Teatro
O Concello de Foz programa dez actividades de Cultura na Rúa desde hoxe, martes, ata este domingo, día 16.
Hoxe ás 21:00 horas no Colexio Nº1 haberá teatro infantil coa compañía Producións Teatrais Excéntricas que ofrecerá a obra Cartoons. E a proxección de cine ao aire libre que estaba programada para esta noite na pista polideportiva da parroquia de San Martiño aprazouse para o vindeiro martes, día 18, debido ás choivas.
Mañá, mércores, ás 21:00 horas no Colexio Nº 1 terá lugar outra representación de teatro infantil. Neste caso será Caramuxo Teatro coa obra Pavillón Lino.
O xoves, día 13, haberá autocine no aparcadoiro Valle Inclán ás 22:30 horas. Proxectarase a película María Solinha.
Para o venres 14 están programadas dúas actividades: un concerto de música...
leer másBurela programa para agosto teatro e cine ao aire libre. O cine será os días 5 e 19 e o teatro o 28.
A Concellería de Cultura programa para este mes de agosto dúas sesións de cine ao aire libre e tamén teatro na rúa. A primeira película que se proxectará será Dumbo este mércores, 5 de agosto, ás 22:30 horas na praza do Concello.
O concelleiro de Cultura, José Díaz, dixo que “comenzamos el mes de agosto con la celebración de AMARTE, este fin de semana. El balance fue muy satisfactorio, con el puerto creciendo en vistosidad y en arte, convirtiendo ese muro portuario en un museo al aire libre”.
O edil anunciou que “vamos a tener el próximo miércoles, día 5, sobre las diez y cuarto de la noche, dependiendo de cuando oscurezca, en la praza do Concello cine al aire libre. Vamos a proyectar Dumbo del año 2019, es un remake de la película clásica. Tendremos todas las medidas de seguridad, pedimos a la gente que acuda con...
leer más
O Concello de Foz organiza un ciclo de teatro infantil que se desenvolverá desde mañá, martes, ata o 25 de agosto no pavillón do colexio Número 1. Foi presentado esta tarde polo alcalde, Fran Cajoto, e o concelleiro de Cultura, Héctor Moris.
Os espectáculos serán todos ás 21.00 horas e con entrada gratuíta. Haberá limitación de aforo e será obrigatorio a asistencia con mascarillas.
Fran Cajoto explicou que “este ano 2020 é un verán un pouco distinto porque temos que aprender a utilizar a mascarilla, andar con sentidiño en todos os ámbitos da vida e usar ese distanciamento social. Pero non nos podemos esquecer da cultura e en Foz gústanos moito que, tanto para os veciños como para os visitantes, en tempada de verán haxa actividades que fagan aínda máis atractiva a vila e sexan unha escusa perfecta para gozar de Foz...
leer más
Grupos de teatro afeccionado da Mariña luguesa veñen de gravar un vídeo reivindicativo do traballo desenvolvido por todos eles para lembrar nestes días de confinamento.
Estas organizacións salientan que “vivimos tempos difíciles nos que todos os ámbitos da nosa vida se resenten, entre eles o da cultura. A Mariña lucense leva sendo nos últimos anos un referente no mundo do teatro afeccionado, moitos grupos e moita xente trasladan aos escenarios as súas inquedanzas culturais. Todo un mundo de persoas e de artistas que agora co confinamento esmorece na casa. Porén, os teatreiros non nos rendemos, levamos o teatro nas veas e, a soas ou acompañados, seguimos actuando porque actuar é vivir. Entre todos gravamos un vídeo reivindicativo do noso traballo teatral e animamos á xente a resistir para saír adiante despois destes tempos complicados. Aquí...
leer más
O edificio multiusos de Ourol acolle este domingo, 15 de marzo, ás 17:00 horas a representación La Pimentera, teatro foro sobre o papel das mulleres nos pobos.
É unha idea orixinal de Miguel Fernández, con guión e dirección de Tatyana Galán.
A representación ten lugar con motivo da celebración do Día da Muller e ao seu remate realizarase un foro participativo onde as persoas asistentes terán a oportunidade de reflexionar sobre o papel da muller na sociedade actual.
Esta actividade está financiada con cargo ao Ministerio de la Presidencia, Relaciones con las Cortes e Igualdad e o Pacto de Estado Contra a Violencia de Xénero.
Ghazafelhos Teatro presenta As pitas baixo a choiva. Será este sábado, 14 de marzo, ás 18:00 horas no Teatro Pastor Díaz, de Viveiro.
