Alfoz

En abril terán lugar as IV Olimpiadas Interparroquiais de Alfoz. A inscrición para participar está aberta.

Etiquetas:

13/03/2017

O vindeiro mes de abril celebraranse as VI Olimpíadas Interparroquiais de Alfoz que se levarán a cabo seguindo as seguintes datas, horarios e lugares de celebración:
- Probas Deportivas: Sábado 1 de abril, 18:00 horas no Pavillón Municipal de Alfoz.
- Probas Culturais: Sábado 8 de abril, 18:00 horas no Pavillón Municipal de Alfoz.
- Probas Artísticas: Sábado 15 de abril, 18:00 horas no Pavillón Municipal de Alfoz.
- Xogos Populares: Sábado 22 de abril, 18:00 horas no Pavillón Municipal de Alfoz.

Como cada ano existirán novidades respecto a edicións pasadas, que foron debatidas cos capitáns das distintas parroquias nunha reunión que se celebrou no día onte. Entre as novidades pódese destacar que na proba deportiva este ano haberá catro probas polo que se dará a posibilidade de participar a xogadores de distintas...

O 12 de marzo terá lugar en Alfoz a terceira ofrenda floral en homenaxe ás mulleres. Será no Castelo de Castro de Ouro.

Etiquetas:

Alfoz, Homenaxe, Mulleres

09/03/2017

Por terceiro ano consecutivo Veciños Independentes de Alfoz convoca unha ofrenda floral que se levará a cabo o vindeiro domingo, 12 de marzo, ás 12:30 horas nas inmediacións do Castelo de Castro de Ouro. No acto, Carmen Geada, representante de VIA no goberno municipal e Concelleira de Igualdade e Benestar en Alfoz, dirixirá unhas palabras coa intención de facer unha homenaxe a todas as mulleres en xeral e, sobre todo, a todas as mulleres de Alfoz, a aquelas que nos deixaron e que tanto traballaron por este concello, e ás que seguen a loitar polo futuro do seu pobo onde queren seguir vivindo. Para finalizar a homenaxe depositaranse doce caraveis brancos no cruceiro do Castelo de Castro de Ouro, brancos como símbolo da paz e doce por ser os meses do ano, pois debemos honrar ás nosas mulleres tódolos días.

Veciños Independentes de Alfoz...

Alfoz acollerá un concurso de disfraces o 27 de febreiro pola noite. Está organizado pola asociación cultural xuvenil O Castelo.

Etiquetas:

Alfoz, concurso, Disfraces

22/02/2017

A Asociación Cultural Xuvenil O Castelo de Alfoz organiza un concurso de disfraces que se celebrará o día 27 de febreiro. Dará comezo ás 21:30 horas e as inscricións poderán facerse a partir das 20:00 horas.

Os premios na categoría infantil, ata 12 anos, serán en individuais 50 euros para o primeiro, 40€ para o segundo e 20€ para o terceiro. En parellas o primeiro premio será de 60 euros, 50€ o segundo e 30€ o terceiro. En grupos o primeiro premio recibirá 90 euros, 60€ o segundo e 40€ o terceiro.

Na categoría de adultos, maiores de 12 anos, en Individuais o primeiro premio será de 80 euros, 60€ o segundo e 30€ o terceiro. En parellas o primeiro premio recibirá 100 euros, 70€ o segundo e 40€ o terceiro. En grupos o primeiro premio será de 150 euros, 100€ o segundo e 50€ o terceiro.

Na...

Do 18 de febreiro ao 18 de marzo terá lugar o V Festi-Val de Cine de Alfoz e O Valadouro, que presenta como novidade 4 documentais de temática local.

