Libros
O vindeiro luns, 28 de decembro, ás 20:00 horas na Confitería-Cafetería Xoyma, de Foz, terá lugar a presentación da novela de Pepe Peinó "A Solo no le gustaba su nombre". Esta presentación ía levarse a cabo no pasado mes de marzo e tivera que ser suspendida co gallo da corentena provocada polo coroavirus. Despois de 8 meses de espera, dita presentación poderá celebrarse.
Falarán Pepe Peinó e o lingüista Bernardo Penabade e actuará a cantante Almudena Cuadrado.
No acto respectaranse todas as medidas de seguridade prescritas para estas épocas de pandemia.
A Delegación Municipal de Igualdade do Concello de Xove organizou, en colaboración co CEIP Plurilingüe Pedro Caselles Rollán, un proxecto socioeducativo consistente na elaboración do conto O bote das bolboretas, realizado polos nenos e nenas de 5º de Primaria, sobre a igualdade e a prevención da violencia de xénero.
Trátase dun traballo financiado con fondos do Pacto de Estado contra a violencia de xénero a través da Secretaría Xeral da Igualdade da xunta de Galicia.
O alcalde, Demetrio Salgueiro, e a concelleira de Igualdade, Ana Abad, fixeron entrega dos exemplares do libro para o alumnado de Infantil e Primaria e para o profesorado do CEIP Pedro Caselles Rollán. Con posterioridade, tamén deixaron algúns exemplares no IES Illa de Sarón.
A FCAM segue coa campaña de promoción da comarca a nivel nacional. A Federación de Comercio A Mariña continúa sumando publicacións e nesta ocasión unha reportaxe na revista Auto Fácil convida a realizar unha visita polos museos da costa luguesa da man de Pedro Madera, xornalista, historiador e viaxeiro infatigable.
Para o presidente da FCAM, José Carlos Paleo, “a ruta dos museos a través desta comarca e pola provincia de Lugo son unha boa escusa para visitarnos”. E subliñou “a importancia que ten o turismo no comercio de proximidade, que encaixa na decisión de viaxar con todas as medidas de prevención neste momento”.
Pedro Madera propón en Auto Fácil unha visita ao Museo do Mar en San Ciprián, ao Museo da Basílica de San Martiño de Mondoñedo e ao Museo de Sargadelos, ademais doutros situados na cidade de Lugo...
leer más
Xurxo Souto presenta este sábado o seu libro “Pangalaica, recortes poderosos”, nunha sesión virtual que se poderá seguir a través das redes sociais do Museo do Mar de San Cibrao a partir das 12.00 horas.
O libro, publicado por Galaxia, recolle oitenta relatos ilustrados, inspirados en historias e persoas que o autor coñeceu nas súas xiras por Galiza á fronte dos Diplomáticos de Monte Alto. En palabras do músico e escritor coruñés, trátase de “petiscos cheos de humor que acaban conformando unha cosmovisión alternativa do país: É mentira a fronteira entre o rural e o urbano. Todas somos da aldea”, reivindica.
Concerto de Ugía Pedreira
Á presentación, seguirá un concerto da artista mariñá Ugía Pedreira, que está a abrir unha nova etapa artística na súa traxectoria, presentándose como A...
leer más
A asociación Mariña Patrimonio organiza a presentación online do libro Contrahistorias de Galicia de Antonio Reigosa, que se celebrará este venres, 27 de novembro, a partires das 19:30 horas.
Este libro do escritor mindoniense Antonio Reigosa presenta textos breves e fermosas ilustracións de Rita Gutiérrez, nos que recolle datos curiosos sobre diferentes personaxes, uns coñecidos e outros “esquecidos e ignorados pola historia oficial”, en palabras do propio autor. Nestas contrahistorias, ademais do torque de Burela, atopamos tamén personaxes da Mariña como Eustorgia Acebo, Antonia Díaz Pérez ou o Merlín de Cunqueiro.
Nesta presentación, que se poderá seguir a través do facebook de Mariña Patrimonio, intervirán: o autor, Antonio Reigosa; a ilustradora, Rita Gutiérrez; e mailo editor, Miguel Noval.
