Eventos
O Concello de Foz está pendente das previsións meteorolóxicas para que as súas maxestades os Reis Magos de Oriente poidan chegar a Foz e repartir os agasallos de forma segura. Se o tempo o permite, a cabalgata sairá da Praia da Rapadoira este domingo, 5 de xaneiro, ás 18.30 horas para percorrer as súas Trapero Pardo, rúa do Mar, Paseo da Ribeira, Praza Conde de Fontao, rúa Valle Inclán, avenida da Mariña e avenida Álvaro Cunqueiro, onde sairán a saudar dende o balcón do Concello e pasarán polo belén vivinte que está na Praza do Concello. Para posteriormente trasladarse á Sala Bahía, onde recibirán a todos aqueles que queiran saudalos e facerlles ás últimas peticións. Ademais da recepción haberá chocolate e roscón, explica a concelleira de Cultura, Inés López Couto, quen tamén indica que “no caso de empeoramento meteorolóxico a comitiva acudirá directamente á Sala...
leer más
A Cabalgata de Reis en Lourenzá, organizada polo Concello, celebrarase este domingo, día 5 de xaneiro, desde as 17:00 horas, cando sairá do recinto feiral de Vilanova para recorrer as parroquias do concello.
Ás 19:00 horas os Reis Magos recibirán aos nen@s nos baixos da Casa do Concello.
A Comisión de Festas de Vilamar, en Barreiros, organiza a décimo terceira edición da súa Festa dos Callos o día 11 de xaneiro, sábado, ás 21:30 horas no Campo da Festa. Será nun local cerrado con calefacción. Estará amenizada coa música do grupo Montreal e o DJ Conxuro.
Para participar hai que reservar a través dos teléfonos 600.804.986 ou 699.252.824. O prazo remata o día 7 de xaneiro.
O Concello de Burela recibe este domingo, 5 de xaneiro, a visita das súas maxestades, os Reis Magos de Oriente, cunha gran xornada de festa dirixida á rapazada da vila e as súas familias.
Melchor, Gaspar e Baltasar sairán ás 19:00 horas da rúa do Ril e o percorrido rematará na praza da Mariña, onde terá lugar a recepción das súas maxestades.
Na carpa da Praza da Mariña, terá lugar unha deliciosa rosconada e chocolatada para goce de todos os asistentes. Ademais, realizarase o gran sorteo do Premio de Nadal, cun valor de 3.000 euros en vales de compra. O Concello conta coa colaboración da SRC Ledicia e de ACIA Burela na organización do evento.
“A deste domingo será unha tarde chea de maxia antes da noite máis especial do ano para os máis pequenos e pequenas da casa. Animamos a toda a...
leer más
Desde o Concello de Ribadeo informan que "a previsión meteorolóxica fai que se suspenda o percorrido da Cabalgata dos Reis Magos. As súas maxestades sairán do Concello camiñando ás 18:00 horas deste domingo, 5 de xaneiro, acompañados dos paxes e dirixiranse á carpa situada no parque de San Francisco para a recepción con todos os nenos e nenas de Ribadeo".
E engaden: "alí vos agardamos".
Xove terá o Día da Infancia este sábado, 4 de xaneiro, e a Cabalgata de Reis o domingo día 5.
O Departamento de Cultura do Concello de Xove programa numerosas actividades para a infancia esta fin de semana: o sábado celebra o Día da Infancia de 10:30 a 13:30 horas e de 16:30 a 19:30 con xogos acuáticos na piscina municipal e a partir das 16:00 horas con inchables no pavillón municipal de deportes; e o domingo 5 a partir das 19:00 horas as Súas Maxestades os Reis Magos de Oriente chegan a Xove na tradicional cabalgata, despois de visitar a Residencia San Bartolomeu. Chegarán arredor das 20:00 horas ó pavillón municipal, onde comezará unha festa para nenas e nenos coa animación infantil dunha disco móbil.
O Concello de Riotorto organiza a Cabalgata de Reis para este domingo, día 5 de xaneiro. Sairá da Casa da Cultura as 20:00 horas, fará un percorrido polas rúas do concello e chegará ó salón de actos ás 20:30 horas.
Actuarán o Coro e o Grupo de Gaitas de Riotorto e haberá un agasallo para tódolos nenos. A continuación servirase un chocolate e roscón de Reis para os asistentes, totalmente gratuíto.
Aquelas persoas que desexen colaborar na cabalgata deben chamar ó Concello (teléfono 982.34.62.22).
O Concello de Viveiro anuncia que este domingo, día 5 de xaneiro, “Viveiro acollerá a súa tradicional Cabalgata de Reis, unha das citas máis esperadas do Nadal. Virá acompañada doutras actividades pensada para todos os públicos. A xornada comezará ás 12:00 horas co Roteiro de Nadal no tren turístico Vivertren, que sairá da estación de autobuses. A actividade será de entrada libre ata completar aforo. A gran cita do día, a Cabalgata de Reis Magos, arrancará ás 17:30 horas dende a Piscina Municipal, en Celeiro. O percorrido da Cabalgata incluirá o Paseo Marítimo en Celeiro, Covas, a Variante, a Avenida de Ferrol e a Travesía da Mariña. A Cabalgata chegará á zona vella de Viveiro pola Porta de Carlos V, e os nenos e nenas participantes na cabalgata baixarán á Fonte de Area. A chegada dos Reis Magos á Praza Maior está prevista para as 20:00 horas, e dende ás 18:00...
leer más
O Concello mindoniense anuncia: “achéganse os Reis Magos a Mondoñedo, o vindeiro domingo, 5 de xaneiro. Xa podedes consultar os horarios de paso das súas Maxestades polas parroquias”. Comezarán o percorrido ás 09:30 horas en Pelourín e Cesuras para continuar por Estelo e Tronceda, Figueiras, ponte de Viloalle, Couboeira, Oirán, Masma, Vilamor, O Carme, Lindín, Santa María Maior, Argomoso, San Vicente e Sasdónigas, a onde está previsto que cheguen as 14:45 horas.
O Concello de Mondoñedo engade que “á tarde visitarán a Residencia San Rafael e o Hospital de San Pablo. Ás 19 horas os Reis Magos recibirán con agasallos a todas as nenas e nenos no auditorio municipal. E, para rematar, a AC Pasatempo ofrece unha chocolatada na entrada do auditorio”.
O Concello de Barreiros anuncia: “as Súas Maxestades de Oriente acaban de comunicarnos a súa visita a Barreiros. Virán o domingo 5. E xa comezarán a visitarnos pola mañá para que lles dea tempo a chegar a todos os recunchos. Lembrade que as horas son aproximadas, que os Magos andan atarefados ese día”.
O percorrido empezará no local social de Vilamar ás 10:15 horas, para continuar polo local social de Cabarcos, a Escola de Gondán, o Teleclub da Rilleira, o local social de San Xusto, o Teleclub de Vilamartín Grande, a Escola de Vilamartín Pequeno e a Escola de Reinante, a onde está previsto que cheguen ás 13:30 horas. E pola tarde percorrerán San Cosme desde a Praza do Concello as 17:30 horas ata o Centro Social, a onde se prevé que cheguen ás 19:00 horas e alí haberá recepción e reparto de agasallos.
“Se aínda non...
leer más