Festas
O Concello de Ourol organiza un ano máis as súas festas na honra da Nosa Señora. Este ano serán os días 10, 11 e 15 de agosto, xornadas nas que a parroquia contará cun gran número de actividades e cousas para facer.
O sábado, 10 de agosto, Anxo Vázquez Pernas presentará o seu libro titulado “A imaxinería nos cemiterios de Ourol”. O acto terá lugar ás 20:00 horas no edificio multiusos. Ás 21:00 horas, actuación do grupo de gaitas Bágoas da Terra seguida dunha gran cea popular ás 21:45. Dita cea, servida polo Catering Rochela, de Vilalba, na carpa da praza do Concello, terá un custo de 28 euros para os maiores de 11 anos e de 14 euros para os nenos de 7 a 11 anos non empadroados na vila. Todos os empadroados, así como os nenos de 0 a 6 anos, cearán gratis. Será imprescindible recoller o tícket nas dependencias do Concello para entregalo o...
leer más
A parroquia de Sumoas, no concello de Xove, celebra as súas festas patronais, na honra a San Antonio, esta fin de semana, do venres 2 ao domingo 4 de agosto. Están organizadas pola asociación Rodagel de Sumoas.
As actividades comezarán o venres ás 20:30 horas cunha churrascada e verbena amenizada polo grupo Tania Veiras e o dúo EpoK.
O sábado ás 13:00 horas celebrarase misa solemne e procesión, seguida de sesión vermú co grupo Los Adrianos, que tamén actuará na verbena xunto a Laura Añon e Ángel Sevilla e Pedro Brmudz.
E o domingo haberá sesión vermú amenizada por José Manuel.
Na presentación destes festexos participaron o alcalde de Xove, Demetrio Salgueiro, e a concelleira María Dolores Meitín.
As celebracións comezarán este xoves, 1 de agosto, coa inauguración da Feira da Cervexa Artesanal de Viveiro nos xardíns Noriega Varela, a colecta da AECC en diferentes puntos da vila, a exposición de indumentarias do Camiño de Santiago na Biblioteca Municipal, e o comezo da XLIV Mostra Folclórica Internacional na praza maior.
A alcaldesa María Loureiro destaca "a aposta polos grupos locais e do Conservatorio de Viveiro nas festas”. O 9 de agosto celebrarase unha emotiva homenaxe a Óscar Fernández, músico e profesor do Conservatorio falecido o pasado mes de outubro e moi querido en Viveiro.
Nos días seguintes haberá tamén diversos concertos, exposicións, eventos deportivos e outras actividades. O 14 de agosto terá lugar a lectura do pregón no balcón da Biblioteca Municipal, dando paso aos días grandes das festas...
leer más
A parroquia de San Adriano, en Lourenzá, celebrará as súas tradicionais festas na honra a Santa Filomena o 6, 7 e 8 de setembro. Durante 3 días, veciños e visitantes poderán gozar dunha programación variada que inclúe gastronomía, música e celebracións relixiosas.
O venres, 6 de setembro, a partir das 21:30 horas, gran pulpada e churrascada. Tamén haberá verbena a cargo das orquestras Trébol e Magos.
O sábado, 7 de setembro, ás 13:30 horas, misa solemne e sesión vermú coa orquestra Costa Dorada. Xa pola noite, estelar verbena coas actuación das orquestras Costa Dorada e Saudade.
O domingo, 8 de setembro, ás 13:30 horas, misa solemne que estará seguida pola sesión vermú, amenizada polo grupo de baile da Asociación Cultural Osorio Gutiérrez, de Lourenzá, e, de seguido, a orquestra Principal...
leer más
A asociación Conde Santo, en colaboración co Concello de Lourenzá, Espectáculos Pico, a Xunta de Galicia e Patrimonio Laurentino, organiza as Festas do Conde Santo.
O evento, que terá lugar entre o 30 de agosto e o 2 de setembro, inclúe unha serie de actividades como actuacións de renome, sesións vermú e verbenas.
O venres 30 de agosto terá lugar a cea Lenda do Conde e a actuación de Luar na Lubre.
O sábado 31 de agosto a sesión vermú estará amenizada por Kalima 3.0, seguida dunha verbena animada por América e, unha vez máis, Kalima 3.0.
O domingo 1 de setembro Nueva Fuerza amenizará a sesión vermú e o día rematará cunha verbena a cargo de Cinema e Nueva Fuerza.
Finalmente, o luns 2 de setembro, haberá sesión vermú co Dúo Epo-K, e...
leer más
A comisión de festas en colaboración co Concello de O Vicedo organiza as súas tradicionais festas na honra a Santo Estevo e Santa Lucía. Durante 3 días o municipio encherase de música, actividades relixiosas, verbenas e diversión para todas as idades.
