Mercado

Alfoz retornará ao século XV os días 14 e 15 de xullo coa XIX Feira Medieval. O evento é promocionado pola Deputación de Lugo.

Etiquetas:

10/07/2017

O Deputado de Turismo, Eduardo Vidal Baamonde, o Alcalde de Alfoz, Jorge Val Díaz, xunto ao Concelleiro de Turismo, Xabier Pardiñas, a outros membros da organización, presentaron este luns a XIX Feira Medieval do municipio, que financia o organismo provincial a través dunha axuda de 2.000 euros para a celebración deste evento. Ademais a Deputación colabora con demostracións de artesanía e oficios tradicionais, a través do CENTRAD.

Vidal Baamonde subliñou que “esta Feira rememora o pasado históricode Alfoz,e celebrase nun marco incomparable como é a contorna de castelo de Castro de Ouro, polo tanto unha cita ineludible para esta fin de semana, e para coñecer o legado histórico de Alfoz”. Ademais, o Deputado explicou que dende o Goberno da Deputación“na presente anualidade investimos 330.000 euros para a realización de 71 eventos turísticos...

Do 29 de xuño ao 2 de xullo celebrarase en Viveiro o X Mercado Renacentista con diversidade de actividades para nen@s e adultos.

Etiquetas:

Viveiro, Mercado, Renacentista

27/06/2017

Viveiro acolle a celebración dunha nova edición do Mercado Renacentista que se celebrará dende o xoves 29 de xuño ata o domingo 2 de xullo.

O programa comeza o venres ás 11:00, horas coa apertura do mercado, e durante toda a xornada haberá pasacalles, o duende travieso Luisete percorrendo o mercado, Recua Teatro con La Marquesa y su séquito ou concertos de rúa con Cornalusa. Ás 21:00 horas terá lugar o desembarco de Carlos V na praia de Covas, e o gran desfile de todas as compañías e participantes de regreso ao mercado.

O sábado 1 de xullo, o mercado volve cobrar vida ás 11:00 horas, e ao longo de todo o día haberá pasacalles, os bufóns da corte, acrobacias e cómicos para rematar ás 23:00 horas co Conjuro de Tregua con Bambolea.

O domingo 2 de xullo, o mercado permanece aberto desde as 11...

O 25 de xuño comezan os Mercados dos Domingos en Ribadeo, que se celebrarán ata finais de setembro.

Etiquetas:

Ribadeo, Mercado, Domingos

23/06/2017

O 25 de xuño comeza a nova tempada dos Mercados dos Domingos que se celebrarán nas inmediacións da praza de abastos entre as 9:00 e as 14:00 horas. Este ano contarán con dous novos produtores e terá catorce postos. O Mercado dos Domingos está organizado pola asociación A Sucadoira e o Concello de Ribadeo.

A concelleira de Desenvolvemento Local, Ana Martínez, sinalou que “como cada ano e xa coa chegada do verán Ribadeo abre esa porta para o Mercado dos Domingos, ese mercado que cada ano se dispón diante da praza de abastos e no que podemos mercar produtos locais fundamentalmente. Eses produtos frescos das hortas do concello de Ribadeo, das parroquias de Piñeira, de Vilaselán, de Arante, de Ove, eses produtos frescos que podemos degustar dunha maneira diferente a cando xa nos chegan a través doutras canles de transporte”.

En Ferreira do Valadouro terá lugar os días 24 e 25 de marzo o XI Mercado de Primavera con moitas actividades.

Etiquetas:

O Valadouro, Mercado, Primavera

15/03/2017

O Concello de O Valadouro organiza a décimo primeira edición do Mercado de Primavera que terá lugar os días 24 e 25 de marzo.

A feira comezará o venres 24 coa lectura do pregón a cargo de Miguel Vila ás 21:00 horas no salón de actos da Casa da Cultura onde terá lugar unha exhibición de baile en zocas. Ás 22:00 horas haberá xogos rurais no aparcadoiro municipal a carón da piscina. As inscricións poden facerse nas oficinas da Casa da Cultura ata as 20:00 horas. Ás 23:00 horas celebrarase un concerto de rock con Chris Masuak & Viveiro Wave Riders, tamén no aparcadoiro municipal.

O sábado 25 ás 10:00 horas terá lugar a apertura de postos de mercado na rúa Andrés López Palmeiro. Desde as 11:00 horas desenvolverase o Fotoenxebre ata as 14:30 horas, e pola tarde de 16:30 a 19:30 horas, na subida da igrexa parroquial...

Do 8 ao 11 de decembro celébrase en Ribadeo o XIV Mercado de Nadal. Haberá actuacións musicais, magostos e actividades para as nenas e nenos.

Etiquetas:

Ribadeo, Nadal, Mercado

06/12/2016

Do 8 ao 11 de decembro celébrase en Ribadeo o XIV Mercado de Nadal. Haberá actuacións musicais, magostos e actividades para as nenas e nenos.

A XIV edición do Mercado de Nadal terá lugar do 8 ao 11 de decembro. Diferentes produtos dende cerámica ata alimentación, pasando por pezas de coiro e de xoiería, poderán atoparse nas 25 casetas que estarán situadas na rúa San Francisco e nas inmediacións do parque.

Desde o equipo de goberno sinalan que “un ano máis, e xa van catorce, coa chegada da ponte de decembro, Ribadeo celebra o xa tradicional Mercado de Nadal e que de novo, tras o éxito do ano pasado, estará ubicado no mesmo lugar que é na rúa San Francisco e na zona do parque”.

