Burela
Burela acollerá, na aula CEMIT, o obradoiro 'ConTICgo Migrantes', un taller de competencias TIC para a igualdade de trato de persoas migrantes no ámbito dixital. Será o martes 17 de decembro de 11:00 a 12:00 horas. Está dirixido a persoas de orixe estranxeira.
Fundación Cibervolunatarios é a entidade organizadora da actividade, co apoio do Ministerio de Dereitos Sociais, Consumo e Axenda 2030; do Ministerio de Inclusión, Seguridade Social e Migracións; e a colaboración do Concello de Burela.
O Concello de Burela explica que “este taller, dunha hora de duración, pon de manifesto as consecuencias da expansión do discurso do odio na internet, e buscar proporcionar ferramentas para identificalo, denuncialo e contribuír a frealo. Agradécese confirmación de asistencia en Información do Concello de Burela ou no número de...
leer más
O Concello de Burela convida á rapazada de 14 a 20 anos a esta actividade, que se desenvolverá os días 23 de decembro, 30 de decembro e o 3 de xaneiro.
Nesta ocasión terá lugar na Sala Multiusos da Casa da Cultura de 10:30 a 13:30, e non na biblioteca como noutras edicións.
As prazas son limitadas, polo que será necesario apuntarse na Biblioteca Pública Municipal de luns a venres entre as 9:00 e a 13:00 e entre as 17:00 e as 20:00 horas.
O auditorio da Casa da Cultura de Burela acollerá un festival coral de panxoliñas este sábado, día 14 de decembro, ás 19:00 horas.
Está organizado pola Coral Polifónica de Burela, que anuncia: “chegou unha das nosas citas favoritas do ano, o noso concerto de panxoliñas de Nadal. Nesta ocasión recibiremos ás corais polifónicas das Pontes e de Cariño, ás que por seguro nos farán disfrutar desta xornada. Ademais, e porque a ocasión ben o merece e sobre todo tendo en conta as datas que se aproximan, faremos un sorteo ao remate do concerto: un lote composto por un xamón, acompañado de queixo, aceite de oliva virxe extra, chourizo e salchichón; un Bo petisco para disfrutar nas festas. As rifas xa están á venta, a 2 euros a tira, aínda que tamén poderedes mercalas á entrada do concerto, no Auditorio da Casa da Cultura de Burela”.
A Biblioteca Pública Municipal de Burela convoca a fase local do Certame de Poesía Infantil Nadal 2024. Os traballos premiados participarán na fase provincial do concurso, organizada pola Biblioteca Pública de Lugo co apoio da Xunta de Galicia.
Haberá tres categorías: ata 8 anos; de 9 a 11 anos; e de 12 a 16 anos. Os poemas deberá estar en galego e ter a extensión máxima dun folio escrito por ordenador ou con bolígrafo. O prazo de entrega na biblioteca rematará o día 20 de decembro. Os datos identificadores irán nunha folla a parte e nunca no traballo presentado.
O xurado, composto por persoas expertas na materia, determinará unha persoa gañadora por categoría, que recibirá un diploma e un lote de libros, no mes de xaneiro de 2025. Os traballos premiados formarán parte dun libriño conmemorativo.
A Biblioteca Pública Municipal de Burela convida á cativada do municipio a participar na nova edición do seu Concurso de Postais Nadal 2024. O prazo para entregar os traballos na biblioteca, sen asinar e xunto a un sobre pechado cos datos da persoa participante, rematará este venres 13 de decembro ás 20:00 horas.
A postal deberá ter como tema O Nadal e ser realizada en cartolina cun tamaño aproximado de 15x21 centímetros pechada e 30x21 centímetros aberta. A técnica será libre. Poderán participar todos os nenos e nenas de Burela en idade escolar, e haberá catro categorías: Educación Infantil, 1º e 2º de Primaria, 3º e 4º de Primaria e mais 5º e 6º de Primaria.
Os traballos serán expostos ao público na Sala de Arte da Casa da Cultura dende o día 23 de decembro ata o 25 de xaneiro de 2025.
A Asociación Deportiva de Sendeirismo Pasada das Cabras, de Burela, organiza unha ruta pola Fonsagrada para este sábado, día 14 de decembro. É un percorrido de 11 quilómetros fácil e recoméndase levar bastón e calzado apropiado.
A saída será ás 8:00 horas da estación de autobuses de Burela e rematará a actividade “co clásico cocido, para recuperar forzas”.
O prezo para os socios do colectivo organizador é de 35 euros e as persoas non socias terán que pagar 45 euros. Inclúe autobús, comida e seguro.
As persoas interesadas en participar deben anotarse no grupo de whatsapp da asociación ou nos teléfonos 666.60.98.75 ou 676.02.31.77 antes deste xoves, 12 de decembro.
O xoves 12 de decembro terán lugar os actos de clausura do Centenario da Confraría de Pescadores San Juan Bautista, de Burela.
A organización do evento anuncia que os actos “comezarán ás 13:30 horas na Nave de Redes, para desfrutar dun ronqueo de atún, con sushiman incluído, convertendo o despiece manual nun verdadeiro espectáculo. Contaremos coa presenza do ministro de Agricultura e Pesca, Luis Planas Puchades, e da alcaldesa de Burela, Carmela López Moreno, entre outras autoridades. Trátase dun acto aberto e gratuíto para toda a poboación, xente do mar e toda a veciñanza, non tendo que confirmar asistencia”.
Hasta el día 5 de enero los niños y niñas que lo deseen podrán depositar sus cartas para Papá Noel y los Reyes Magos en el buzón que Correos ha instalado en la oficina postal de Burela.
Además de fomentar el espíritu navideño, esta iniciativa de Correos también pretende fomentar la práctica de la escritura entre los más pequeños de la casa. Por eso estas Navidades en las oficinas de Correos con buzón especial y a través de Correos Market también se podrán conseguir “packs mágicos”, que contienen cartas para escribir los deseos, sobres especiales y pegatinas con motivos navideños para decorarlas y que llamen la atención de sus ilustres destinatarios....
leer más
O Concello de Burela anuncia que acenderá as súas luces de Nadal o venres 6 de decembro na Praza do Concello “cunha gran celebración. A partir das 17:30 horas haberá pintacaras, animación infantil, chocolatada, música e panxoliñas”.
O acendido do alumeado de Nadal será ás 19:00 horas.
O día 7 de decembro, sábado, ás 19:30 horas no auditorio da Casa da Cultura de Burela celebrarase cun concerto audiovisual a historia da asociación cultural Dambara e da agrupación Santo Inocencio, de Burela. Será un concerto “con imaxes e momentos emotivos”, anuncia a organización do evento.
Os actos da xornada continuarán ás 21:30 horas cunha cea conmemorativa na carpa da praza e a actuación dun DJ a partir das 23:59 horas.