A fin de semana do venres 27 e sábado 28 de novembro na Librería Bahía “levaremos adiante unha campaña solidaria que consistirá en dedicar o 10% das vendas deses dous días a achegar libros a nenas e nenos de familias con dificultades económicas. Con esta acción pretendemos, en primeiro lugar que estas nenas e nenos reciban un libro que –algo que nos parece importante- escollerán eles mesmos”.
Desde Librería Bahía explican: “queremos tamén devolver á sociedade algo da solidariedade e do apoio que vimos recibindo desde o confinamento e que agradecemos fondamente”.
E engaden: “e tamén pretendemos celebrar doutra maneira este fin de semana que dalgún xeito é a apoteose do consumo a través da moda do Black Friday e darlle un sentido solidario, invitar aos nosos clientes que merquen non só pensando neles mesmos, senón...
leer más
A Biblioteca Municipal do Concello de Viveiro celebra este sábado, 24 de outubro, o Día das Bibliotecas obsequiando de forma gratuíta e ata esgotar existencias cun agasallo a aquelas persoas que collan nesa xornada en préstamo un libro infantil ou xuvenil.
En concreto, será unha mochila de tea que leva impresa a mascota da biblioteca, ‘Sócrates’, deseñada por Lucia Martínez Bermúdez. Só se dará unha por persoa.
“Desde o concello seguiremos traballando para seguir mellorando e poñendo en valor este espazo cultural que é vital e transformador. Vivan as bibliotecas e especialmente a nosa”, asegura a concelleira de Cultura, Lara Fernández Fernández-Noriega.
O Día da Biblioteca celébrase cada 24 de outubro desde o ano 1997. Este día naceu por iniciativa da Asociación Española de Amigos do...
leer más
Os días 22, 23 e 24 de novembro de 2019 celebráronse en Mondoñedo as I Xornadas Gastronómicas da Faba Verdina, organizadas polo Concello de Mondoñedo e a Asociación de Produtores de Faba Verdina de Galicia, con sede nesta cidade episcopal. A asociación foi creada en 2019 co fin de promover a faba verdina, un produto que acada nesta comarca excepcionais niveis de calidade. Un dos obxectivos das xornadas celebradas xa case hai un ano foi o de mostrar as posibilidades culinarias deste produto. Con patrocinio do Concello de Mondoñedo, elaborouse un libro de receitas, un receitario que recolle as propostas de catorce establecementos hostaleiros de Mondoñedo. Como poderán comprobar os que o lean, as preparacións e as combinacións da verdina son moi amplas, e van dende os guisos lentos de pucheiro ata os salpicóns ou as tortillas de ovos.
...
leer más
Mañana, 3 de octubre, tendrá lugar en Alfoz (Lugo) el acto de presentación del libro “O bispado de Mondoñedo na Idade Media: territorio, comunidade e poder”, autoría del historiador Carlos Andrés González Paz (Alfoz, 1977), investigador del CSIC en el IEGPS.
El libro, publicado por la Editorial CSIC, constituye el número 49 de la serie del IEGPS “Anejos de Cuadernos de Estudios Gallegos”. Se centra en el estudio de la región del obispado de Mondoñedo entre los siglos IX y XIII y su cometido es avanzar, a través de la presentación e interpretación de la información recopilada por su autor, en el conocimiento sobre su trayectoria histórica medieval.
Su presentación tendrá lugar en el marco de las “Xornadas de Estudos Históricos” de Alfoz, que comienzan hoy y en cuya organización colabora el IEGPS con ponencias a...
leer más
O Concello de Lourenzá leva ao CEIP Juan Rey as actividades do programa Ler conta moito os días 11, 18 e 24 deste mes.
O concelleiro delegado de Educación e Cultura, Manuel Arango Ron, explica que “este ano, debido á situación do COVID-19, a Biblioteca Municipal de Lourenzá traslada as actividades do programa Ler conta moito, que se desenvolverán durante este mes de setembro, ao colexio da localidade”.
Manuel Arango anuncia que “a primeira será este venres. Baixo o título A Cinecleta na Biblioteca, Brais Moure cunha bicicleta con forma de cine mostrará aos alumnos do colexio laurentino os fondos mariños das Illas Atlánticas. O venres 18 será a quenda da maxia. O ilusionista Carlos Tomico impartirá un obradoiro no que se explicarán sinxelos trucos de maxia que poderán levar para a casa. Rematarán estas actividades...
leer más