Alfoz
18/08/2016
O Freixo dos Lobos e o Concello de Alfoz organizan para o sábado día 20, a ruta da Pena Abaladoira.
A saída en bus desde o Castelo do Castrodouro será ás 9:00 horas cara O Pereiro desde onde comezará o ascenso a pé á Pena Abaladoira. O regreso está previsto para as 13:00 horas.
O prezo é de 5 euros para adultos e 3 euros para menores de 18 anos. As prazas son limitadas e a reservas poden facerse ata o venres 19, nos números de teléfono 982 558 578 ou 666 372 403.
No trazado do percorrido cunha lonxitude de 8 quilómetros e dificultade media, os participantes poderán gozar...
leer más 12/08/2016
Alfoz acolle este sábado, 13 de agosto, o I Maratón de pintura ao aire libre que comezará ás 10:00 horas e prolongarase ata as 18:00 horas.
Poderán participar todos os pintores que o desexen con independencia da súa nacionalidade, residencia e idade. Haberá unha categoría infantil ata 16 anos e outra senior. A temática será referida ao concello de Alfoz podendo reproducir calquera motivo, monumento ou paisaxe do termo municipal. A técnica e as medidas dos traballos serán libres e o material utilizado que terá que aportar o participante, poderá ser calquera tipo de soporte (lenzo, papel, cartón,…) con fondo branco.
Os participantes deberán inscribirse...
leer más 02/08/2016
O Grupo Humorístico Trípode organiza en Alfoz unha gala benéfica o vindeiro 13 de agosto, coa intención de recadar fondos para Cáritas, tal e como vén facendo nos últimos anos. Nesta ocasión estará acompañado no escenario por uns artistas moi especiais, posto que varios membros da mítica orquestra "Maseda" volverán a dar un concerto despois de moitos anos.
O Grupo Trípode estreará nesta ocasión unha nova obra teatral de autoría propia, na que actuarán nove actores baixo a denominación de "Trípode e amigos". A cita será o 13 de agosto ás 20:30 horas na Casa da Cultura de Alfoz.
27/07/2016
O venres, 29 de xullo, dará comezo a Festa dos Chóferes en Alfoz, que chega ao seu 50 aniversario. Ás 23:00 horas principiará a verbena amenizada polo grupo Nebraska e Disco-Móvil.
O sábado, 30 de xullo, ás 14:00 horas comezará a sesión vermú amenizada por Abanico. Pola tarde a partir das 18:00 horas actuará o cuarteto Non cho digo da Asociación Foles de Viveiro. Para as 23:00 horas está prevista a verbena amenizada polas orquestras Abanico e Acordes e ás 24:00 horas haberá fogos de artificio.
Xa o domingo, 31 de xullo, ás 11:00 horas terá lugar a procesión de vehículos polas parroquias do concello. Ás 13:00 horas celebrarase a misa e a bendición de...
leer más 26/07/2016
A Piscina Municipal de Alfoz acolle este verán cursos de natación dirixidos a nenos e adultos.
A duración dos cursos é de 1 mes e desenvólvense en horario de mañá de luns a xoves. Os luns e mércores para os adultos, e os martes e xoves para nen@s. Os horarios son ás 12:00 horas para iniciación, 12:45 horas para nivel medio e 13:30 horas no nivel avanzado tanto no caso dos adultos como dos nen@s.
A inscrición é de balde e pode facerse na propia Piscina Municipal de Alfoz.
12/07/2016
O Seminario de Estudos de Alfoz e do Valadouro organiza un concurso músico vocal para rapaces novos, menores de 20 anos, en homenaxe ao gran músico Arcadio Mon.
Os participantes deberán presentar unha canción ben interpretada ou cantada, neste último caso terán que acompañar a inscrición cunha gravación instrumental que serva de fondo á súa voz. As bases recollen que no se admitirán as inscricións de grupos só de solistas e as pezas musicais presentadas poderán ser propias ou doutro autor. Ademais as pezas cantadas presentadas a concurso deberán ir en galego podendo ser traducións doutras cancións compostas noutro idioma.
Entre todos os inscritos ao...
leer más 07/07/2016
O venres, 8 de xullo, terá lugar en Alfoz a presentación de XVIII edición do Mercado Medieval que se celebrará os días 15 e 16 de xullo.
Esta presentación irá acompañada da celebración dun desfile de traxes medievais. A colección destes traxes pertence á deseñadora Reme Espantoso.
O desfile comezará ás 21:00 horas e terá lugar no Castelo de Castro de Ouro. E, ademais da deseñadora, colaborarán no evento Peluquería Marité, Salón de Beleza Xanela, Óscar Novo Car, Ana Fabeiro Arte Floral, Twevento, Quorum Events, Eduardo Martínez Fotógrafo, así como membros da comisión organizadora do Mercado Medieval.
05/07/2016
O vindeiro domingo, 10 de xullo, terá lugar en Alfoz a III Ruta Cabalar.
Organizada pola Comparsa Os Fandangueiros de Alfoz dará comezo ás dez da mañá. A saída dos participantes será desde o pavillón municipal e terán uns pinchos a medio camiño e a comida está prevista para as 14:00 horas. Tamén haberá sorteos e agasallos para todos os participantes e unha discoteca móvil con Eventec.
O prezo para participar é de 20 euros e os interesad@s poden obter máis información nos teléfonos 646 242 813(Silvia), 627 735827(Nayara) e 676 931 051(Juanjo). Organiza a Comparsa Os Fandangueiros de Alfoz e colaboran o Concello...
leer más 26/06/2016
O vindeiro sábado, 2 de xullo, ás 19 horas terá lugar no Castelo a inauguración dunha nova exposición de pintura. Titúlase "48 Momentos", da man do artífice ourensán Miguel Ángel Martínez Coello, que xunto a outros artistas coñecidos da Mariña como Hipólito Xeada, Xosé Blanco e Pili Casabella, farán unha mostra conxunta para renderlle unha pequena homenaxe ao poeta falecido Manuel María, a quen se lle dedicou este ano o día das Letras Galegas. Así mesmo, tamén terá lugar a presentación do libro "Conversas con Manuel María" de X.M del Caño.
A exposición poderase visitar dende o 2 de xullo e o 13 de agosto.
19/06/2016
A Granda de San Pedro acollerá o San Xoán 2016 en Alfoz, que organiza a asociación cultural xuvenil O Castelo coa colaboración do Concello e a Área de Cultura da Deputación de Lugo.
Ás 21 horas dará comezo a cita festiva. Haberá cea popular con sardiñas, chourizos, panceta e pan, que será gratis para os socios e a prezos populares para os non socios.
No San Xoán 2016 non faltará a música, a cargo do cuarteto Xaramolo e terá lugar tamén a cuarta edición do Concurso de Caleiras.