Festas
O Concello de Viveiro celebra que unha comisión se encargue da organización das festas patronais de San Roque de 2025, que se celebrarán os días 14, 15 e 16 de agosto, en coordinación coa administración municipal.
“Estamos encantados de que un grupo de xente moza colla as rendas destes tres días de festas”, explica a alcaldesa, María Loureiro, quen mantivo unha reunión cos membros da comisión como primeira toma de contacto para traballar no calendario festivo.
Así, as festas patronais coordinaranse cos actividades culturais que o Concello de Viveiro organiza no mes de agosto, como a Feira do Libro ou a Feira de Artesanía, ademais daquelas nas que colabora, como a Mostra Folclórica Internacional ou o desfile de Xigantes e Cabezudos.
Na seguinte reunión, na que participará a concelleira de...
leer más
A parroquia focega de San Martiño celebrará as festas na honra do seu patrón desde o venres 8 ata o domingo 10 de novembro.
As actividades comezarán o venres con verbena amenizada polo dúo Estrellas e Conxuro Discomóbil
O sábado haberá sesión vermú a partir das 13:30 horas, co grupo Eureka, que tamén actuará na verbena xunto a Conxuro Discomóbil.
E o domingo a partir das 13:00 horas celebrarase misa solemne e procesión acompañada polo grupo de gaitas A Subela. E a continuación haberá sesión vermú amenizada polo grupo Toxo Guayaba.
Os organizadores destes festexos destacan que disporán de carpa con calefacción.
A parroquia de San Román celebrará as festas na honra á Virxe do Pilar e á Virxe do Carme do 11 ao 13 de outubro. Os diferentes actos previstos foron presentados pola alcaldesa de Cervo, Dolores García Caramés, polo concelleiro Alfredo Fernández e por unha representación da Comunidade de Montes de Vilaestrofe, entidade que organiza a festa, coa colaboración do Concello de Cervo.
O programa arrinca este venres 11 co SanroDance 2024 a partir das 23:00 horas, no pavillón da parroquia, e que contará coa participación de DJ Pablo Conxuro, DiscoMóbil Alejandro Martínez, e os DJ invitados, Marcos Peón e DJ Balbin.
O sábado 12 haberá misa solemne cantada polo Coro Parroquial de Cervo ás 13:00 horas, e a continuación a orquestra Costa Dorada será a encargado da sesión vermú, que tamén protagonizará a verbena co grupo Da Silva.
O domingo 13 volverá haber...
leer más
A parroquia ribadense de Piñeira celebrará as festas do Santo Cristo esta fin de semana, desde o venres 11 ata o domingo 13 de outubro.
As actividades empezarán o venres ás 22:00 horas coa verbena amenizada por grupo Beatriz e América SL.
O sábado haberá verbena ás 22:00 horas, coas orquestras Capitol e New York, e espectáculo de fotos artificiais ás 00:00 horas.
E o domingo celebrarase ás 13:00 horas misa solemne cantada pola Coral Polifónica de Ribadeo. Despois haberá procesión co Cuarteto Illa Pancha e sesión vermú a cargo de Los Adrianos, con degustación de xamón cocido e empanadas de balde.
A organización, que corre a cargo da Asociación de Festas do Santo Cristo de Piñeira, destaca que disporán de carpa.
Vilares, que é un lugar da parroquia de Merille (Ourol), celebrará as festas na honra de San Francisco de Asís os días 4 e 5 de outubro, venres e sábado.
As actividades comezarán o venres ás 13:00 horas con misa solemne, procesión e sesión vermú, co grupo Alma Latina, que tamén actuará na verbena xunto ao dúo Venús. A partir das 21:00 hora haberá xamón cocido, chourizo e pan gratis.
E o sábado ás 13:00 horas celebrarase misa solemne e sesión vermú co dúo Estrellas, que tamén actuará pola noite na verbena xunto a Juanjo Music.
A parroquia cervense de Castelo celebrará as festas na honra da Nosa Señora do Rosario o 5 e o 6 de outubro.
O Concello de Cervo anuncia que “a cita comezará o sábado 5 ás 13:00 horas coa misa solemne cantada polo Coro Parroquial de Cervo e a posterior procesión. A continuación haberá sesión vermú a cargo da orquestra Estelamar, que repetirá na verbena a partir das 22:00 horas, co Grupo Puzzle. Xa o domingo 6 haberá misa solemne ás 13:00 horas cantada polo Coro Parroquial de Cervo. A continuación terá lugar a procesión e ao remate haberá sesión vermú a cargo do Dúo Belinda”.
A festa está organizada pola Asociación Cabaleiros do Xunco coa colaboración do Concello de Cervo, que convida a toda a veciñanza e visitantes a que gocen destas dúas xornadas festivas na parroquia de Castelo.
A parroquia de Galdo, no concello de Viveiro, celebrará as súas festas na honra a San Miguel esta fin de semana, do venres 27 ao domingo 29 de setembro.
As actividades comezarán o venres ás 21:30 horas con degustación gratuíta de carne de porco á brasa. Despois haberá verbena co grupo Zona zero e Juanjo DJ.
O sábado ás 14:00 horas empezará a sesión vermú coa orquestra Costa Dorada, que tamén actuará na verbena xunto á Disco Móbil Conxuro.
E o domingo ás 13:30 horas celebrarase misa solemne e despois procesión. De seguido haberá sesión vermú coa orquestra Salsarena e xantar popular no Campo da Festa, con aforo limitado. Os festexos rematarán cun baile de tarde amenizado pola orquestra Salsarena e Jorge Menéndez.
Villaemil, na Pontenova, celebrará as festas na honra de San Miguel do venres 27 ao domingo 29 de setembro.
As actividades comezarán o venres ás 21:30 horas con degustación de polbo e xamón cocido. E haberá verbena amenizada polos dúos Zafiro e Tropical.
O sábado 28 ás 13:30 horas celebrarase misa solemne e seguidamente sesión vermú amenizada polo grupo Lecer e Javi Show, que tamén actuarán na verbena.
E o domingo haberá sesión vermú prolongada coa actuación de Javi Show.
A parroquia de Cervo celebrará a Festa na Honra da Virxe das Dolores a vindeira fin de semana, deste o venres 20 ata o domingo 22 de setembro. A cita, organizada pola asociación Virxe das Dolores, coa colaboración do Concello, foi presentada pola tenente de alcaldesa, Mali Méndez, polo edil de Zona Rural, Adrián Arias, e polo membro da comisión de Festas Francisco Casas.
O Concello de Cervo anuncia que “a antesala dos festexos será este venres, coa ruta Venres de Petiscos nos locais A Sacabeira, O Almacén, O Caseto de Copa e A Taberna de Sargadelos. Xa o sábado 21 arrincará a festa propiamente dita cunha sesión vermú ás 14:00 horas a cargo de Louband Street Band, que repetirá pola noite na verbena a partir das 22:30 horas, seguida de Disco Móbil Conxuro. E o domingo 22 haberá pasarrúas a cargo de Fol do Raxal e misa solemne ás 13:00 horas...
leer más
A parroquia ribadense de Couxela celebra a súa XIX Festa na honra da Virxe das Dores, o sábado 21 de setembro.
O programa de festexos dará comezo ás 13:00 horas coa celebración da misa solemne seguida de procesión, que estará acompañada por Illa Pancha Cuarteto Tradicional. Despois haberá sesión vermú co solista Jaime Paredes.
A partir das 22:45 horas terá lugar a verbena co solista Jaime Paredes e a orquestra Tania Blanco Show.
Colaboran coa organización desta actividade: Concello de Ribadeo e Xunta de Galicia.