Nenos
Teatro Crea, de Viveiro, presenta este sábado, 21 de outubro, en O Vicedo, a obra E ti, sabes de que cor son todas as laranxas?.
Inspirada en pezas de Carlos Casares, está dirixida por Lara Fernández Noriega.
Esta representación, para nen@s maiores de 5 anos, terá lugar na Casa da Cultura de O Vicedo a partires das 18:00 horas, con entrada gratuíta.
A asociación Espazo Crea de Viveiro presenta a adaptación desta obra pensada para un público infantil. Tamén durante este ano ten representada en varios puntos da provincia lucense, a obra Xoguetes Cómicos baseada en textos de Chejov.
Burela conmemora o Día da Biblioteca, que se celebra o 24 de outubro, cunha actividade de animación á lectura para os nen@s que terá lugar este sábado, día 21, na Biblioteca de Burela.
Teatro dos Ghazafelhos presentará o espectáculo infantil titulado Camiñando entre estrelas. Trátase dun contacontos que ilustra dun xeito ameno e pedagóxico a formación dos planetas, estrelas e astros cunha pequena escenografía onde se mostran os distintos obxectos celestes contando cunha proxección de fotografías e debuxos.
A actividade está dirixida a todos os públicos e terá lugar este sábado, 21 de outubro, no auditorio da Casa da Cultura ás 18 horas. Á entrada será libre.
A compañía Teatro dos Ghazafelhos foi creada por Pepablo Patiño e Montse Piñón e cos seus espectáculos teñen traballado na...
leer más
A sección infantil do grupo de teatro A Adala porá en escena este domingo, 1 de outubro, en Barreiros a obra A ra que se quedou sen charco. Os xoves actores integrantes do grupo de Fazouro, estreaban esta obra o pasado mes de febreiro e agora chegan con ela a Barreiros.
Esta representación, incluída no proxecto Buxiganga da Deputación de Lugo, terá lugar o vindeiro domingo ás 18:00 horas no centro sociocultural Manuel Díaz Sampedro. Na organización colaboran a Concellería de Cultura e a Oficina de Información Xuvenil.
As pistas de Marzán acollerán un torneo internacional de tenis infantil desde mañá, venres, ata este domingo, día 24. Neste evento deportivo, que está organizado polo Club de Tenis de Foz, colabora o Concello focense e o alcalde, Javier Jorge Castiñeira, participou na súa presentación xunto aos membros do club Roberto Paradela e Ramón Cajoto.
Desde mañá, venres, a partires das 17:30 horas loitarán pola vitoria os oito mellores infantís do noroeste peninsular, concretamente os dous mellores xogadores de Asturias, de Cantabria, de Portugal e de Galicia, entre eles o focense Dani García. O sábado a partir das 10 da mañá xogaranse os partidos de segunda e terceira rolda, quedando para a tarde, dende as 17:00 horas, as semifinais. O domingo a partir das 11 da mañá terán lugar as finais.
A Casa da Xuventude de Foz acollerá o día 28 deste mes, xoves, a partir das cinco da tarde as actividades da iniciativa denominada Rapaciñ@s, sobre o uso das novas tecnoloxías.
Desde o departamento de Xuventude do Concello focense explican que “a iniciativa Rapaciñ@s ten por obxectivo que nais, pais e docentes accedan a información e recursos educativos de interese para que poidan acompañar a incorporación ás novas tecnoloxías dos seus fillos, fillas ou estudantes. Asemade Rapaciñ@s desenvolve actuacións orientadas especificamente a nenas e nenos de todas as idades para que adquiran hábitos seguros para navegar na Rede e poidan desenvolver a súa creatividade tecnolóxica a través de obradoiros e xogos didácticos. O programa desenvolve diferentes actividades como charlas a menores, acompañadas de actividades lúdicas, sobre as novas...
leer más
A praza Conde de Fontao, de Foz, acollerá este mércores, día 30, ás dez da noite a proxección ao aire libre da película Maimiño e o espello máxico. En caso de mal tempo esta actividade trasladarase ao salón de actos da Casa da Cultura.
