Deportes
A Deputada de Economía, Recadación, Facenda e Especial de Contas e Alcaldesa de Burela, Carmela López Moreno, participou este xoves na casa consistorial do Concello de Burela na presentación da primeira etapa da 12ª Marcha Ciclista Unificada que organiza de Special Olympics. Esta proba, que se divide en catro fasese na que participarán persoas con e sen discapacidade, arrincará o 3 de outubro nos municipios de Burela e Cervo. Tras o seu paso pola comarca mariñá, a cita continuará o día 4 en Santiago de Compostela, o 5 percorrerá o concello de Carballiño e rematará o día 6 de outubro en Vilagarcía de Arousa.
Carmela López puxo en valor o “incansable esforzo que realiza unha vez máis esta entidade por sacar adiante a duodécima edición da Marcha Ciclista Unificada na que os participantes poderán percorrer diferentes puntos da xeografía galega...
leer más
O Concello de Trabada presenta os detalles dunha nova ruta programada coa colaboración da asociación de sendeirismo Trabada Paso a Paso. O 13 de outubro, domingo, chega a quenda da Ruta do Monte Roxal-Teixido, un percorrido de 8 quilómetros de dificultade media-baixa. A saída será ás 10:00 horas desde a Praza do Concello e ó finalizar a ruta haberá comida para tódolos asistentes.
As prazas son limitadas. As inscricións poden facerse ata o 9 de outubro no teléfono do Concello de Trabada: 982.135.011.
“No Concello estamos moi satisfeitos pola gran acollida que teñen estas rutas, unha actividade de deporte e natureza pola que seguiremos apostando en Trabada”, asegura o alcalde, Rubén García.
O Concello de Trabada organiza o seu primeiro Campionato de Balinera, que terá lugar o día 12 de outubro.
Este primeiro campionato desenvolverase no Complexo Deportivo de Trabada a partir das 11:30 da mañá. Haberá diversos premios para as persoas gañadoras: o primeiro será unha carabina de madeira marca Gamo, o segundo premio será un taladro marca Einhell e o terceiro, un maletín de chaves de vaso marca Irimo.
O Concello contou coa colaboración de Top 10 Ferretería na organización do evento, subministrando esta o material necesario para realizar a competición.
"Con esta nova iniciativa pretendemos ofertar outra nova actividade diferente, para que calquera veciño ou veciña de Trabada a poida desfrutar", sinala o alcalde de Trabada, Rubén García, que engade: Deste xeito, aumentamos o abano...
leer más
O percorrido será duns 7 a 9 quilómetros e os participantes deberán sortear preto de trinta obstáculos. A carreira estará limitada a 12 tandas, que tomarán a saída cada 15 minutos. A primeira sairá ás 10:00 da mañá e a última ás 12:45 horas.
Haberá premios para os tres primeiros clasificados tanto masculino como feminino das categorías elite e popular competitiva. As tandas open/populares: participarán en sorteos por dorsais de distintos premios, independentemente do posto acadado na carreira.
O concelleiro de Deportes, Francisco José Silvent, anima “a achegarse a calquera punto do percorrido a disfrutar desta carreira de obstáculos, que vai traer a moita xente a vindeira fin de semana a Ribadeo. Hai arredor de 350 participantes, que virán acompañados de familiares ou amizades co que iso vai supoñer para a nosa...
leer más
La primera edición del Torneo de Petanca Concello de Foz se disputará el día 6 de octubre, domingo, en las pistas del parque Uxío Novoneyra, en la villa focense.
Está organizado por el Club Petanca Foz con la colaboración del Concello.
Las personas interesadas en más información sobre este evento pueden contactar con los organizadores a través de los teléfonos 669.915.169 o 638.201.592.
O Concello de Cervo e o CD San Ciprián, xunto a un grupo de veciños afeccionados ao pádel, organizan o V Torneo de Pádel Cervo que terá lugar nas pistas municipais do complexo deportivo da Veiga do 1 ao 6 de outubro, ambos incluídos.