Este ano as datas de celebración son desde o xoves, día 8, ao domingo 11, en horario de mañá desde as 11:00 ata ás 14:00 horas, e en horario de tarde a partires das 17:30 ata as 21:00 horas.

O 12 de novembro terá lugar o III Mercado de Outono en Ferreira do Valadouro. Haberá postos de venda de produtos estacionais e de artesanía, xogos, tapeo e música.

Etiquetas:

Outono, Mercado, Ferreira do Valadouro

06/11/2016

O 12 de novembro terá lugar o III Mercado de Outono en Ferreira do Valadouro. Haberá postos de venda de produtos estacionais e de artesanía, xogos, tapeo e música.

O vindeiro sábado, 12 de novembro, celébrase o III Mercado de Outono polas rúas de Ferreira con pasarrúas, tapeo e moitas outras actividades.

Nesta ocasión, o mercado vai durar durante toda da xornada no que se poñerán postos de produtos estacionais e postos de artesanía variada.

Pola tarde, a partires das 16:00 horas haberá numerosos xogos populares e tradicionais que se van desenrolar no aparcadoiro municipal da Avenida da Veiga. Estes xogos están orientados para un público un pouco máis infantil e xuvenil.

Ao rematar o mercado comezará unha ruta de tapeo con produtos de tempada amenizada por grupos de cantos de taberna que percorrerán os 12 locais participantes. Tamén na hostalería, contarán...

O III Mercado de Rúa terá lugar en Ribadeo os días 19 e 20 de agosto. Está organizado por Acisa e participan 34 locais comerciais.

Etiquetas:

Ribadeo, Mercado, Rúa

17/08/2016

O III Mercado de Rúa terá lugar en Ribadeo os días 19 e 20 de agosto. Está organizado por Acisa e participan 34 locais comerciais.

Os días 19 e 20 de agosto terá lugar en Ribadeo unha nova edición do Mercado de Rúa, que organiza Acisa. Un total de 34 locais ofrecerán a pé de rúa últimos descontos en roupa de verán, stocks doutras tempadas e outlets. Será en horario comercial.

Como nas anteriores edicións, este III Mercado de Rúa terá como obxectivo sacar as tendas e os escaparates dos comercios ribadenses ás rúas para incentivar as compras e captar novos clientes. Desde a directiva de Acisa agardan que esta cita sexa un éxito ao igual que o foi hai unhas semana a Noite Flúor.

Os establecementos participantes son: Anais, Bis a Bis, Bodegas Ribeirao, Bora Bora, Calzados Menfer,...

Presentada a XXXVIII Queimada Popular e o XX Mercado Tradicional que se celebrarán en Cervo este sábado, día 20.

Etiquetas:

Cervo, Mercado, Queimada

16/08/2016

Presentada a XXXVIII Queimada Popular e o XX Mercado Tradicional que se celebrarán en Cervo este sábado, día 20.

A XXXVIII edición da Queimada Popular, que está declarada de interese turístico, e a XX do mercado tradicional, que se van celebrar en Cervo este sábado 20, foron presentadas polos organizadores cun acto ao que asistiron o alcalde cervense, Alfonso Villares, e a concelleira de Turismo, Manuela Méndez.

O mercado tradicional, que comezará ás 10 da mañá, estará animado coas actuacións musicais do grupo de gaitas Medio Quiñón, do Home Orquestra Hortensio e do grupo de percusión Quilomberos de Monte Alto.; e a partir das 11:15 horas haberá unha exposición de manualidades. As actividades da Queimada Popular empezarán ás once da noite e a partir das doce haberá verbena con A Banda de Balbina, Festicultores e o dúo Diamante.

...

Do 29 ao 31 de xullo terá lugar en Viveiro nos Xardíns Noriega Varela o "Mercado da Ilusión, poboado pola igualdade".

Etiquetas:

Mercado, Viveiro, Fantasía

25/07/2016

Do 29 ao 31 de xullo terá lugar en Viveiro nos Xardíns Noriega Varela o "Mercado da Ilusión, poboado pola igualdade".

Os Xardíns Noriega Varela, de Viveiro, acollerán do 29 ao 31 de xullo o Mercado da Fantasía, poboado pola igualdade, que organizan o Concello e o Centro de Información ás Mulleres.

Durante esas xornadas haberá talleres educativos, personaxes de contos, atraccións infantís, postos de alimentación, artesanía e gastronomía.

O Concello de Mondoñedo presentou o programa do XXV Mercado Medieval con máis animacións que en edicións pasadas. O festexo será do 12 ao 14 de agosto.

Etiquetas:

Mondoñedo, Medieval, Mercado

19/07/2016

O Concello de Mondoñedo presentou o programa do XXV Mercado Medieval con máis animacións que en edicións pasadas. O festexo será do 12 ao 14 de agosto.

A alcaldesa de Mondoñedo, Elena Candia, participou na presentación do cartel e do programa da XXV edición do Mercado Medieval de Mondoñedo que tivo lugar no salón de plenos do Concello. Á presentación asistiu parte do equipo de goberno, varias das asociacións implicadas no evento, así como amigos e amigas do mercado medieval que ano tras ano colaboran e traballan de xeito desinteresado na súa organización.

A rexedora aproveitou a súa intervención para agradecer o traballo de todas as asociacións implicadas no Mercado Medieval; entre as que se atopan os Amigos do Mercado, á ACIAM e á Asociación Cultural O Pasatempo. Candia destacou, de xeito especial, o apoio prestado pola ANPA do colexio e da Escola de Música Municipal.