Eventos
Intensa actividade esta fin de semana no Forte de San Damián. O sábado, 1 de marzo, haberá xornada de portas abertas e visita guiada e o domingo, día 2, charla de Alberto Paraje.
A concelleira de Cultura, Begoña Sanjurjo, explicou que “esta fin de semana podemos gozar do Forte de San Damián. O sábado de 10:30 a 13:30 horas e tamén poderemos disfrutar dunha visita guiada ás 12:00 para a que debemos apuntarnos no correo castillosandamian @gmail.com”.
A edil ribadense continuou a relatar que “o domingo, 2 de marzo, ás 17:00 horas Alberto Paraje ofreceranos unha conferencia sobre o ataque inglés a Ribadeo no ano 1719. É un episodio salientable na historia da nosa ría, no que participaron conxuntamente o Forte de San Damián e a Batería da Atalaia, cun desenlace inesperado e deixando tras de sí dous dos pecios máis...
leer más
A XXXII edición da Festa do Ourizo terá lugar o sábado 15 de marzo en San Ciprián. Para ese día están programadas diferentes actividades que “terán ao equinodermo como protagonista, como tributo á nosa cultura gastronómica e ao mar que nos rodea”, anuncia o Concello de Cervo.
A cita foi presentada pola tenente alcaldesa, Mali Méndez, o concelleiro Alfredo Fernández e por representantes da hostalería local e da asociación Mistura, que participan neste evento declarado de Interese Turístico Galego.
O programa arrincará ás doce do mediodía cun showcooking, que poderá ser seguido en directo polo público asistente que a continuación poderá degustar as tapas elaboradas polos chefs participantes. Ademais a asociación Mistura tamén ofrecerá desde o mediodía unha degustación de ourizo cocido na mesma carpa instalada na...
leer más
O Concello de Burela organiza este venres, día 28 de febreiro, ás 19:00 horas no Salón de Plenos a presentación do artigo De Carmiña a Dona Carme. É unha peza elaborada pola cronista oficial de Burela, Herminia Pernas Oroza, para a revista galega do ensino Eduga. O texto recolle a traxectoria de Dona Carme Iravedra Otero, figura clave no desenvolvemento educativo e social de Burela no século XX.
No acto estarán presentes a alcaldesa de Burela, Carmela López; o concelleiro de Educación e tenente de alcaldesa, Mario Pillado; a autora do artigo, Herminia Pernas Oroza; a filla da homenaxeada, Águeda Barcia Iravedra, Juan A. Granados Loureda, inspector de educación e director da revista Eduga, e Rira Gradaille Pernas, Doutora en Ciencias da Educación pola Universidade de Santiago de Compostela.
Este evento...
leer más
O Concello de Cervo anuncia que o alumnado de II BACH do IES Marqués de Sargadelos en colaboración coa Oficina de Voluntariado Xuvenil organiza o Entroido Fest este venres, 28 de febreiro, na Praza dos Campos, de San Ciprián, a partir das 19:00 horas.
Haberá música, bingo, sobremesas, pintacaras, palomitas, chocolate e moitas sorpresas.
Sanxés, no concello da Pontenova, celebrará as súas festas na honra ó Santo Anxo esta fin de semana, desde o venres 28 de febreiro ata o domingo 2 de marzo.
As actividades comezarán o venres pola noite coa inauguración do campo da festa. Haberá música tradicional e pinchos de balde, pero haberá que abonar a bebida.
O sábado ás 12:00 horas celebrarase misa solemne e despois haberá precesión e vermú co trío Mar de Caión, que tamén actuará na verbena xunto á cantante Verónica Cambón.
E o domingo a partir das 13:30 horas haberá sesión vermú con Dj Bombardero.
O Concello de Viveiro presentou a súa programación completa para o Entroido 2025, que comezará o 1 de marzo co tradicional certame de Alpuxarradas. Será ás 20:30 horas no Teatro Pastor Díaz, sendo necesario inscribirse previamente chamando ao teléfono 982.56.01.62. As entradas para asistir ao evento, cun custe de 2 euros, poden ser reservadas dende o día 25 ata o 28 de febreiro chamando ao mesmo número ou no correo electrónico rbg.cultura@viveiro.es.
