Teatro
Paco Nogueiras presenta a súa nova obra Extra o sábado, 13 de marzo, en Burela. A representación terá lugar na Casa da Cultura ás 18:30 horas e o prezo da entrada é de 2´5 euros.
O espectáculo presenta doce cancións e os temas dispóñense como nun xornal con distintas seccións onde cada composición aborda noticias nacionais, internacionais, sucesos, información social, cultural, divulgativa, deportes, opinión, pasatempos e ata unha axenda de actividades. O autor coida as letras e as melodías que destacan polos ritmos modernos, pegadizos e bailables, invitando á participación do público. O disco-libro está ilustrado por Marc Taeger que ademais conta co apoio dos vídeoclips dirixidos por José Miguel Sagüillo.
Este traballo destaca pola súa versatilidade e o seu carácter lúdico salientando como a prensa é un valioso...
leer más
O Concello de Foz retomará o vindeiro sábado, día 6 de marzo, a súa programación cultural. A Sala Bahía acollerá ás 18.30 horas a representación teatral Aguratrat.
Dende o Concello explican que “é unha obra para toda a familia na que se conta unha bonita historia de amor e aventuras entre dúas persoas maiores, o señor Hoppy e a señora Silver, e a tartaruga desta última, Alfie. Baseada nun libro de Roald Dahl e levada a escena pola compañía Pérez&Fernández, buscará sacarnos un sorriso e enternecer os nosos corazóns”.
Para a realización desta actividade, seguindo o protocolo antiCOVID establecido, o aforo é limitado e haberá que reservar praza no teléfono 982.140.027, extensión 3. O custo das entradas é de 3 euros para os adultos e de 2 euros para os nenos.
A compañía A Trastenda dos Contos presenta este sábado, 27 de febreiro, en Burela o espectáculo Unhas gafas como as do avó. Será ás 18:30 horas na Casa da Cultura. O prezo da entrada é de 2’5 euros.
O espectáculo, representado por Gema Santos e Felipe Díaz (Caxoto), presenta unha montaxe onde se conxugan a lingua de signos e a lingua oral, dirixido a persoas xordas e oíntes, e os dous códigos conviven como iguais. Conta a historia de Laura, unha nena moi inquieta que todo o tempo anda á procura de aventuras que vivir. No xardín da súa casa xoga ao seu xogo favorito, xogar cos ollos abertos. Desta maneira pode explorar mundos lonxanos inimaxinables construídos desde a súa atolada imaxinación. Un día sente curiosidade polas gafas do seu avó e de como se verá a través delas e o que comeza sendo unha pequena trasnada acabar por converterse na...
leer más
A Xunta de Galicia, no marco da programación da Rede Galega de Teatros e Auditorios (RGTA), promove ata xuño 25 actuacións escénicas e musicais na área da Mariña. As funcións organízanse en colaboración cos concellos de Viveiro, Burela, Foz e Ribadeo, integrantes da Rede. A carteleira con todas as funcións e horarios pódese consultar no web da Axencia Galega de Industrias Culturais (Agadic) e en Cultura de Galicia.
A primeira das actuacións terá lugar mañá sábado en Viveiro, con O premio, de La Quintana, unha comedia sobre a situación que viviremos nun futuro próximo derivada do progreso tecnolóxico e a loita cara ao éxito económico, sentimental e social. O día 27 chegará o teatro dirixido a público familiar con Ghazafelhos e o seu Pinocchio, unha adaptación do clásico que mestura marionetas, teatro actoral e música en directo.
... leer más
O Teatro Pastor Díaz, de Viveiro, programa varias actuacións teatrais con comedias, representacións infantís, monólogos e comedias musicais para os meses de febreiro, marzo e abril.
Este sábado, 20 de febreiro, ás 19:00 horas, La Quintana Teatro porá en escena a comedia O Premio. Tamén este mes o sábado 27 ás 18:00 horas Ghazafelhos Teatro presentará a obra infantil Pinocchio.
No mes de marzo: o sábado 6 ás 19:00 horas, Teatro Noroeste representará Da avaricia, a luxuria e a morte; e o sábado 13 ás 19:00 horas, Isabel Risco presentará a comedia para todos os públicos Bravas.