Etiquetas:

O Valadouro, Alfoz, Cine

15/02/2017

O 18 de febreiro comeza a quinta edición do Festi-Val de Cine de Alfoz e O Valadouro, que este ano presenta como novidade catro documentais sobre temas do Valadouro, impulsados desde o Seminario de Estudos do Valadouro e rodadas por Caloipe Producións. Durante esta edición estarán presentes varios dos directores das películas: Pablo Ces de “O eslabón perdido”, Simón Casal de “Lobos sucios” e Alberto Vázquez de “Psiconautas”. As proxeccións terán lugar na Casa da Cultura de Alfoz ás 19:00 horas.

O sábado 18 de febreiro proxectarase os documentais “O eslabón perdido” e “Proba artística das III Olimpiadas Interparroquiais de Alfoz 2016”.

O día 4 de marzo exhibirase a película “Sicixia” e o documental “Antigas tabernas de Ferreira do Valadouro”. O Festival continuará o día 11 de marzo coa película de animación para...

Festas en Alfoz. Os días 21 e 22 de xaneiro celébranse na parroquia de Lagoa na honra de San Vicente e o 21 en Carballido en honor a San Sebastián.

Etiquetas:

Festas, Parroquias, Alfoz

17/01/2017

Festas en Alfoz. Os días 21 e 22 de xaneiro celébranse na parroquia de Lagoa na honra de San Vicente e o 21 en Carballido en honor a San Sebastián.

Os días 21 e 22 de xaneiro teñen lugar en Lagoa, no concello de Alfoz, as festas na honra a San Vicente.

O sábado 21 celébrase a Festa dos Callos, a partir das 21:00 horas, e instalaranse mesas con bancos para degustalos. Despois haberá verbena coa actuación da orquestra Capitol, e ao remate da festa unha queimada gratis para os asistentes.

O domingo 22, ás 13:00 horas terá lugar a misa solemne e procesión, e de seguido actuará o Trío Kalima. Instalarase un recinto cuberto con calefacción e haberá inchable gratuíto para os nenos.

E por outra banda, a parroquia de Carballido, tamén en Alfoz, celebra festas en honor a San Sebastián o día 21 de xaneiro.

Na Casa da Cultura de Alfoz pódese visitar a exposición "Cartas de Amor" ata o 25 de xaneiro. Alude á violencia de xénero. Está organizada pola Concellería de Igualdade e Benestar.

Etiquetas:

Debuxo, Alfoz, exposición

16/01/2017

Na Casa da Cultura de Alfoz pódese visitar a exposición "Cartas de Amor" ata o 25 de xaneiro. Alude á violencia de xénero. Está organizada pola Concellería de Igualdade e Benestar.

Ata o 25 de xaneiro pode visitarse na Casa da Cultura de Alfoz a exposición "Cartas de Amor" sobre a violencia de xénero. En horario de luns a venres de 16 a 20.30 e polas mañás en horario da cafetería, excepto os xoves.

Con esta exposición “preténdese establecer un paralelismo entre o mundo romántico das primeiras relacións de parella, e a crueldade que, ás veces, vai asociada a elas”, explican desde a Concellería de Igualdade e Benestar.

E engaden que “para iso propúxoselles a debuxantes que plasmasen nunha imaxe situacións ou momentos que considerasen como violentos entre adolescentes, co obxectivo de por de manifesto a necesidade de mudar esas actitudes por outras nas que prime o respecto á parella. Deste xeito, amósanse traballos...

No Castelo de Alfoz pódese visitar ata finais de xaneiro a exposición "Colección de Xoguetes". A mostra está composta por 40 pezas.

Etiquetas:

Alfoz, Xoguetes, exposición

26/12/2016

No Castelo de Alfoz pódese visitar ata finais de xaneiro a exposición "Colección de Xoguetes". A mostra está composta por 40 pezas.

O Castelo de Alfoz acolle ata finais de xaneiro a exposición Colección de Xoguetes. A mostra, que se pode visitar na planta baixa do Castelo, recolle varias pezas que abranguen tipoloxías de xoguetes tan dispares como medios de transporte, instrumentos musicais ou aparellos de cine. É unha fermosísima colección doada polo químico de raíces chairegas José Luis Basanta Campos ao Museo Provincial de Lugo.

