Homenaxe
O Concello de Burela organiza este venres, día 28 de febreiro, ás 19:00 horas no Salón de Plenos a presentación do artigo De Carmiña a Dona Carme. É unha peza elaborada pola cronista oficial de Burela, Herminia Pernas Oroza, para a revista galega do ensino Eduga. O texto recolle a traxectoria de Dona Carme Iravedra Otero, figura clave no desenvolvemento educativo e social de Burela no século XX.
No acto estarán presentes a alcaldesa de Burela, Carmela López; o concelleiro de Educación e tenente de alcaldesa, Mario Pillado; a autora do artigo, Herminia Pernas Oroza; a filla da homenaxeada, Águeda Barcia Iravedra, Juan A. Granados Loureda, inspector de educación e director da revista Eduga, e Rira Gradaille Pernas, Doutora en Ciencias da Educación pola Universidade de Santiago de Compostela.
Este evento...
leer más
O Concello de Burela celebrará, este venres 21 de febreiro, a vida e a obra de Rosalía de Castro, con motivo da conmemoración do seu aniversario o 23 de febreiro.
O acto terá lugar a partir das 11:00 no auditorio da Casa da Cultura de Burela, coa participación dos centros educativos públicos do municipio.
Para comezar, a cativada da Escola Municipal de Música de Burela e dos colexios CEIPP Vista Alegre e o CEIPP Virxe do Carme interpretará cancións que musican textos da célebre escritora galega co fío condutor da súa vida.
Logo será a quenda dos centros de secundaria, na que os rapaces e rapazas dos IES Perdouro e do IES Monte Castelo lerán diversos textos de Rosalía, así como un manifesto a prol da lingua galega.
Pola tarde celebrarase unha maratón de lectura de...
leer más
Viveiro homenaxeará ao músico Óscar Fedez cun concerto que se celebrará o día 9 de agosto, venres, desde as 21:00 horas na Praza Maior.
Neste concerto homenaxe actuarán Eu son band, Back in town, El Chigri, Jjadrio, Yuno, La mala vida, Leo Salinas, Joni Ramos e True Mountains. E haberá venda de merchandising co fin de recadar diñeiro para a Asociación Española Contra o Cancro.
O homenaxeado é o músico mariñán Óscar Fernández González, natural de Galdo (Viveiro) e coñecido artisticamente como Óscar Fedez, que faleceu en outubro de 2023, aos 37 años de idade, debido a unha grave enfermidade.
Ribadeo renderá homenaxe esta fin de semana ao Viejo Pancho. Haberá teatro, música e ofrenda floral, entre outras actividades.
A concelleira de Cultura, Begoña Sanjurjo, explicou que “esta fin de semana terán lugar os actos centrais da conmemoración do centenario do pasamento do Viejo Pancho. Como preludio hoxe presentamos unha páxina web elviejopancho.org, financiada pola Secretaría Xeral de Emigración e na que podemos atopar a biografía do autor, imaxes, a pegada que deixou na música e na prensa e actividades que na actualidade se vinculan co Viejo Pancho”.
A edil ribadense relatou que “o sábado ás 20:30 horas no auditorio municipal o Grupo de Teatro de Ribadeo poñerá en escena El rigor de las desdichas, juguete cómico en un acto, original y en verso. A continuación no quiosco do parque ás 21:30 horas...
leer más
O alcalde, Daniel Vega, anunciou que “este sábado ás 12 da mañá imos renderlle unha homenaxe a todos os patróns maiores da Confraría de Pescadores de Ribadeo. A Confraría e Concello encargáronse deste traballo a través dunha comisión organizadora, á que lle damos as grazas por todo o traballo que fixo ata o de agora”.
O rexedor explicou que “o sábado queremos renderlle esa homenaxe merecida. Tamén trasladar un agradecemento a tantas persoas que deron tanto por un sector como o pesqueiro, que tamén traballaron a prol de Ribadeo e en defensa dos intereses xerais. Agradecemento e recoñecemento a cada un deles: a José Ramos, a José López, a Antonio Pérez, a Secundino Balsa, a José Domingo Rajal, a Domingo Fernández, a Celia Pacio, a José Luis García, a José Angel Redondo e ao actual patrón maior Javier Martínez”.
