Exposiciones
A Concellería de Medio Ambiente de Foz continúa no ano 2020 promocionando o medio natural. Segundo explican desde ese departamento “co gallo do día dos humedais o vindeiro 2 de febreiro e sendo o noso Concello parte da Rede Natura 2000, cremos de interese para toda a veciñanza e visitantes esta exposición. A natureza galega é un mosaico de paisaxes de costa e montaña, densas fragas e chairas extensas, rías onde conflúen os ríos e o mar, queirugais, matos e lagoas. Acóllese así unha importante diversidade de especies animais e vexetais”.
A exposición “Galicia conservando a natureza” presenta ao gran público a diversidade e singularidade dos espazos naturais protexidos, permite concienciar á poboación sobre a importancia da conservación do medio natural e o seu propio papel na preservación da natureza e das súas especies.
... leer más
O alcalde de Foz, Fran Cajoto, e a directora provincial da UNED, Ana Belén Traseira, visitaron esta mañá a exposición sobre áreas mariñas protexidas que está aberta ao público no Cenima ata o día 26 de este mes. Ao acto asistiron tamén o concelleiro de Cultura e Educación focense, Héctor Moris, e a coordinadora da Aula Universitaria de Foz, Fuensanta Otero.
O rexedor municipal focense agradeceu á UNED “que trouxera esta exposición. A colaboración co Concello é moi próxima sempre pois aparte da oferta universitaria sempre organiza cursos e agora, dentro da Axenda 2030 e dese desenvolvemento sostible que debemos ter, esta mostra das áreas mariñas protexidas. Que mellor sitio que o Cenima, aquí en Foz, que abarca non só este concello senón a toda A Mariña”.
Fran Cajoto engadiu: “estamos vendo o mar e a ría de Foz,...
leer más
Dada a gran acollida que tivo a mostra "Basuraleza" de Emilio Pascual Méndez, o Concello de Cervo amplía a súa estadía na sala de exposicións da Casa da Cultura ata o 31 deste mes de xaneiro, en horario de 9:00 a 14:00 horas e de 17:00 a 20:00 horas.
"Basuraleza" está conformada por 15 pezas elaboradas con restos que o autor atopou e recolleu en contornas naturais, reconverténdoos en obras pictóricas, para concienciar sobre a importancia de Reducir, Reutilizar e Reciclar, e sobre todo de ser máis respectuosos co medio.
Dende hoxe e ata principios do mes de febreiro pode visitarse na basílica de San Martiño de Mondoñedo (Foz) a exposición conmemorativa dos 800 anos do comezo do pontificado do Bispo Don Martín I (1219-1248) na catedral de Mondoñedo, mostra que de modo itinerante estase a expoñer na diocese mindoniense. Tralo seu paso pola propia catedral de Mondoñedo, Ferrol e Bretoña, achegase ó lugar que veu o nacemento da sede, alá polo ano 867 e na que estivo o primeiro terzo do século XII. Para inaugurar esta exposición a basílica recibiu este mediodía a visita do alcalde de Foz, Francisco Cajoto, e dos concelleiros de Turismo e de Cultura, José María Linares e Héctor Moris.
Francisco Cajoto destaca “a importancia de San Martiño de Mondoñedo dentro desta exposición, xa que é o primeiro asentamento da diocese a súa orixe, onde bispos da relevancia de...
leer más
Hasta el día 7 de enero podrá visitarse, en la Sala de Exposiciones Biblioteca Municipal (antiguo Concello), el belén organizado por Bágoas da Terra.
Este nacimiento se compone de figuras de cerámica ataviadas con trajes gallegos que fueron encargados especialmente por la asociación. Las maquetas, todas ellas con movimiento, son del artesano Hortensio Gómez Álvarez.
El horario de visitas es de 12:00 a 13:30, por las mañanas, y de 17:30 a 20:00 horas por las tardes.
Ata o 5 de xaneiro pódese visitar na Casa da Cultura, de San Ciprián, a mostra "Basuraleza", de Emilio Pascual Méndez.
A exposición está conformada por 15 pezas elaboradas con restos que o autor atopou e recolleu en contornas naturais, reconverténdoos en obras pictóricas, para concienciar sobre a importancia de Reducir, Reutilizar e Reciclar, e sobre todo de ser máis respectuosos co medio.
A mostra está aberta de luns a venres en horario de 9 a 14:30 horas e de 16 a 20 horas.
A Rede Museística Provincial inaugurou o ciclo “Culturas en diálogo - Somos migrantes, abrimos camiños”, un programa de actividades que reflexiona sobre a pegada económica, social e cultural dos movementos migratorios a través de exposicións, relatorios, proxeccións e obradoiros que se desenvolverán ata o vindeiro 12 de xaneiro nos catro museos provinciais e noutros espazos culturais.
O Museo Provincial de Lugo abriu o programa coa inauguración da mostra fotográfica “Diálogo Azul” e a proxección das pezas documentais “Microhistorias de ida e volta” cos testemuños de mulleres que viviron en primeira persoa experiencias migratorias, recollidas pola Asociación de Rioplatenses en Lugo.
No marco deste ciclo cultural, coincidindo co Día Mundial das Migracións -18 de decembro-, abriuse nas antigas escolas habaneras de...
leer más
Na Oficina de Turismo, en Ribadeo, pódese visitar de martes a sábado ata o 7 de xaneiro a exposición de Nadal realizada polos participantes no programa Aquí?...Coma de 20!!!. Será en horario de 10 a 14 horas e de 16 a 19 horas.
O belén, que é a novidade deste ano, foi feito por Edita de Santalla e a árbore, de 2018, polos asistentes ao devandito programa. Desde Aquí?... Coma de 20!!! animan á veciñanza "a facer algunha personaxe para o belén, si lles apetece, xa que nos fan falla Reis Magos".
A exposición de postais de Nadal realizadas por escolares de Burela estará aberta na Casa da Cultura de Burela do 20 de decembro ata o 15 de xaneiro.
Na mostra expóñense os traballos presentados ao concurso, convocado polo Concello, no que participaron nenos e nenas en idade escolar. O tema foi O Nadal, con técnica libre, e o tamaño aproximado das postais é de 15x21 cms pechada e 30x21 cms aberta. As categorías son: Educación Infantil, 1º e 2º de Primaria, 3º e 4º de Primaria e 5º e 6º de Primaria. Foron presentadas un total de 150 postais.
Os traballos estarán expostos na Sala de Arte da Casa da Cultura de Burela, sita no primeiro andar, desde este venres, 20 de decembro, ata o 15 de xaneiro de 2020. O horario de visitas será de luns a venres de 10:00 a 13:00 horas e de 17:00 a 20:00 horas.
O Belén Xigante de Xove acaba de abrir as súas portas a todo o público. Está instalado, coma nos últimos anos, no parque municipal que está situado fronte ao Concello.
Vai estar aberto ata pasado o Nadal, e durante as 24 horas do día, co cal as posibilidades de poder velo son infinitas.
Dende o Concello “invitamos a todos os nosos veciños e veciñas e visitantes a que disfruten do Nadal e do Belén Xigante de Xove.