Foz
A concelleira da Aula Universitaria da UNED Foz, Elena Martínez Pena, e a coordinadora da mesma, Marta Muiña Rodríguez, veñen de presentar a programación para este mes de novembro, que inclúe unha exposición e catro cursos, para os que xa está aberta a inscrición.
Para comezar propoñen participar nun curso de organización e orde, Organización de espazos para mellorar a túa vida, impartido por Alba Caamaño Fernández. Muiña apunta que “é a docente idónea para unha formación deste tipo, xa que é a presidenta da AOPE (Asociación de Organizadores Profesionais de España) e conta cunha ampla experiencia neste ámbito de traballo”. Levarase a cabo os luns de 18:00 a 20:00 horas dende hoxe, día 4 de novembro, ata o 13 de xaneiro. Nestas datas a mesma docente, tamén mentora de negocios e especialista en procesos, estratexia e ventas,...
leer más
A parroquia focega de San Martiño celebrará as festas na honra do seu patrón desde o venres 8 ata o domingo 10 de novembro.
As actividades comezarán o venres con verbena amenizada polo dúo Estrellas e Conxuro Discomóbil
O sábado haberá sesión vermú a partir das 13:30 horas, co grupo Eureka, que tamén actuará na verbena xunto a Conxuro Discomóbil.
E o domingo a partir das 13:00 horas celebrarase misa solemne e procesión acompañada polo grupo de gaitas A Subela. E a continuación haberá sesión vermú amenizada polo grupo Toxo Guayaba.
Os organizadores destes festexos destacan que disporán de carpa con calefacción.
A publicación titulada Guía micolóxica básica da provincia de Lugo será presentada na Librería Bahía, de Foz, o día 6 de novembro, mércores, ás 20:30 horas. Participarán no acto os seus autores, que son Julián Alonso Díaz, José Castro Ferreiro, María Cristina García-Echave Puente e Antonio Rigueiro Rodríguez.
Librería Bahía anuncia: “o vindeiro mércores, día 6 de novembro, acollemos na libraría Bahía a presentación da Guía micolóxica básica da provincia de Lugo, en colaboración coa asociación Os Bolouros, de Foz, e a Asociación Micolóxica Lucus, de Lugo. Estarán con nós os autores. Trátase dunha guía sinxela para poder identificar con claridade as especies de cogomelos que podemos encontrar na nosa provincia, moi interesante, por tanto, tanto para quen xa son afeccionados á identificación de cogomelos, coma para quen queren introducirse...
leer más
O Concello de Foz organiza un ciclo de charlas médicas que se celebrarán os mércores 13, 20 e 27 de novembro ás 20:00 horas no salón de actos da Casa da Cultura.
A concelleira de Sanidade, Comercio e Turismo, Kathy Navarro, anuncia: “o mércores día 13 contaremos con Paloma Dorado López e Marina Bustelo Fernández, pediatras do Hospital Público da Mariña, nunha charla na que abordarán a actualización en vacinación infantil. O mércores día 20 a farmacéutica do Hospital da Mariña, Lucía Grandío Leivas, achega a charla titulada Antibióticos, por que non sempre?. E remataremos as charlas médicas o mércores día 27 con Alba Doporto Fernández, neuróloga do Hospital Público da Mariña, que falará das Enfermidades neurolóxicas asociadas a idade.
O Concello de Foz agradece a colaboración do Hospital Público...
leer más
A comparsa Ruxe Ruxe organiza a cuarta edición da actividade que denominan O Noso Samaín este sábado, día 2 de novembro, na Sala Bahía, de Foz.
Haberá festa infantil de 16:00 a 20:00 horas, con pintacaras, xogos populares, animación musical, colchoneta, globoflexia, contacontos a cargo de Marta Ortiz, scape room, mesa doce e concurso de cabazas con premios.
E a partir das 23:30 horas terá lugar a Noite Tenebrosa, amenizada coa música de Discomóvil Conxuro, con sorteos e outras sorpresas.
