Foz
A asociación Os Sendeiros de Foz convida a todos os amantes da natureza e do sendeirismo a participar na ruta Circular Montes da Lebre, que se levará a cabo o 27 de xullo.
A saída será ás 9:00 dende a Capela Bispo do Santo (Foz) e recorreranse uns 9 quilómetros arredor do Pico da Lebre. O prezo para os non federados é de 5 euros, sendo gratuíta a ruta para os federados. A dificultade é media, e recomendan levar equipo de sendeirismo axeitado. É obrigatorio anotarse antes do 26 de xullo.
Para inscribirse, pódese contactar a través dos teléfonos 670869017 e 606718482, ou enviando un correo electrónico a ossendeiros@yahoo.es.
A Coral Polifónica de Foz celebrará o seu trixésimo noveno aniversario cunha misa concerto que terá lugar na igrexa parroquial este sábado, 20 de xullo ás 20:00 horas.
Nesta actividade colabora o Concello e a Unidade Pastoral de Foz.
A parroquia de San Martiño, no concello de Foz, celebrará as festas do Carme esta fin de semana, do venres 19 ao domingo 21 de xullo.
As actividades comezarán o venres ás 21:00 horas cunha pancetada e a partir das 22:30 horas haberá verbena coas orquestras Fania Blanco Show e Grupo Beatriz.
O sábado ás 13:30 horas celebrarase misa e despois procesión e sesión vermú co grupo Fénix, que tamén actuará na verbena xunto á Discomóvil Conxuto.
E o domingo haberá misa solemne ás 13:30 horas e a continuación procesión e sesión vermú co grupo Toxo Guayaba.
En pleno xullo e a piques de comezar ás festas do Carme, o Concello de Foz e a comisión de festas O Noso Foz anunciaron a pregoeira das festas do San Lourenzo: a cómica, guionista e youtuber Carolina Iglesias Mosquera, máis coñecida en redes sociais como Percebes y Grelos.
A concelleira de Cultura, Inés López Couto, explica que “Carolina ten unha fonda relación con Foz, os seus avós formaron unha familia no pobo e en palabras da propia Carolina estarían moi contentos se soubesen que vou ser a pregoeira. Como curiosidade o pregón do San Lourenzo (8 de agosto) coincide co cumpreanos dela”.
Dende o Concello e a asociación O Noso Foz móstranse moi contentos. Inés López Couto comenta: “ao principio non sabíamos moi ben como contactar con ela, pero foi moi amable e só nos puxo facilidades”. Fátima Novo, a presidenta de...
leer más
Este sábado, día 13 de xullo, ás 22.30 horas na praza Rosalía de Castro (Campo da Cabana) poderá desfrutarse do festival Coa Nosa Fala. A delegación de Cultura do Concello de Foz organiza este festival que “leva anos propagando a cultura galega e en galego. Os grupos convidados deste ano son: Mallou, dúo que xorde polo amor dos seus integrantes ás músicas de raíz e Habelas Hainas, catro mulleres con ampla traxectoria na música tradicional”, anuncia a concelleira de Cultura, Inés López Couto.
Os concertos serán no palco habilitado polo Concello e que vai a estar na praza Rosalía de Castro todo o verán para acoller diversos actos. Este palco foi adquirido coa axuda da Deputación de Lugo, “para que Foz siga traballando na cultura, sobre todo local”.
A concelleira de Cultura espera que “veciñ@s e visitantes desfruten...
leer más
A parroquia de Santa Cilla, no concello de Foz, celebrará as súas festas na honra á Virxe do Carme esta fin de semana, desde o venres 12 ata o domingo 14 de xullo.
As actividades comezarán o venres ás 21 horas con churrascada e chourizada amenizada polo dúo Belinda e a orquestra madrileña La Misión.
O sábado haberá misa solemne ás 13 horas, seguida de procesión e sesión vermú a cargo do grupo Lume, que tamén actuará na verbena xunto ao grupo Montreal.
