Foz
AciaFozCCA sortea 6.000 euros en premios ao longo deste Nadal. O 8 de xaneiro dez desexos faranse realidade.
O presidente de AciaFozCCA, José Carlos Paleo, explica que “son tres as campañas que estamos a desenvolver e nas que estamos a participar. O primeiro sorteo de 4.500 euros en premios terá lugar o 18 de decembro na praza Conde Fontao, entre as cinco e as oito. Alí agárdanos unha tarde chea de sorpresas e actividades. Ás cinco e media haberá unha actuación infantil, ás 18:00 horas terá lugar o sorteo de 500 euros, para as 18:30 horas está prevista unha chocolatada, ás 19:00 horas teremos o sorteo de 1.000 euros e ás 20:00 horas cun bingo será o sorteo de 3.000 euros. É unha forma excelente de iniciar o Nadal en Foz”.
Paleo contou que “hai outros 500 euros en xogo, que serán para as persoas que atopen as sete...
leer más
Os días 6 e 7 de decembro en Foz terán lugar as xornadas gastronómicas das tostas, que organiza AciaFozCCA.
Na cita participan 8 locais hostaleiros: Augas Santas, Cafetería Anduriña, Los Dulces de Delphine, Marexada, Mexideli, O Muelle Bar, O Tangarte e Xoyma.
O presidente de AciaFozCCA, José Carlos Paleo, sinala que “organizamos esta cita gastronómica para ofrecer unha alternativa na ponte da Constitución tanto ás veciñas e aos veciños de Foz como aos visitantes que se achegarán estes días ao noso pobo”.
E indica que “a nosa hostalería sorprenderanos coas súas creacións nesta ponte da Constitución en Foz, que será tamén un bo momento para pasear polas nosas rúas, xa vestidas de Nadal, e para mercar no comercio local”.
As xornadas gastronómicas das tostas están...
leer más
O Concello de Foz organiza diferentes actividades de Nadal ata o día 26 de xaneiro.
“O Nadal é tempo de ilusión e de parón nos colexios para os máis pequenos. Polo que Foz enche estes días de actividades para toda a familia. O Concello e ás asociacións culturais programan diversos actos para desfrutar destas datas”, anuncia a concelleira de Cultura, Inés López Couto.
O alcalde, Fran Cajoto, explica que “as luces de Nadal xa brillan en Foz e o paseo esta vez pode ter premio. Nos comercios locais e nos edificios municipais (Casa da Cultura, Concello e CENIMA) poderanse atopar os trípticos para participar buscando as sete bólas do dragón agochadas no alumeado de Nadal. As papeletas deberan depositarse no buzon do Concello ata o 4 de xaneiro. O dragón Sheron aparecerá e os Reis Magos entregarán os regalos aos...
leer más
A Deputación de Lugo e a Federación Galega de Comercio poñen en marcha a campaña Regala en Nadal, Merca en Local, unha iniciativa para fortalecer o comercio de proximidade, fomentar o consumo responsable e impulsar a economía local durante unha das tempadas festivas máis importante en vendas do ano. O Deputado de Promoción Económica e Social, PabloRivera, e o Presidente da Federación Galega de Comercio, José María Seijas, presentaron este mércores no Pazo de San Marcos a iniciativa, á que a institución provincial achega 50.000 euros.
PabloRivera destacou durante a presentación que esta campaña enmárcase no compromiso da Deputación de apoiar accións “que fortalecen o tecido comercial da provincia, buscando dinamizar as vilas, impulsar o consumo responsable e premiar a fidelidade dos consumidores que apostan polo local”. Nese...
leer más
O Concello de Foz ten preparadas moitas actividades e sorpresas para este Nadal, que comeza ao grande este xoves, día 5 de decembro, ás 18.30 horas na glorieta de Vilalba co acendido do alumeado de Nadal. Neste acto haberá cor, doces para os pequechos e a música da Banda de Música de Foz, anuncia o alcalde, Fran Cajoto.