A bibliotecaria municipal, María Jesús Álvarez Sánchez, anunciou hoxe que “a Consellería de Cultura e Educación, a través das secretarías xerais de Política Lingüística e de Cultura e máis da Axencia Galega das Industrias Culturais (AGADIC), recupera para os concellos da Rede de Dinamización Lingüística o programa Redecinema, que chegará desta volta a Foz coa película para público familiar Maimiño e o espello máxico. É unha versión libre do conto infantil do francés Édouard de Labouyale de Polgariño adaptado por José Martí. Conta a historia dun pequeno labrego que quere sacar á súa familia da pobreza. Unha...
leer más
A Delegación de Cultura do Concello de Foz organiza un ciclo de teatro infantil, que se desenvolverá dende mañá, martes, no patio do colexio Número 1. Todas as representacións están programadas para as 21 horas.
Mañá, martes, día 1 de agosto a Compañía Pérez y Fdez ofrecerá a obra O Poder de Anabel; o mércores 2 Expresión Produccións representará Os limpa limpa; o xoves 3 o grupo de teatro A Adala Infantil ofrecerá A rá que se quedou sen charco. E rematará o ciclo o luns día 7 Abarajar Produccións co espectáculo de maxia Fusión.
Queimada ibicenca
Dentro da programación para o vindeiro mes de agosto en Foz inclúese tamén a Queimada ibicenca, que organiza a agrupación O Feitizo. Será este mércores, día 2, a partir das 21:30 horas no paseo da Rapadoira. Haberá actuacións musicais e tamén empanada, refrescos,...
leer más
A Deputada de Economía e Facenda e Alcaldesa de Trabada, Mayra García Bermúdez, mantivo un encontro cos 25 nenos que están a participar no Campamento Infantil Urbano, que organiza o Concello, e que financia o organismo provincial 8.000 euros, e que servirán tamén para realizar ciclos teatrais ou talleres de manualidades, entre outros.
A Deputada explicou que “este completo programa de actividades culturais, que contribúe a conciliar a vida laboral e familiar dos veciños da vila, é unha oferta lúdica que esperta moito interese entre os máis pequenos do Concello”.
García Bermúdez subliñou que os nenos que participan nesta iniciativa “realizan xogos educativos e musicais, de interpretación, artísticos, experimentais e de educación en valores; e desenvólvense no Pavillón deportivo da vila”. Osrapaces,con idades entre os 3 e 12 anos,desfrutarán desta programación ata o 31...
leer más
O Armarinho da Fátima, de Burela, pon en marcha este verán un taller de labores para nen@s, que se desenvolverá no local da propia mercería sita na rúa do Ril número 4, en horario de apertura da tenda.
Algunhas das labores que se poderán aprender son calceta, bordado, bolillos, vainicas, punto de cruz, etc… Os horarios serán adaptados e en pequenos grupos.
As persoas interesadas poden anotarse no Armarinho da Fátima ou no número de teléfono 659 737 312. O prazo de inscrición remata o día 30 de xuño.
O Concello de Cervo, a través da delegación de Educación e Cultura, programa unha nova edición de enredos de verán para os meses de xullo e agosto, dirixido a rapaces e rapazas de entre 3 e 12 anos.
Deste xeito, a edil de Educación, desprazouse ata os Colexios do municipio, para informarlles aos mozos sobre as diferentes actividades que se impartirán.
Entre elas destaca unha semana adicada á seguridade, na que poderán ver en primeira persoa as ferramentas de traballo dos corpos e forzas de seguridade e recibirán clases prácticas nesta materia. Estre as actividades deseñadas, haberá unha xornada na que os pequenos poderán acceder ao barco da Garda Civil, que se desprazará ata San Ciprián. Ademais, os membros de protección civil impartirán un obradoiro de primeiros auxilios.
Tamén se levará...
leer más