A asociación Os Sendeiros, de Foz, fará o 10 de novembro, domingo, a ruta de Cabo Prior a Lavacerido, na provincia da Coruña. A saída desde Foz será ás 07:00 horas e ás 07:15 horas desde Ferreira do Valadouro.
Os prezos desta actividade, incluído o xantar, son: 40 euros para socios federados, 45 euros para socios non federados e 50 euros para socios temporais.
O prazo para anotarse remata o 6 de novembro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo e destaca que é “una bonita ruta por la Costa Ártabra, zona de Ferrol; son 13 kilómetros cómodos de caminar...
leer más
O Concello de Foz publicou as bases para a elección da raíña ou rei do Entroido 2025.
Estas bases marcan dúas fases do concurso: unha inicial de presentación de candidaturas, onde se valorará o currículo entroideiro dos aspirantes; e unha segunda, que se programa para o día 9 de novembro ás 20 horas na Sala Bahía, onde os aspirantes poderán explicar a público e xurado porqué queren ser rei ou raíña do Entroido focense.
“Con estas bases quérese primar o arraigo ao Entroido, valorando a participación no desfile e nos distintos eventos do Entroido, así como algo tan cultural e histórico para Foz como é a realización do plan o luns do Entroido. Queremos que non se esquezan as tradicións de Foz”, explica a concelleira de Cultura, Inés López Couto. O prazo para presentación de candidaturas son 10 días naturais...
leer más
A terceira edición das Xornadas de Recuperación da Memoria Gastronómica Tradicional Galega Touporroucaldo celebraranse en Foz o día 2 de novembro, sábado, a partir das 13 horas nos Calexóns da Viela e na Praza Pardo de Cela.
O menú inclúe caldo, compango, taza, pan, queixo con marmelo e viño ou auga e o prezo é de 10 euros. Haberá sesión vermú amenizada polo grupo de música de A Subela.
En caso de mal tempo este evento, que está organizado por Touporroutou Teatro, trasladarase ao pavillón do colexio Martínez Otero.
Este sábado, día 26 de outubro, o departamento de Medio Ambiente do Concello de Foz organiza, coa colaboración da Asociación para a Defensa Ecolóxica de Galiza (ADEGA), unha xornada de inspección da saúde do río Centiño.
“Englobada dentro do Proxecto Ríos, o sábado 26 en xornada de 10:30 a 13:30 horas, o departamento de Medio Ambiente organiza unha actividade que permite coñecer o estado de saúde dos nosos ríos, neste caso, do río Centiño. O Proxecto Ríos é unha iniciativa de concienciación, educación e participación cidadá en defensa dos nosos ríos, coordinado por ADEGA. Fundaméntase na realización de inspeccións do estado dos ríos galegos por parte de persoas ou grupos voluntarios a nivel local, co obxectivo final de facerse responsábeis da vixianza (adopción) do río que pasa polo seu municipio ou localidade. O Proxecto Ríos en Foz...
leer más
A basílica de San Martiño de Mondoñedo, en Foz, acollerá este xoves -24 de outubro- , ás 19.00 horas, a actuación do laudista esloveno Bor Zuljan, un dos maiores especialistas contemporáneos neste instrumento de corda que se extendeu por Europa na época medieval.
No concerto, incluído no I Ciclo de Música Medieval Lugo De Trovas e Cantigas, promovido pola Vicepresidencia da Deputación de Lugo, o músico, coñecido por ampliar as posibilidades deste instrumento e redescubrir sons e técnicas de interpretación esquecidas, amosará o seu virtuosismo cun repertorio inspirado no florecemento humanista e cultural do Renacemento cando o laúde se converteu no instrumento máis popular nas cortes europeas.
O tenente alcalde de Foz Francisco Xavier Fanego valorou a programación do concerto na Basílica de San Martiño, que pola...
leer más