As 40 pezas que compoñen esta colección, permiten achegarnos aos medios de xogo de hai décadas, entre os que se atopan xogos de mesa ou tradicionais e xoguetes ópticos. Entre os aparellos de cine pódense ver un zoótropo ou un Ombro Cinema, ademais de xogos de construcción e de taboleiro.

...

Do 24 de decembro ao 8 de xaneiro poderase visitar en Alfoz o Castelo de Castrodouro, que xa loce a súa estrela de Nadal, unha das máis grandes de Galicia.

Etiquetas:

Visita, Alfoz, Castelo

12/12/2016

Do 24 de decembro ao 8 de xaneiro poderase visitar en Alfoz o Castelo de Castrodouro, que xa loce a súa estrela de Nadal, unha das máis grandes de Galicia.

O horario para poder visitar o Castelo de Castrodouro durante o Nadal, dende o 24 de decembro ata o 8 de xaneiro, é de luns a venres de 15:00 a 19:00 horas. Os festivos e fin de semana de 11:00 a 14:00 horas, e de 16:00 a 19:00 horas. Os días de Nadal e Ano Novo permanecerá pechado.

O horario de visita o resto do ano é en festivos e fins de semana de 11:00 a 14:00 horas, e de 16:00 a 19:00 horas. Para previa cita chamar ao teléfono 982 558 001.

Por outra banda, este ano en que se conmemora o 25 aniversario da colocación por...

O Concello de Alfoz convoca un concurso de decoración de Nadal. O prazo para participar e votar está aberto e concluirá o 31 de decembro.

Etiquetas:

Alfoz, concurso, Nadal

09/12/2016

O Concello de Alfoz convoca un concurso de decoración de Nadal. O prazo para participar e votar está aberto e concluirá o 31 de decembro.

O Concello de Alfoz convoca o concurso A túa decoración de Nadal para coñecer as ideas en decoración navideña máis orixinais en calquera recuncho dos fogares.

O concurso consiste en fotografar decoracións de Nadal propias na árbore, no belén, na cheminea, etc…, e compartilas na páxina Cultura & Turismo ALFOZ. Cada participante poderá presentar un máximo de dúas fotografías e o traballo debe levar título e o nome do autor. A temática terá que ter algún motivo relacionado coa contorna ou paisaxe de Alfoz (Castelo, zoca, cabozo…).

O prazo para participar e votar as fotografías está aberto e finalizará o sábado 31 de decembro ás 00:00 horas. A medida que cada participante comparta a súa fotografía, a páxina Cultura & Turismo ALFOZ...

O obradoiro "O móbil e o banco de recordos" chega a Alfoz o 7 de decembro. Está organizado pola Tic da Deputación de Lugo e conta coa colaboración do Concello.

Etiquetas:

Recordos, Obradoiro, Alfoz

05/12/2016

O obradoiro "O móbil e o banco de recordos" chega a Alfoz o 7 de decembro. Está organizado pola Tic da Deputación de Lugo e conta coa colaboración do Concello.

O 7 de decembro terá lugar no Centro Sociocultural de Alfoz, o obradoiro O móbil e o banco de recordos.

Dedicado a persoas maiores de 55 anos, pretende recopilar os seus recordos a través de imaxes. Os participantes deberán aportar unha ou máis fotos antigas que serán dixitalizadas e comentadas para fomentar a sociabilidade e interactividade. Os asistentes farán ese traballo de dixitalización co seu propio móbil e con esas fotografías realizarase un álbum. O obxectivo é que esa memoria dos nosos maiores perdure na rede.

Este obradoiro que dará comezo ás 10:30 horas, está organizado pola TIC da Deputación de Lugo e conta coa colaboración do Concello de Alfoz.