Presentación
O Concello de Barreiros organiza para este xoves, día 21 de novembro, ás 11:00 horas a presentación da súa nova APP turística. O evento terá lugar nas escolas de San Cosme e está dirixido a todas as persoas interesadas, con especial atención ao sector servizos e á hostalaría.
“Esta aplicación, deseñada para ofrecer unha experiencia única, permitirá acceder a toda a información turística do municipio dunha maneira máis práctica e accesible. Esta iniciativa busca modernizar a promoción turística e facilitar o acceso á información, reforzando a aposta do Concello por posicionarse como un destino atractivo e accesible para todos os públicos mellorando a experiencia das persoas visitantes e poñendo en valor os recursos do municipio”, explica o Concello de Barreiros.
A aplicación xa está dispoñible para descargar en...
leer más
Burela acollerá, no salón de conferencias, a presentación da 'Guía Micolóxica Básica da Provincia de Lugo'. O acto está impulsado pola Sociedade Micolóxica Lucus en colaboración co Concello, e terá lugar ás 19:00 horas deste xoves, día 7 de novembro.
O Concello de Burela explica que “esta guía, coordinada por Antonio Rigueiro e Julián Alonso e na que tamén colaboran como autores José Castro Ferreiro e María Cristina García-Echave, pretende ser unha ferramenta de utilidade para todas aquelas persoas interesadas en iniciarse no mundo da macromicoloxía en xeral e na realidade da provincia de Lugo en particular. A ‘Guía micolóxica básica da provincia de Lugo’ ofrece un amplo compendio informativo, a través do que se afonda en distintos conceptos básicos sobre fungos, a súa identificación, a súa toxicidade e mesmo respecto da súa aptitude para o consumo. A obra...
leer más
Este xoves, día 7 de novembro, na Biblioteca Municipal El Viejo Pancho, de Ribadeo, será presentada a novela "Nove lúas", do mariñao Lionel Rexes.
O acto celebrarase ás 20:30 horas e participarán Farruco Graña, presidente da Agrupación Cultural Francisco Lanza, que organiza esta presentación, e o propio autor do libro.
A Deputada de Economía, Recadación, Facenda e Especial de Contas e Alcaldesa de Burela, Carmela López Moreno, participou este xoves na casa consistorial do Concello de Burela na presentación da primeira etapa da 12ª Marcha Ciclista Unificada que organiza de Special Olympics. Esta proba, que se divide en catro fasese na que participarán persoas con e sen discapacidade, arrincará o 3 de outubro nos municipios de Burela e Cervo. Tras o seu paso pola comarca mariñá, a cita continuará o día 4 en Santiago de Compostela, o 5 percorrerá o concello de Carballiño e rematará o día 6 de outubro en Vilagarcía de Arousa.
Carmela López puxo en valor o “incansable esforzo que realiza unha vez máis esta entidade por sacar adiante a duodécima edición da Marcha Ciclista Unificada na que os participantes poderán percorrer diferentes puntos da xeografía galega...
leer másO Lugar das Marías, en Xove, acollerá o 6 de setembro a presentación do último libro de Aurora Marco
Aurora Marco presenta este venres, 6 de setembro, o seu último libro “Carmiña Sierra: a primeira muller do Seminario de Estudos Galego”, de Alvarellos Editora, no Lugar das Marías (A Rigueira-Xove).
A obra foi finalista nos Premios Follas Novas como un dos mellores ensaios de 2023, premio que co que autora xa fora galardoada en 2021 coa obra “Irmandiñas”.
A cita terá lugar a partir das 20:00 horas na Rigueira no marco do programa "Contos con café á italiana", que promove o Lugar das Marías e que contará con varias autoras ao longo de 2024.
O vindeiro xoves, 5 de setembro, ás 20:00 horas, terá lugar a presentación do libro "Un Camino de Cine Xacobeo", escrito pola xornalista Pilar Falcón Osorio. Será no Seminario Conciliar Santa Catalina de Mondoñedo.
Este evento contará coa intervención de Luis Fernández, presidente da FEGAC, Fernando García, bispo de Mondoñedo, Manuel A. Otero, alcalde de Mondoñedo, e a propia autora, Pilar Falcón.
A presentación está organizada polo Seminario Conciliar Santa Catalina e polo Concello de Mondoñedo.
O domingo 1 de setembro celebrarase no Campo Municipal de Alfoz unha festa para presentar a nova tempada futbolística.
A apertura de portas do evento será ás 14 horas e haberá unha sesión vermú coa actuación musical de Carta de Ajuste, coas súas versións de temas dos anos 80 e 90. Ao remate seguirá o DJ local Julián Gómez.
Ás 18 horas a festa seguirá dentro do térreo de xogo, cun partido amigable do CD Alfoz ante o CD San Ciprián.
A Agrupación Cultural Francisco Lanza presentará o 29 de agosto unha edición facsímile do “Ribadeo Antiguo”. Será ás 20:30 horas na Biblioteca El Viejo Pancho.
Participarán o cronista oficial de Ribadeo, e ex presidente da AC Francisco Lanza, Eduardo Gutiérrez Fernández, un representante da Editora Gráficas Lar, de Viveiro, o deputado provincial da Mariña, Daniel García Fernández, e o presidente da Agrupación Cultural Francisco Lanza, Farruco Graña.
O acto terá lugar ás 20 horas na Casa da Cultura do Valadouro o vindeiro sábado, día 27.
Trátase da presentación do Caderno 14 do Seminario de Estudos do Valadouro: A casa grande, de Isaac Ferreira.
Organiza o Seminario de Estudos do Valadouro co que colabora o Concello de Alfoz.
Librería Bahía, de Foz, presenta o libro “O azul entre o ceo e a auga” nun encontro coa súa tradutora, Rocío Viéitez. Será o día 3 de xullo, mércores, ás 20:30 horas.
“O azul entre o ceo e a auga” é unha novela da autora palestina Suzan Abulhawa, traducida ao galego por Rocío Viéitez Ferro, quen ademais dirixe a colección Candemaia, galardonada co premio Follas Novas á iniciativa bibliográfica.
Librería Bahía anuncia que o próximo mércores, 3 de xullo, “teremos un encontro con Rocío para falarmos da novela e a súa tradución e de Candemaia. Non faltedes!”.