Celeiro de Mariñaos

O Grupo Humorístico Trípode representa a obra “A presa” en Celeiro de Mariñaos (Barreiros) o 18 de xaneiro

Etiquetas:

07/01/2025

O Grupo Humorístico Trípode representará a súa obra titulada A presa en Celeiro de Mariñaos, parroquia do concello de Barreiros, o día 18 de xaneiro, sábado.

Trípode Teatro anuncia: “convidados pola Asociación de Veciños de Celeiro de Mariñaos, visitaremos esta fermosa parroquia o vindeiro sábado 18 do presente mes de xaneiro para representar a nosa última obra, A presa. Será polas 20:00 horas no antiga escola da parroquia. Alí estaremos unha vez máis Melisa e Pitágoras, Pepita e Formigón, Amancio e Balbina, Greta e Bonifacio e a francesa Françoise, xunto coa nosa técnica de son Rocío. Pasaremos unha fermosa tarde de teatro en compañía de amigos. Unha boa maneira de pasalo ben xuntos. Grazas á Asociación de Veciños de Celeiro de Mariñaos por convidarnos”.

Celeiro de Mariñaos celebra os días 19 e 20 de agosto a Romería de San Caetano. O sábado terá lugar a XXI edición da Festa da Tortilla.

Etiquetas:

Romería, Celeiro de Mariñaos, Tortilla

18/08/2016

Celeiro de Mariñaos celebra os días 19 e 20 de agosto a Romería de San Caetano. O sábado terá lugar a XXI edición da Festa da Tortilla.

Un ano mais, a parroquia barrreirense de Celeiro de Mariñaos celebra a Romería de San Caetano. Será os vindeiros 19 e 20 de agosto a carón da capela homónima. O venres 19 a partir das 9 da noite poderanse degustar torrezmos e chourizos e disfrutar da música tradicional de CANTOS DE TABERNA, de Mondoñedo e do grupo de gaitas OS LAMBÓNS, e a partir das 11 e media actuará o grupo VERSIONS BAND, con temas dos 80 e dos 90.

O sábado 20 á 1 da tarde terá lugar a misa e a procesión en honra a San Caetano e seguidamente Sesión Vermútortilla, concurso de tortillas e degustación da Gran Tortilla de San Caetano. Ameniza a charanga VA K PINTA que actuará durante toda a tarde tamén.

Pola tarde haberá xogos...

Celeiro de Mariñaos acolle este sábado, 19 de setembro, o IV Festival Ao Son do Masma para reivindicar a limpeza do río.

Etiquetas:

Barreiros, Celeiro de Mariñaos, Festival

15/09/2015

Celeiro de Mariñaos acolle este sábado, 19 de setembro, o IV Festival Ao Son do Masma para reivindicar a limpeza do río.

As beiras do río Masma, en Celeiro de Mariñaos (Barreiros) acollerán este sábado a IV edición do Festival 'Ao Son do Masma' para reivindicar a limpeza, rexeneración e posta en valor deste río declarado Lugar de Interese Comunitario e incluído na Rede Natura pero sumido nos últimos anos nun considerable estado de abandono por parte das administracións con competencias.

O Festival, que está organizado polo Colectivo Cultural Ollomao de Barreiros coa colaboración da Irmandade San Caetano, a asociación de veciños de Celeiro de Mariñaos, incluirá actividades durante todo o día, que rematarán xa pola noite cun festival de música galega cos grupos Os Milesios, Ataque Escampe e Tardepiache.