O rexedor municipal destaca que “unha máxima que segue o Concello é levar o Nadal tamén ás parroquias e facer destas datas un momento de ilusión para os pequenos. Foz será un pobo a percorrer cheo de luz e cor e con sorpresas escondidas. Este Nadal o Concello e a ACIA xuntan forzas para que veciños e visitantes paseen pola vila e descubran o paradoiro das sete Bólas do Nadal de Foz. Estas bólas estarán escondidas nalgún dos lugares con iluminación de Nadal da vila e o que as atope todas e as marque no tríptico que poderá...
leer más
A parroquia focega de Vilaronte inaugurará o seu alumeado de Nadal cunha festa que se celebrará o día 8 de decembro, domingo, desde as 19:30 horas, no atrio da igrexa.
O evento está organizado pola asociación O Atrio, de Vilaronte, que anuncia: “para pasar un bo rato tod@s xunt@s contaremos coa actuación musical do grupo Mar Aberto, de Foz; caldo de pita e chocolate quentiño, que estes días de frío entra moi ben. Será unha noite chea de alegría, música e boa compañía”.
Foz acollerá os días 6 e 7 de decembro as xornadas gastronómicas das tostas, que organiza AciaFozCCA
Na cita participan 8 locais hostaleiros: Augas Santas, Cafetería Anduriña, Los Dulces de Delphine, Marexada, Mexideli, O Muelle Bar, O Tangarte e Xoyma.
O presidente de AciaFozCCA, José Carlos Paleo, sinala que “o que queremos con estas xornadas gastronómicas das tostas é ofrecer unha alternativa na ponte da Constitución tanto para as veciñas e os veciños de Foz como para os visitantes que se achegarán estes días ao noso pobo”.
E engade: “a nosa hostalería sorprenderanos coas súas creacións os días 6 e 7 de decembro en Foz. Será tamén un bo momento para pasear polas nosas rúas e para mercar no comercio local”.
As xornadas gastronómicas das tostas están organizadas por AciaFozCCA, e contan coa colaboración da Xunta de Galicia e do Concello de Foz.
O grupo teatral O Centiño, da parroquia focega de San Martiño, organiza a oitava edición da súa gala solidaria o día 7 de decembro, sábado, ás 19:00 horas na Sala Bahía de Foz. Neste acto representarán a súa comedia titulada A morte morrida.
“No grupo teatral O Centiño, de San Martiño, levamos xa moitos anos celebrando pola época do Nadal unha gala solidaria co gallo de recadar fondos para as persoas máis necesitadas. Representamos algunha das nosas obras ou ben convidamos a amigos doutros grupos teatrais para que participen connosco. A entrada a esta Gala é libre e no descanso da mesma pasamos unha cesta para recadar os donativos que os asistentes estimen oportuno dar. Deste xeito queremos demostrar que o teatro, ademais de ser unha arte, é unha forma de facer feliz á xente, tanto aos espectadores, que poden desfrutar dun bo rato...
leer más
Foz continúa esta fin de semana, do venres 29 de novembro ao domingo 1 de decembro, coa súa ampla programación cultural, con dúas representacións teatrais e un concerto.
A concelleira de Cultura, Inés López Couto, anuncia que “o Concello de Foz é sinónimo de investimento cultural. Esta fin de semana volve a ser intensa, con actividades todos os días e para toda a familia” e especifica: “este venres comezamos coa representación teatral Invisibles, de Redrum Teatro. Será na Sala Bahía ás 20:30 horas, con entradas a 5 euros. Invisibles é todo o que non queremos que sexan os casos de violencia contra a muller. Por iso traemos esta obra con fonda mensaxe social. O sábado ás 20.00 horas na Sala Bahía a Banda de Música de Foz celebrará o seu concerto de Santa Icía, para facernos desfrutar a todos da boa música. Este ano os...
leer más