar Fernández, músico e profesor do Conservatorio falecido o pasado mes de outubro e moi querido en Viveiro.
Nos días seguintes haberá tamén diversos concertos, exposicións, eventos deportivos e outras actividades. O 14 de agosto terá lugar a lectura do pregón no balcón da Biblioteca Municipal, dando paso aos días grandes das festas...
leer más