O Valadouro
A décimo novena edición do Mercado de Primavera do Valadouro celebrarase o día 22 de marzo, sábado.
Será pregoado por Pepe Otero e os postos do mercado estarán abertos desde as 10:00 e ata as 19:00 horas.
Haberá música de rúa con Dambara, Amado Lar, Charanga Noroeste, Os Caliqueños, Los Támega e Festicultores. E concertos na Praza de Santa María, a cargo de Abóbriga e Nimbos
Tamén están programadas actividades familiares, de tarde, na praza: títeres con Mircromina Teatro, maxia co mago David Méndez e teatro infantil con Inventi. E tamén pola tarde no aparcadoiro municipal, a carón da piscina, haberá xogos tradicionais con Xotramu e paseos en poni.
A programación do evento inclúe ademais ruta de tapeo polos locais hostaleiros, demostración de oficios tradicionais, fotoenxebre, desfile de zocas e...
leer más
En Ferreira do Valadouro haberá actividades de Entroido este domingo, día 2 de marzo, e o martes 4.
O domingo desde as 17:30 horas celebrarase o desfile con este percorrido: saída do Parque Concepción Arenal, Praza de Santa María, A Ponte, rúa Xistral, Avenida da Deputación, rúa Leandro Buján e chegada a Pavillón Municipal.
E o martes 4 terá lugar o Entroido infantil a partir das 16:30 horas na Praza de Santa María. Haberá inchables, pintacaras, toro mecánico, varredora, xogos e outras actividades.
O Concello do Valadouro ofrece actividades para adultos sobre novas tecnoloxías desde o día 4 de febreiro, martes. Serán na Sala de Informática da Casa da Cultura.
“Comezamos o 4 de febreiro de 2025 ás 11:00 horas na Casa da Cultura. O horario de 4 de febreiro a 15 de abril é os martes laborables de 11:00 a 12:30 horas; e desde o martes 22 de abril ó 27 de maio, de 10:30 a 12:30 horas. Podes consultar a listaxe de admitidos na sede electrónica do concello do Valadouro:...
leer más
A Cabalgata dos Reis Magos no Valadouro celebrarase este domingo, día 5 de xaneiro, desde as 19:00 horas, cando será a recepción oficial na Casa do Concello. Despois empezará o percorrido, que pasará pola praza e a ponte ata o belén da Casa da Cultura. Alí actuarán os nenos e nenas da AC Amado Lar e a continuación todos os nen@s poderán sacar fotografías coas súas Maxestades e depositar as cartas no buzón real.
Ao rematar haberá degustación de chocolate con roscóns.
Este venres, día 3 de xaneiro, ás 17:30 horas o salón de actos da Casa da Cultura do Valadouro acollerá un concerto de Nadal a cargo da Banda de Música Mestre López, do Valadouro. A entrada é de balde.
Está organizado polo Concello do Valadouro que anuncia: “iniciamos o novo ano 2025 da mellor maneira, cun concerto interpretado polos xoves músicos da Escola de Música Mestre López, do Valadouro”.
O Concello do Valadouro anuncia a representación do espectáculo titulado Monstrólogo, de Trécola Producións, que é unha “comedia teatral con monicreques e moita risa. Unha gran eminencia no campo da monstroloxía anda de xira por Galicia para darmos a coñecer tipos, habilidades e curiosidades dos monstros. Sentímolos debaixo da cama, no fondo do pasillo, na auga da piscina ou na casa vella, pero se nos achegamos a mirar... Zas! Desaparecen! Iso é porque cando imos cara ao medo, este escapa e vaise”. Será o luns 30 de decembro ás 17:30 horas na Casa da Cultura.
É unha representación para público infantil e familiar e despois da función haberá pintacaras para as persoas asistentes.
O Concello de Valadouro organiza a proxección da película "Teddy, la Magia de la Navidad" este venres, día 27 de decembro, ás 17:30 horas, na Casa da Cultura. É unha actividade para público infantil e familiar.
O argumento da película é: “a paz do Nadal cae sobre o pequeno pobo, pero no mercado hai unha actividade frenética. Mariann descobre un oso de peluche no estante superior. Está vivo? Mariann debe conseguir o peluche como sexa...”.
O Concello do Valadouro anuncia que “o 24 de decembro todos os nenos/as teñen unha cita con Papá Noel en Ferreira do Valadouro! Ás 12:00 horas, saída da comitiva moteira diante do Antigo Matadoiro.
Ás 12:30 será a emocionante recepción con Papá Noel, na Praza de Santa María. Teremos música de panxoliñas interpretadas pola Asociación Cultural Amado Lar e degustación de churros con chocolate. E non esquezades o concurso da moto máis vistosa, con premios en vales en material moteiro; adorna a túa moto e inscríbete xa. A inscrición para participar pode realizarase o martes, día 24, desde as 11:15 ata as 12:00 horas na Praza de Santa María”.
Para organizar este evento o Concello do Valadouro conta coa colaboración do Moto Clube Valadouro e Asociación Cultural Amado Lar.
A Casa da Cultura Manuel Lourenzo, do Valadouro, acollerá a obra “En busca de Papá Noel”, representación a cargo de Trémola Teatro, o luns 23 de decembro ás 17:30 horas. Está dirixida Público infantil e familiar.
“A Marta encántalle o Nadal, é a súa época favorita do ano e por iso ten clarísimo que quere ir ata Laponia e coñecer ao mismísimo Papá Noel. Polo camiño atópase con dous amigos cos que vivirá moitas aventuras. Pensades que ao final conseguirán chegar a coñecer a Papá Noel? Acompáñanos a descubrir esta divertida aventura”, anuncia o Concello do Valadouro.
Aproveitando o tempo de lecer do Nadal, a Concellería de Cultura presenta unha gran variedade de obradoiros e actividades para que os nenos/as e as familias poidan disfrutar destes días.
Os obradoiros destinados a nenos e nenas son todos en horarios de mañá e precisan inscrición previa que pode ser tanto na Casa da Cultura como nas oficinas xerais do Concello do 11 ao 18 de decembro. Lembrar que hai prazas limitadas.
O luns, 23 de decembro, haberá un obradoiro onde os máis pequenos poderán elaborar diferentes adornos de Nadal. (10:30-13:30 horas)
O xoves, 26 de decembro terá lugar un obradoiro de robótica creativa onde se amosarán distintos robots e os rapaces poderán xogar con eles, construirán un circuíto eléctrico, farán figuras de luz...(11:00 a 13:00 horas)
O venres día 27 de decembro está previsto o obradoiro "Fai o teu boneco...