É unha comedia dirixida ao público infantil maior de 5 anos. Trátase dunha adaptación de Pepepablo Patinho da peza de Carbalho Calero.
Conta a historia de Ludivina e Tereija que son dúas pitas que viven no curral da Barreira e que están agardando a visita de Ricardiño, o neno que ven ás veces a xogar con elas. Pero temen que ese día chova pois cando isto pasa Ricardiño tolea e perségueas ata pechalas no curral. Coa axuda do galo Chafaris e o raposo Rosende, tentarán que o neno deixe de tolear coa choiva e sega a xogar con elas.
En Augaxosa, a fermosa parroquia de Riotorto, a medio camiño entre Lourenzá, Riotorto e A Pontenova o vindeiro sábado, 14 de marzo, ás 21,00 horas, o Grupo Teatral O Centiño, de San Martiño, recuperará de novo a figura de Eduardo Pasmarote, o indescritible presentador de televisión que se converte en superheroe despois de inxerir inxentes cantidades de guindilla. De novo poderemos ver os programas "Al loro", "Repolos e centolos", o "Noticiario"... e tamén as complicadas relacións de Romualdo, Jacky e Pinky, Betti Gutiérrez, Manuela Tormentas e Ana Rosa, sobre todo cando teñen que enfrontarse aos dous miserables ladróns, tan inofensivos como torpes, Triquiñuela e Carajillo.
Dende Augaxosa, descendendo en grandes riadas dende a montaña, baixarán as risas e a alegría do Centiño, convertidas en teatro.
A Quinta do Cuadrante presenta o 7 de marzo en Viveiro, no Teatro Pastor Díaz, "Empapelado amarelo".
A Quinta do Cuadrante presenta este sábado, 7 de marzo, ás 20:30 horas, no Teatro Pastor Díaz, de Viveiro, a obra Empapelado amarelo.
Trátase dun espectáculo teatral unipersoal que parte do relato autobiográfico homónimo, publicado en 1891 pola autora norteamericana Charlotte Perkins Gilman. Narra, en primeira persoa, as perniciosas consecuencias dun tratamento médico que lle fora prescrito por un coñecido doutor da época para combater o estado melancólico e depresivo no que se atopaba a raíz do nacemento da súa primeira filla. Este tratamento, consistente na eliminación de todo tipo de actividade intelectual e artística, remata por converterse nun cárcere onde ela, acostumada a unha intensa actividade social e artística, acabaría por achegarse ao límite da súa cordura.
A autora utiliza as claves do relato de...
leer más
O grupo A Banda da Loba presenta este venres, 28 de febreiro, o seu disco Fábrica de Luz. A actuación terá lugar no Teatro Pastor Díaz ás 20:30 horas. O prezo da entrada é 7 euros na billeteira o propio día do concerto, a partires das 19:00 horas.
A formación está integrada por cinco mulleres e destaca a creación dun repertorio propio baseado tanto en letras da súa autoría como en musicalizacións de poetas célebres ou outros textos tomados dos poemarios de escritoras contemporáneas. Todo isto baixo un estilo ecléctico e heteroxéneo que bebe do pop, do rock ou do folk. Fábrica de Luz é un traballo de creación, reflexión e homenaxe en torno á idea de nai entendida nun sentido amplo. A lingua e a terra son as primeiras nais, fábricas de luz, como as nosas nais.
Tamén o Teatro Pastor Díaz de Viveiro acollerá este...
leer más
Redum Teatro chega a Viveiro con “Idiota”. A representación será este sábado, 8 de febreiro, ás 20:30 horas no Teatro Pastor Díaz, de Viveiro. Esta comedia está protagonizada por Machi Salgado e Susana Sampedro.
Unha mañá Carlos Varela por fin cre que a súa sorte mudou: un anuncio ofrece moitos cartos a cambio de someterse a unha serie de probas psicolóxicas. Recíbeo unha atractiva doutora de orixe alemán. Comezan as preguntas, e comeza a comedia... Unha comedia que non tarda en ennegrecerse atrapando ao protagonista ao igual que atrapa ao espectador nunha tea de araña perversa.
Este malévolo texto, sembrado de minas en forma de dilemas morais e acuciantes descargas de presión psicolóxica, mergúllase nos mecanismos de manipulación, nos resortes da codicia, o poder das grandes corporacións, a desinformación...
leer más