Eventos
13/05/2015
Este sabado, 16 de maio, pola mañá, a Escola de Xadrez da ACD.XOVE organiza o IIº Torneo de Xadrez, para a categoría Pre-Bemxamin. (nenos-as do 2007-2008).
O Torneo celebrarase na Sala Multideportiva do Concello de Xove en horario de 10:00 a 12:00 horas. Participaran nenos de todalas Escolas de Xadrez da Mariña. Ao finalhaberá medallas e trofeos para os mellores xadrecistas de cada idade.
Organiza e Patrocina: ACD.XOVE. Colabora: Concello de Xove.
12/05/2015
A biblioteca pública municipal de Lourenzá acollerá este venres, día 15, ás 18:30 horas o espectáculo Cóntoche un traxe, a cargo de Montserrat Rivera, para conmemorar o Día das Letras Galegas.
A concelleira de Cultura, Lupe Flórez Seivane, anunciou que “dende o Concello de Lourenzá vimos de presentar a actividade para conmemorar o Día das Letras Galegas nesta edición de 2015. Vai ser este venres, 15 de maio, ás seis e media da tarde na biblioteca pública municipal Juana de Ibarbourou. É unha actividade para tódolos públicos, con acceso libre e trátase do espectáculo Cóntoche un traxe, que correrá a cargo de Monsterrat Rivera, unha das integrantes do grupo Leilía. Esta actividade chega ao noso concello a través do circuíto Ler conta moito, da Rede de Bibliotecas de Galicia...
leer más 11/05/2015
A Asociación Cultural O Castelo de Alfoz está preparando un acto moi especial para celebrar a Festa das Letras Galegas, o vindeiro 17 de maio, que constará de diferentes partes. Para empezar, vén de recuperar o concurso literario "Trulasqui", que organizou hai algúns anos e que se perdera nos últimos. Neste concurso participan rapaces de Primaria e de Secundaria. O acto cultural do día 17 terá lugar na Casa da Cultura de Alfoz e comezará ás 18,30 horas e nel incluiranse as seguintes cousas.
1. Conferencia sobre a vida do escritor galego homenaxeado este ano, Filgueira Valverde. Esta conferencia correrá a cargo do profesor e escritor alfocense Lionel Rexes.
08/05/2015
O Concello organiza unha peregrinación por etapas a Santiago de Compostela, a través do Camiño Norte. A primeira etapa terá lugar mañá, 9 de maio, e discorrerá entre Sn Xusto e Mondoñedo.
Segundo explica o concelleiro José Manuel Gómez Puente “faremos esta peregrinación a Compostela en nove etapas duns 20 quilómetros cada unha. Será os sábados. Desprazarémonos en autocar ata o punto de saída da etapa, camiñaremos e volveremos coller o autobús para retornar a Barreiros”.
As persoas interesadas en participar na peregrinación pagarán 50 euros e recibirán coma agasallo unha camiseta, unha sudadeira e unha gorra.
07/05/2015
A conselleira do Medio Rural e do Mar, Rosa Quintana, será a encargada de inaugurar a XVI Feira Monográfica Náutico Pesqueira Expomar, que se celebrará na nave de redes do 14 ao 17 de de maio. O evento foi presentado este mediodía en Burela polo sector pesqueiro e polo alcalde e presidente da Fundación Expomar, José Mª González Barcia.
O rexedor contou que “acabamos de presentar no barco museo Reina del Carmen a 16ª da feira monográfica náutico pesqueira Expomar, que se vai celebrar en Burela, en concreto na nave de redes, desde o día 14, xoves, deste mes de maio ata o 17, domingo”.
González Barcia indicou que “a feira está previsto que sexa inaugurada pola conselleira do Medio Rural e do Mar da Xunta de Galicia, Rosa Quintana...
leer más 07/05/2015
Ribadeo celebra os Maios este domingo, 10 de maio, ás 17.00 horas no parque San Francisco.
"Este ano contamos co alumnado do curso de Monitores de Ocio e Tempo libre nas actividades de animación. Coma sempre, para adornar o Maio, podes traer flores, ovos baleiros, fiúncho e un sombreiro de palla para ti", explican desde a organización.
06/05/2015
O vindeiro domingo, 10 de maio, terá lugar unha sesión didáctica de anelamento científico e identificación das diferentes especies de aves que habitan a rasa costeira de Rinlo, en pleno ZEC As Catedrais.
O Concello propón “un día inesquecible para pequen@s e maiores”. Esta aventura con ás denominada O anelamento e a extraordinaria migración das aves, será impartida por Erebia.
Todas as persoas, adultas e nen@s, que queiran participar nesta actividade deben inscribirse no seguinte número de teléfono: 982 128 689 ou no correo: turismo@ribadeo.org
O punto de encontro para o inicio da actividade será o porto de Rinlo. Alí...
leer más 29/04/2015
En Santiago tivo lugar a presentación da XVI feira monográfica náutico pesqueira Expomar, que se celebrará do 14 ao 17 de maio na nave de redes. O alcalde e presidente da Fundación Expomar, José Mª González Barcia, subliñou que por primeira vez se superan os 100 expositores e as 300 firmas comerciais presentes no evento. Na súa comparecencia avogou por manter a actividade das empresas pesqueiras para manter o emprego e subliñou a importancia que ten o mar para Burela.
O rexedor contou que “hoxe presentamos en Santiago de Compostela a décimo sexta edición da feira monográfica náutico pesqueira Expomar correspondente ao presente ano 2015. E fixémolo acompañados, unha vez máis, pola conselleira do Medio Rural e do Mar, Rosa Quintana Carballo. A feira este ano ten algunhas...
leer más 29/04/2015
A Festa do Maio organizada polo Concello de Lourenzá para este venres, día 1, contará nesta ocasión cun espectáculo infantil de maxia, xogos e teatro, que terá lugar na praza do Conde Santo despois do tradicional desfile.
A concelleira de Cultura, Lupe Flórez Seivane, explicou que “o Maio, como é tradicional cada ano, desfilará polas principais rúas da vila na tarde do 1 de maio, que neste caso é o vindeiro venres. Sairemos do mercado gandeiro arredor das 4 e media da tarde e todo o percorrido irá acompañado polos alumnos da Escola Municipal de Música e Danza Osorio Gutiérrez. Finalmente temos prevista unha actuación na praza do Conde Santo, da compañía A Illa dos Nenos, que presentará o espectáculo Ledicias: unha combinación de maxia, xogos e teatro para os máis pequenos...
leer más 28/04/2015
A segunda parte da iniciativa Cinema no Cenima de Foz empeza este xoves, día 30, e continuará o 14 de maio e o 18 de xuño.
O concelleiro de Cultura focense, Ánxel Paleo Soto, explicou que “no Concello de Foz seguimos este trimestre co Cinema no Cenima, coa proxección de tres novas películas: a primeira será este xoves, 30 de abril, e titúlase 10.000 quilómetros, un filme que foi un dos máis votados cando se puxo a lista de películas na páxina web do Concello e é un drama que conta a historia dunha parella que fai plans para ter un fillo pero por cuestións dunha beca vense separados, un en Barcelona e o outro en Estados Unidos, e manteñen unha relación á distancia de 10.000 quilómetros durante un ano; este filme obtivo varios premios nacionais e internacionais e foi un dos...
leer más