E o domingo celebrarase misa solemne ás 13 horas e a continuación haberá procesión e sesión vermú, co dúo Belinda, que tamén amenizará a sesión de tarde a partir das 19 horas. Ademais os nenos e nenas poderán gozar de inchables gratis.
A organización destaca que o recinto da festa estará cuberto con carpa e disporán...
leer más
A Aula Universitaria da UNED de Foz anuncia que a Universidade Nacional de Educación a Distancia (UNED) vén de presentar a nova campaña de apertura de matrícula para o próximo curso académico.
“Baixo o lema A Universidade que Une, esta iniciativa destaca a importancia da relación interxeracional, a sustentabilidade ambiental e o valor do coñecemento na nosa comunidade. A UNED de Lugo e as súas aulas énchese de orgullo ao ser un punto de encontro para estudantes de todas as idades, desde mozos recentemente graduados de secundaria, adultos que buscan continuar a súa formación, séniors que queren ampliar os seus coñecementos ou nenos e nenas gozando dos seus primeiros obradoiros educativos. A campaña A Universidade que Une subliña como a interacción entre distintas xeracións enriquece o proceso de aprendizaxe, fomentando un intercambio...
leer más
A concelleira de Xuventude en Foz, Zoraida Coira, deu a coñecer a programación das Noites que comeza o vindeiro martes, 9 de xullo, na Rapadoira con volei praia e rematará o 22 de agosto.
As mozas e mozos gozarán de volei e fútbol praia, fútbol sala, baloncesto e wipe out. O volei praia será do 9 ao 11 de xullo; o fútbol sala, do 22 ao 24 de xullo; o wipe out, do 6 ao 8 de agosto; o fútbol praia, do 13 ao 15 de agosto; e o baloncesto do 20 ao 22 de agosto.
As actividades desenvolveranse na Rapadoira e no Campo da Cabana desde as 22:00 horas.
O Concello de Foz destaca que “de 10 anos en adiante están convidados/as a participar das noites máis movidas do verán. Tan só deben inscribirse o primeiro día de cada actividade, antes de comezar”.
A cafetería do centro social de Foz, que foi adxudicada polo pleno da corporación municipal o 27 de xuño a Manuel Mostazo Moldes, abriu hoxe, sábado. Neste primeiro día de actividade recibiu a visita do alcalde, Fran Cajoto, e dos concelleiros Inés López, Ana Rojo, Ángel Fernández e Elena Martínez.
O alcalde de Foz, Fran Cajoto, lembrou os investimentos feitos para poder levar a cabo esta apertura: “a cafetería levaba varios anos pechada cando entramos a gobernar. No ano 2021 ampliamos por 54.500 euros a aula de seguridade viaria do peirao de Foz; deste xeito creamos unhas instalacións axeitadas para a Asociación de Discapacitados Virxe do Carme, independentes e con espazo ao aire libre, e liberamos a cafetería para a súa reforma. Unhas obras adxudicadas tamén no ano 2021 por 43.200 euros, que se completaron con 35.200 euros para a...
leer más
O vindeiro 13 de xullo terá lugar o primeiro Andareiro de Verán coa ruta “Paseo das Praias”, que percorrerá Foz e Fazouro. A saída está programada para as 9:00 horas diante do Concello focense.
Este evento está aberto a todos os interesados, sendo gratuíto para os federados e cun prezo de 5 euros para os non federados. Para participar é imprescindible anotarse ata o venres 12 de xullo. Pódese obter máis información e realizar a inscrición nos teléfonos 670369017 e 606718482, ou mediante o correo electrónico ossendeiros@yahoo.es.
Recoméndase aos participantes levar equipo de sendeirismo adecuado. A ruta ten unha dificultade baixa, facéndoa accesible para un amplo público.
Desde Os Sendeiros animan a participar: “non perdas a oportunidade de gozar...
leer más