As persoas interesadas poden inscribirse ata o 29 de setembro no teléfono 639.05. 40.15 (Fran) ou a través da plataforma Mis Torneos Online.
Os xogadores poderán competir nas categorías masculina, iniciación masculina, feminina e mixta, ata un máximo de 16 parellas por categoría. O prezo establecido para inscribirse será de 20 euros nunha categoría e de 28 euros en dúas categorías. O premio será material deportivo para os mellores clasificados, e haberá cadro de consolación tamén en todas as categorías.
A alcaldesa de Cervo, Dolores García Caramés, e o concelleiro Alfredo Fernández, achegáronse ata o complexo...
leer más
O Concello de Alfoz informa á veciñanza da apertura do prazo de inscrición nas Escolas Deportivas Municipais nas modalidades de patinaxe e atletismo e as Actividades Deportivas para Adultos, que se abrirá do 20 ao 27 de setembro. Este programa ofrece unha variada oferta de actividades destinadas a promover a práctica deportiva entre persoas de todas as idades.
As modalidades dispoñibles inclúen :patinaxe e atletismo, dirixidas aos máis novos e as Actividades Deportivas para adultos, como ximnasia de mantemento, aerobic, ioga e pilates. Destaca a actividade de pilates, que foi unha novidade da tempada pasada e que, debido á alta demanda da veciñanza, ampliará o seu horario nesta, ofrecendo unha hora adicional.
Con estas iniciativas, o Concello de Alfoz asegura que “reafirma o seu compromiso coa promoción do deporte e o benestar físico, fomentando un estilo de vida...
leer más
O Concello de Barreiros abriu este mércores, 18 de setembro, o prazo para matricularse nas actividades deportivas ofertadas desde as Escolas Deportivas Municipais (EDM) de persoas adultas (maiores de 16 anos) para a tempada 2024-2025. O período de inscrición estará aberto ata o 25 de setembro e as actividades comezarán o 30 deste mes.
Haberá estas actividades: espalda saudable, ximnasia de mantemento, ioga suave e intenso, zumba, pilates e baile.
As prazas son limitadas e cubriranse por rigorosa orde de inscrición no rexistro municipal do Concello de Barreiros. No caso de que o número de inscricións supere ao de prazas dispoñibles, terán preferencia as persoas empadroadas en Barreiros.
O Concello de Viveiro e a Asociación Deportiva e Cultural Alboi Viveiro presentaron o Trail Penedo do Galo, que terá lugar este domingo, día 22 de setembro.
Na presentación participaron o presidente da asociación Alboi, Alfredo Navarro Palmeiro; a alcaldesa de Viveiro, María Loureiro, e a tenente de alcaldesa, Míriam Bermúdez. A ACD Alboi organiza a competición co apoio do Concello e de Protección Civil.
O Trail Penedo do Galo 2024 realizará un percorrido circular en diferentes modalidades, con saída e chegada na Praza do Concello.
Para máis información as persoas interesadas no evento poderán contactar coa asociación Alboi a través do número 603.34.89.37, do correo electrónico alboiadc@gmail.com e das súas redes sociais.
Cervo será o escenario da II mini btt medela mtb o domingo 29 de setembro a partir das 10:00 horas.
Este evento federado desenvolverase nun circuíto que foi deseñado e trazado nunha parcela municipal do Polígono de Cuíña que lle foi cedida ao club Medela MTB para o desenvolvemento da súa actividade.
A cita deportiva, organizada por este club de ciclismo coa colaboración do Concello de Cervo, foi presentada pola alcaldesa, Dolores García Caramés e polo presidente de Medela MTB, David Riera, que estiveron acompañados por un grupo de rapaces que integran o club nas súa categoría base, e que tamén competirán na cita prevista para finais deste mes.
Os participantes xa se poden inscribir ata o 26 de setembro na web da Federación Galega de Ciclismo nas categorías Promesa Fem., Promesa B, Promesa...
leer más