No mes de abril: o sábado 10 ás 18:00 horas Teatro Avento porá en escena a comedia musical Ummm!!!; o sábado 17 ás 19:00 horas Contraproduccións representará a comedia A compañeira de piso; e o sábado 24 ás 18:00...
leer más
A compañía Píscore presentará este sábado, 16 de xaneiro, en Burela o espectáculo Concerto Singular. A representación, dirixida ao público familiar, terá lugar no Auditorio Municipal ás 18:30 horas. A entrada será de balde.
Nesta montaxe, que gañou o Premio do Público no Festiclown 2017, os músicos Félix Rodríguez, Pepe Varela, Diego Rosal e Pablo Cabanelas se enfrontan a un gran conflito, 16 baquetas e unha única marimba. Eles estarán dispostos a facela soar da maneira máis orixinal e asombrosa e organizarse non vai ser fácil.
Píscore fainos chegar a mellor música e moito humor nun concerto singular, nunha proposta que se encadra n aliña dos grandes espectáculos que mesturan o virtuosismo musical e os ritmos coa comedia xestual, o clown e a participación do público.
Colaboran na...
leer más
A concepción dramatúrxica da directora de Palimoco Teatro, Paloma Luxilde, e que xa adoptara hai anos coa obra O Público, sitúa aos espectadores e espectadoras no propio escenario. É por isto polo que o número de entrada é só para 25 persoas.
A función comezará ás 20.00 no Auditorio Municipal Hernán Naval e desde as 19.30 darase paso ao público por estrita orde de chegada ata completar os 25 asentos.
Esta función, de entrada gratuíta, está promovida pola Deputación de Lugo dentro do programa PROSCENIO.
“ONDE SITUAR A OBRA?
Presente en todo o poemario está por unha parte o faio da súa infancia e os tellados de Nova York. Partindo diso, creamos unha escenografía en 360 graos, onde estes tres personaxes poderían estar entre o faio da casa de Lorca en Granada e por outra parte...
leer más
O Teatro Pastor Díaz, de Viveiro, acollerá o vindeiro mércores, 30 de decembro, Ghop de Teatro Circo. A actuación dará comezo ás 12:00 horas.
Trátase dun espectáculo de teatro de rúa, incluído na programación de Nadal 2020 da Deputación Provincial, cheo de maxia, monicreques e baile coa colaboración do público.
A reserva de entradas pódese facer no teléfono 982 56 01 62 ou en rbg.cultura@viveiro.es. A entrada é de balde.
A Concellería de Cultura de Burela programa para os vindeiros días de Nadal, a actuación da charanga Louband, que terá lugar o 25 de decembro. O 26 ás 18:00 horas, no Auditorio Municipal proxectarase de novo o documental Honra, de Breixo Llano, Xabi Piñeiro e Adrián Canoura que conta o ascenso do Cefire Burela á División de Honra no ano 1999. A entrada será de balde e a reserva de butaca pódese facer mandando un correo cos datos persoais a documentalhonra@gmail.com. Ademais o domingo 27 ás 19:30 horas, tamén no Auditorio Municipal, Katarsis Teatro representará Malas palabras, protagonizada por Estíbaliz Veiga, en homenaxe a Carvalho Calero a quen se dedicou este ano o Día das Letras Galegas. Tamén, ata o día 5 de xaneiro seguirá desenvolvéndose o xogo infantil interactivo Burela salva o Nadal.
... leer más
A Concellaría de Cultura de Ribadeo programa para este domingo, 20 de decembro, unha actuación de Mamá Cabra que presentará A fraga do meu avó. Terá lugar no Auditorio Municipal ás 17:30 horas e o prezo da entrada é de 4 euros.
O espectáculo, dirixido ao público infantil e familiar, conta que a fraga do meu avó está chea de carballos que case tocan o ceo, castaños, bidueiros, loureiros, bieiteiros, abeleiras e moitas árbores que sempre deron moitísimo máis que madeira. Agochados entre eles andan paxaros como a pega marza, a estreliña do norte, o paporrubio real e a curuxa. E percorrendo os seus camiños están a píntega, os esquíos, o xabaril, o raposo…
A fraga do meu avó é o traballo máis recente de Mamá Cabra que nace do amor pola natureza e do compromiso pola terra que coidaron os nosos avós e as nosas avoas. Trátase dun espectáculo...