Teatro
A Delegación de Cultura do Concello de Foz organiza o Ciclo de Teatro de Outono, cunha programación de teatro profesional para público adulto todos os venres de outubro na Sala Bahía.
Esta actividade foi presentada polo alcalde, Fran Cajoto Caserío, e a concelleira de Cultura, Inés López Couto, quen anuncia que “co lema Foz fai cultura as mellores compañías do teatro galego pasarán pola Sala Bahía todos os venres do mes de outubro ás 21.00 horas. O custo da entrada para cada representación será de 5 euros. Respectaranse todas as medidas de seguridade e hixiene esixidas, como ata o de agora se está realizando en todas as actividades organizadas polo Concello de Foz, cunha programación segura”.
Este venres, 2 de outubro, Sarabela Teatro poñerá en escena a súa obra recentemente estreada A lingua das bolboretas, da...
leer más
O Concello de O Vicedo programa para esta semana varias actividades culturais que comezan este xoves, 1 de outubro, ás 16:30 horas na Casa da Cultura, coa actuación de Larraitz Urruzola que presenta A festa dos monicreques.
Conta a historia dona Barriga Verde, unha pícara pandereteira, que armada de inxenio desafía as dificultades cotiás, vence ao medo e ás inxustizas defendendo a súa integridade e amor propio fronte aos monstruos, ao amor, á morte e ata ao mismísimo demo.
O sábado, 3 de outubro, ás 20:00 horas tamén na Casa da Cultura, Expresión Produccións representa Que é o que preciso?. A obra, unha comedia de enredo, é para todos os públicos.
En ambos espectáculos a entrada é de balde e respectaranse as normas de prevención do Covid-19. As butacas están numeradas e serán asignadas a...
leer más
Vuelve el mejor teatro a Ribadeo con una gran obra y con todas las medidas de seguridad ante la pandemia del Covid19: aforo reducido para mantener las distancias de seguridad, gel hidroalcóholico a disposición de los espectadores, obligación de portar mascarilla, etc.
Carolina Román nos ofrece la premiada obra "Juguetes rotos" de la mano de dos grandes actores, Nacho Guerreros, el conocido Coque de la popular serie televisiva "La que se avecina" y Kike Güaza.
Será el 11 de octubre a las 20:00 horas en el auditorio municipal Hernán Naval. Entradas numeradas a la venta en ataquilla.com.
Mario trabaja en una oficina. Una llamada le cambiará la vida para siempre.....A partir de ese momento viajaremos a su infancia, habitaremos su casa, recorreremos su pueblo. Pinceladas en blanco y negro que...
leer más
O auditorio da Casa da Cultura de San Ciprián acolle este domingo, 27 de setembro, ás 20:00 horas a representación de O mel non caduca, a cargo de Ibuprofeno Teatro.
A obra fala da relación do ser humano cos obxectos, da degradación ecolóxica do planeta por culpa da perversa lóxica consumista do capitalismo e da obsolescencia programada, tanto dos produtos como das persoas.
Está interpretada por Avelino González e Marian Bañobre baixo a dirección de Santiago Cortegoso, quen tamén é autor do texto.
A apertura de portas no auditorio será ás 19:40 horas. O aforo estará limitado e é obrigatorio o uso de máscara.
A Biblioteca Pública Municipal presenta o espectáculo Que animaliño é?, a cargo da compañía Trémola Teatro. Será na Casa da Cultura este sábado, 26 de setembro, ás 18:30 horas con entrada libre.
A función de teatro sensorial está dirixida a bebés desde seis meses a nenos e nenas ata 4 anos, que gozarán coñecendo e recoñecendo as cousas que ven ao seu redor. A través de diferentes elementos como bolas de la, burbullas de xabón, confeti, instrumentos, sons, etc… os máis pequenos da casa gozarán desta aventura.
Trémola Teatro nace na Escola Superior de Arte Dramática de Galicia e as actrices que integran a compañía son: Lucía L. Golán e Paula Regueiro.
O Teatro Pastor Díaz, de Viveiro, comunica que, nesta nova normalidade, establece un protocolo Covid para a compra de entradas. Deste xeito para poder acudir ás actividades que se realicen no teatro, hai que facer reserva anticipada de entradas, de luns a xoves, entre 9:00 e 14:00 horas, no teléfono 982 560 162 ou no correo electrónico rbg.cultura@viveiro.es.
O próximo espectáculo que acollerá o Teatro Pastor Díaz será este sábado, 26 de setembro, ás 18:00 horas, a cargo de Baobad Teatro que presentará Puño Puñete, dentro do programa Cultura no Camiño. A obra está dirixida a nenos e nenas de entre 1 e 6 anos.
A Casa da Cultura, de San Ciprián, acolle o venres, 18 de setembro, o espectáculo Divas de Diván, Contos Eróticos para abrir boca.
A representación terá lugar ás 20:00 horas, con entrada de balde. O aforo será limitado como medida de prevención do covid e é obrigatorio o uso de máscara.
A obra está protagonizada por Vero Rilo, Ángeles Goás e Carmen Conde, que se xuntan arredor dunha mesa para, mentres pican queixo de tetilla, comparten uns chouriciños e proban que pimentos pican e cales non, contarnos historias da erótica do noso país.
Os Xardíns Noriega Varela de Viveiro acollerán este domingo, 20 de setembro, o espectáculo do Mago Antón Micromaxias, dentro do programa Cultura no Camiño.
Haberá actuacións ás 12:00, ás 13:00, ás 14:00, ás 17:30, ás 18:30, ás 19:30 e ás 20:30 horas. A duración do espectáculo é de 45 minutos.
O Mago Antón emprendeu no 2018 unha nova aventura no magomóbil coa idea de achegar a maxia a todos os concellos de Galicia. O vehículo está deseñado para a presentación de espectáculos de maxia para un máximo de 30 espectadores por función.
A reserva anticipada de entradas pode facerse a través do teléfono do Teatro Pastor Díaz 982 560 162 ou en rbg.cultura@viveiro.es
O 26 de setembro ás 18:00 horas no Teatro Pastor Díaz Baobad...
leer más
A Biblioteca Municipal de Ribadeo promove unha sesión de contacontos o mércores da vindeira semana, día 16 de setembro.
O espectáculo, titulado Cantacontos, corre a cargo de Migallas Teatro e está dirixido a nenos e nenas con idades comprendidas entre 4 e 11 anos. Dará comezo ás 17:30 horas e, por motivos de aforo e seguridade, terá lugar no Teatro de Ribadeo.
A actividade enmárcase no programa Ler conta moito, no que participa a Biblioteca El Viejo Pancho de Ribadeo, e nela os contos tradicionais ou de creación propia son arrequentados con cancións, música ou sons que continúan a espertar emocións nas nenas e nenos.
Alfoz acolle o sábado, 12 de setembro, a obra teatral Relatos negros, de Manuel Maquiña e dirixida por Darío Autrán.
A cita terá lugar no salón de actos da Casa da Cultura as 20.00 horas e a entrada será gratuíta cun aforo limitado a 50 persoas. As entradas poderán recollerse no Concello ata o 11 de setembro. En caso de quedar algunha localidade dispoñible o sábado, as entradas poderán recollerse antes da función na entrada da Casa da Cultura.
Dende o Concello recordan que é obrigatorio cumprir coas normas de hixiene e seguridade vixente e será necesario o uso da máscara durante todo o evento.
Organizan: Concello de Alfoz, Rede de Bibliotecas Públicas e a Consellería de Cultura e Turismo.