...
leer más
A agrupación cultural Francisco Lanza celebra o Día de Rosalía en Ribadeo cun recital este venres, 23 de febreiro, ás 19:30 horas. O acto será nas Catro Rúas, xunto ao mural de Rosalía, pero trasladarase ao Teatro se o tempo o aconsella.
“Comezamos de novo o ciclo anual de actividades. E de novo imos celebrar o Día de Rosalía. Súmate a este sinxelo, fermoso e emotivo acto. Agardámoste este venres 23, ás 19:30 horas, nas Catro Rúas, xunto ao mural de Rosalía. Ímoslle poñer voz á imaxe de Rosalía. Ímoslle dar vida aos seus poemas! Imos facer que volva a primavera”, anuncia a agrupación cultural Francisco Lanza.
Riotorto celebra o 126 aniversario do nacemento en Órrea do xornalista e escritor Avelino Díaz. Para iso haberá actividades esta fin de semana, venres 17 e sábado 18 de novembro.
O venres ás 20:00 horas terá lugar na Escola de Órrea a presentación dun disco con doce poemas de Avelino Díaz musicalizados polo grupo A Quenlla.
E o sábado a partir das 16:00 horas haberá unha polavila en Riotorto. No programa de actividades para esta xornada inclúese unha homenaxe ao grupo Hermanos Baltasar, con Armando Clarines; obradoiro de baile a cargo de Víctor e Rebeca, da Pastoriza; exposición de instrumentos musicais, pasacalles, concertos, foliada aberta e degustación de castañas asadas. Haberá carpa.
Esta iniciativa está organizada polos concellos de Riotorto e Meira e a asociación cultural Avelino...
leer más
O Canteiro, en Benquerencia, acollerá o vindeiro sábado, día 28, unha conferencia homenaxe á científica e investigadora barreirense Aurora Sampedro Piñeiro, que será impartida por Manuel Rivero.
Aurora Sampedro naceu en 1913 e faleceu en 1996. Foi Licenciada en Ciencias Químicas, doutora na mesma disciplina e Académica de Ciencias Experimentais. Manuel Rivero defínea coma unha estudante exemplar e unha adiantada ao seu tempo: “desprazouse a Madrid no ano 1930, viviu na residencia de estudantes, alí completou os dous anos do bacharelato universitario, rama de ciencias, para poder matricularse en químicas, carreira que cursou na Universidade Complutense desde 1932 ata 1935. Durante o tempo que durou a Guerra Civil, (1936-1939), tivo que interromper os estudos. Finalizou a carreira na Universidade de Oviedo en xullo de 1941, coa...
leer más
O Concello prepara unha homenaxe a El Viejo Pancho, que terá lugar en xullo de 2024, coincidindo co centenario do seu pasamento. Coa cita colaborarán o Goberno uruguaio e tamén o consulado. No Pazo de Ibáñez o alcalde, Dani Vega, e as concelleiras de Cultura e Benestar Social, Begoña Sanjurjo e Elena Sierra, recibiron a Ramiro Rodríguez, o cónsul de Uruguai en Galicia co que abordaron esta cuestión.
O alcalde, Dani Vega, deulles á benvida ao cónsul e ao seu equipo: “nos alegramos de acoger al cónsul de Uruguay, Ramiro Rodríguez, lo recibimos con las manos abiertas, que sienta el abrazo profundo del pueblo de Ribadeo. Esa relación que tenemos con Uruguay y con todo Latinoamérica es profunda. Este pueblo es distinto en la arquitectura, no es típico en Lugo ver estas construcciones indianas y seguramente cuando llegasteis a Ribadeo...
leer más
Viveiro acolle unha homenaxe ao recoñecido poeta viveirense Carlos Oroza, falecido en 2015. Será este domingo día 10 de setembro.
O evento constará de dous actos principais, organizados polo Concello de Viveiro, o Seminario de Estudos Terra de Viveiro e a asociación Évame Oroza. Por unha banda, a presentación do libro recompilatorio ‘Évame’, na sala multiusos do Concello ás 12:30 horas. E por outra parte ás 19:00 horas na praciña Carlos Oroza, na avenida de Lourdes, terá lugar a inauguración dunha placa conmemorativa do ceramista Otero Regal. Esta estará acompañada por un recital poético, unha actuación musical e outras actividades en lembranza do escritor.
Esta homenaxe chega despois de que en agosto Viveiro acollese unha exposición nos xardíns Noriega Varela con motivo do centenario do nacemento de Carlos Oroza, en 1923....