Alfoz
24/10/2016
Na Escola Vella de Adelán en Alfoz levaranse a cabo clases de gaita e percusión tradicional (tambor, bombo e pandeireta).
Estas clases están dirixidas a nenos/as e adultos e impartiranse todos os venres a partir das 19:00 horas.
A matrícula está aberta e as persoas interesadas poden recabar máis información ou facer a súa inscrición no número de teléfono 699 39 66 64.
21/10/2016
O sábado, 22 de outubro, haberá unha demostración de talla de madeira en Alfoz. Será no pavillón municipal a partir das 20:00 horas.
Rematada a demostración haberá un magosto para os asistentes e ás 21:00 terá lugar unha pancetada e chourizada de balde para socios e a prezos populares para non socios.
Estas actividades están organizadas pola asociación cultural xuvenil O Castelo e colaboran o Concello de Alfoz e a Deputación de Lugo.
17/10/2016
Con motivo da celebración do día Internacional da Muller Rural, presentouse en Alfoz a charla-café “Comunidade e Muller na Galiza Rural” que terá lugar o vindeiro 28 de outubro ás 20 horas no Castelo de Castrodouro de Alfoz, organizado polo Observatorio da Mariña pola Igualdade coa colaboración do Concello de Alfoz.
A charla será conducida por Alba Díaz Geada, doutora en Historia Contemporánea pola Universidade de Santiago de Compostela. Alba Díaz Geada, con vínculos familiares no concello de Alfoz, ten feito estudos de investigación sobre o sindicalismo labrego galego e as mudanzas económicas, sociais e culturais no rural galego durante o franquismo e o proceso de cambio de réxime político. Grazas a un contrato posdoutoral puido seguir a afondar nestas...
leer más 13/10/2016
O cantautor galego Manolo Couto ofrecerá un concerto o sábado, 15 de outubro, na Casa da Cultura do Concello de Alfoz.
Será a presentación do seu cuarto disco cun repertorio que inclúe pasodobles, rumbas e boleros.
Baixo o título de Tu música de siempre Manolo Couto tamén interpretará temas propios.
O concerto dará comezo ás 19:00 horas e a entrada é de balde.
30/08/2016
O Seminario de Estudos do Valadouro organiza o I Festival Músico Vocal Arcadio Mon os vindeiros días 16 (Alfoz) e 17 (Valadouro). Nel tocarán moitos músicos antigos compañeiros de Arcadio nas diversas orquestras, ademais da Banda de Foz. Igualmente haberá un concurso para novos músicos ata 20 anos.
Desde a organización sinalan que "en anteriores comunicados dixemos que a inscrición no Festival tiña como límite o 31 de agosto. Agora este prazo amplíase ata o 14 de setembro. Os rapaces de 20 anos ou menos interesados en participar poden inscribirse en peinoster@gmail.com".
26/08/2016
Este sábado, 27 de agosto, ás 20 horas celébrase nas dependecias do Castelo de Castrodouro en Alfoz unha nova edición de Teatro no Castelo, que cumpre desta volta a súa terceira edición.
A interpretación será levada a cabo polo Clube Teatral Elsinor da Coruña repetirá por segundo ano consecutivo, despois da interpretación de "Medea" e "A técnica do Taratantaleo" o verán pasado. Nesta ocasión serán os encargados de presentarnos a obra "Xente de pálida pel", con actores tan coñecidos como Manuel Lourenzo, Cristina Fuentes, Xosé Martínez, Carme Martínez e Xulia Miguel. Polo escenario, a ras de público e sen telón, desfilarán persoas e imaxes do mundo máxico de Álbaro Cunqueiro, baixo a dirección de Manuel Lourenzo.
... leer más 18/08/2016
O Freixo dos Lobos e o Concello de Alfoz organizan para o sábado día 20, a ruta da Pena Abaladoira.
A saída en bus desde o Castelo do Castrodouro será ás 9:00 horas cara O Pereiro desde onde comezará o ascenso a pé á Pena Abaladoira. O regreso está previsto para as 13:00 horas.
O prezo é de 5 euros para adultos e 3 euros para menores de 18 anos. As prazas son limitadas e a reservas poden facerse ata o venres 19, nos números de teléfono 982 558 578 ou 666 372 403.
No trazado do percorrido cunha lonxitude de 8 quilómetros e dificultade media, os participantes poderán gozar...
leer más 12/08/2016
Alfoz acolle este sábado, 13 de agosto, o I Maratón de pintura ao aire libre que comezará ás 10:00 horas e prolongarase ata as 18:00 horas.
Poderán participar todos os pintores que o desexen con independencia da súa nacionalidade, residencia e idade. Haberá unha categoría infantil ata 16 anos e outra senior. A temática será referida ao concello de Alfoz podendo reproducir calquera motivo, monumento ou paisaxe do termo municipal. A técnica e as medidas dos traballos serán libres e o material utilizado que terá que aportar o participante, poderá ser calquera tipo de soporte (lenzo, papel, cartón,…) con fondo branco.
Os participantes deberán inscribirse...
leer más 02/08/2016
O Grupo Humorístico Trípode organiza en Alfoz unha gala benéfica o vindeiro 13 de agosto, coa intención de recadar fondos para Cáritas, tal e como vén facendo nos últimos anos. Nesta ocasión estará acompañado no escenario por uns artistas moi especiais, posto que varios membros da mítica orquestra "Maseda" volverán a dar un concerto despois de moitos anos.
O Grupo Trípode estreará nesta ocasión unha nova obra teatral de autoría propia, na que actuarán nove actores baixo a denominación de "Trípode e amigos". A cita será o 13 de agosto ás 20:30 horas na Casa da Cultura de Alfoz.
27/07/2016
O venres, 29 de xullo, dará comezo a Festa dos Chóferes en Alfoz, que chega ao seu 50 aniversario. Ás 23:00 horas principiará a verbena amenizada polo grupo Nebraska e Disco-Móvil.
O sábado, 30 de xullo, ás 14:00 horas comezará a sesión vermú amenizada por Abanico. Pola tarde a partir das 18:00 horas actuará o cuarteto Non cho digo da Asociación Foles de Viveiro. Para as 23:00 horas está prevista a verbena amenizada polas orquestras Abanico e Acordes e ás 24:00 horas haberá fogos de artificio.
Xa o domingo, 31 de xullo, ás 11:00 horas terá lugar a procesión de vehículos polas parroquias do concello. Ás 13:00 horas celebrarase a misa e a bendición de...
leer más