Nos días seguintes haberá diversas actividades, destacando o martes 4 de marzo co desfile de Entroido e o concurso de disfraces. O prazo de inscrición para o desfile está aberto ata o 28 de febreiro no rexistro ou na sede electrónica do Concello.
A concelleira de Cultura, Lara Fernández Fernández-Noriega, convida a toda a...
leer más
A Asociación de Comerciantes, Industriais e Autónomos (ACIA) de Burela organiza un concurso de disfraces o día 1 de marzo, sábado e repartirá 600 euros en premios: un premio de 300 euros para grupos, un premio de 200 euros para parellas e un premio de 100 para a categoría individual, todos eles en vales de compra de ACIA Burela.
Para participar hai que subir fotos a Facebook ou Instagram disfrazados ceando, tomando algo, bailando, etcétera nalgún dos 14 locais hostaleiros que forman parte desta iniciativa. Ademais a organización explica: “etiquetade a ACIA Burela en Instagram, Facebook ou ambas (non valen historias), selade a tarxeta en 7 dos 14 locais participantes durante o sábado 1 de marzo, con calquera tipo de consumición (un café, unha comida, un viño, cea...). Os premios daranse o domingo despois do desfile na carpa. Os gañadores...
leer más
O Concello de Viveiro presentou, xunto á nova Comisión de Festas de Viveiro, a súa Festa do Antroido 2025 para recadar fondos de cara á celebración das patronais. O evento terá lugar o día 3 de marzo, luns, nos xardíns Noriega Varela, no marco das celebracións do Entroido no municipio. A apertura de portas será ás 20:00 horas. Haberá cea ás 21:30 e a continuación un concurso de disfraces e mais baile, amenizados ambos por Juanjo Music. O Concello colabora aportando a carpa para a celebración.
Será a primeira destas festas organizada pola Comisión Viveiro en Festas, creada recentemente por xente nova da localidade para organizar as festas patronais logo de varios anos nos que esta responsabilidade recaeu no Concello. Aínda hai prazas dispoñibles, polo que será posible inscribirse na cea ata o martes 25 de febreiro contactando co número de...
leer más
A Editorial Galaxia recibirá en Mondoñedo a distinción de entidade Cunqueiriana de Honra de 2025 o día 28 de febreiro, venres.
O Concello de Mondoñedo anuncia que “o venres 28, coincidindo co cuadraxésimo cuarto cabodano de Álvaro Cunqueiro, faráselle entrega da distinción de entidade Cunqueiriana de Honra de 2025 á Editorial Galaxia, editora da maior parte das obras de Álvaro Cunqueiro, tales como Merlín e Familia, As crónicas do sochantre, O incerto señor don Hamlet, Príncipe de Dinamarca ou Os Outros Feirantes, entre outras. Será en Mondoñedo, no marco dos actos conmemorativos da efeméride do escritor”.
Os actos de conmemoración do cabodano de Cunqueiro comezarán ás 11:00 horas no Cemiterio Vello, onde terá lugar a Ofrenda Floral diante da tumba do autor. “Está previsto que asistan á mesma...
leer más
A Pontenova terá actividades para celebrar o Entroido os días 1 e 2 de marzo, sábado e domingo.
O sábado 1 haberá unha ruta de tapas de Entroido polos establecementos hostaleiros participantes, que son: O Lar de Balbina, Rony Bar, Sidrería A Mina, Cafetería Casa da Cultura e Bar Puente. Está organizada polo Concello da Pontenova, que explica: “cada participante na ruta deberá ir disfrazado e selar a súa tarxeta en cada un dos bares sinalados. Entre tódalas persoas disfrazadas que presenten a tarxeta selada completamente sortearanse unha serie de vales regalo. O sorteo realizarase no Rony Bar ese mesmo día ás 1:00 horas da madrugada. Os vales regalo poderanse canxear ata o 30 de xuño de 2025”.
E o domingo 2 celebrarase o Carnaval infantil, desde as 17:00 horas no Pavillón Municipal Tito Margaride. Haberá xogos,...
leer más