O venres, 2 de agosto, ás 22:45 horas, o grupo Jaque e a orquestra Fania Blanco encargaranse de abrir o evento cunha gran verbena.
O sábado, 3 de agosto, ás 11:00 da mañá pasarrúas coa Banda de Gaitas do Ortegal. Ás 12:00 horas haberá eucaristía solemne na honra aos santos seguida de procesión. Máis tarde, ás 14:00 horas sesión vermú co acompañamento musical do grupo Zona Zero. Para rematar o día, ás 22:45 horas gran verbena a cargo dos grupos Zona Zero e Pasión, ademais de Discomóbil Conxuro.
O domingo, 4 de agosto, ás 12:00, Santo Estevo...
leer más
A parroquia de Masma está preparada para acoller do 2 ao 4 de agosto as tradicionais festas en honor a San Antonio e San Cristovo cun programa cheo de actividades para toda a familia.
O venres, 2 de agosto, ás 21:30 horas o catering Boavista de Abadín sevirá unha cea e despois haberá verbena con Dúo Belinda.
O sábado, 3 de agosto, ás 13:30 horas terá lugar a misa solemne seguida dunha procesión. A continuación, os asistentes desfrutarán dunha sesión vermú con pinchos a cargo do Grupo Fénix. Ás 18:00 horas a festa contará cunha sesión “chillout” con Discomóbil Sanbet. A esa mesma hora, festa infantil con xogos populares e hinchables. Máis tarde, ás 19:00 horas, os nenos poderán recargar enerxías cunha merenda. Xa pola noite, ás 22:30 horas está prevista a verbena co Grupo Fénix e final de festa con Discomóbil...
leer más
A Asociación de Veciños Xunta Parroquial de Fazouro, en colaboración co Concello de Foz, anuncian as Festas Patronais Santiago de Fazouro 2024, que terán lugar os días 25 e 26 de xullo, ofrecendo unha ampla variedade de actividades para todos os públicos.
As festas comezarán o día 25 ás 13:00 horas con misa na igrexa parroquial e coa procesión a cargo do Grupo de Gaitas A Subela. A continuación, sesión vermú co trío Nostalgias. Ás 23:00 horas terá lugar a gran verbena co trío Nostalgias e o dúo Ángel América. O día rematará cun espectáculo de fogos artificiais.
O venres, 26 de xullo, haberá misa na capela de San Salvador ás 13:00 horas, procesión a cargo do Grupo de Gaitas A Subela e sesión vermú co dúo EPO-K. A partir das 20:00 horas serviranse racións de troita, patacas, torreznos e pan cun prezo de 8 euros a...
leer más
A asociación de Veciños de San Vicente de Lagoa, en colaboración co Concello de Alfoz, a Deputación de Lugo e a Xunta de Galicia, organiza a celebración da feira e festas homenaxeando a Santa Ana e Santiago Apóstolo os días 24 e 25 de xullo.
O mércores, día 24, a celebración comezará ás 21:00 horas cunha gran sardiñada, torrezmada e chourizada seguido de festa verbena coa Orquestra Salsarena e o Trío Merengue.
O xoves, 25 de xullo, ás 13:00 horas terá lugar a misa solemne e a procesión. Ademais, os asistentes poderán desfrutar da sesión vermú amenizada pola Banda de Música de Lourenzá e o Dúo Élite. Máis tarde ás 20:00 horas, o grupo teatral Os pícaros de Lagoa representarán no recinto da festa unha obra de teatro. Ás 22:00 horas o Dúo Élite volverá para pechar coa súa actuación esta xornada de celebración.
... leer más
A parroquia de Lago, no concello de Xove, celebra as festas na honra á Virxe do Carme e San Antón esta fin de semana, do venres 19 ao domingo 21 de xullo. Están organizadas pola Asociación de Festexos A Granda.
As actividades empezarán o venres ás 20:00 horas cunha churrascada estilo Lago e despois, a partir das 22:00 horas, haberá verbena coa orquestra Súper Top e Conxuro Discomóvil.
O sábado desde as 14:00 horas haberá sesión vermú coa orquestra Alianza, que tamén actuará na verbena.
E o domingo ás 13:30 horas celebrarase misa solemne, seguida de procesión e sesión vermú prolongada co dúo D´Caché.
Na presentación dos festexos participaron o alcalde de Xove, Demetrio Salgueiro, e a concelleira de Agricultura, Gandería, Montes, Educación e Cultura, María Dolores...
leer más