Deportes
Hai uns días deu comezo a actividade de Surf dentro das nosas Escolas Deportivas Municipais. Esta actividade será impartida por monitores de La academia del surf, empresa barreirense que desenvolve a súa actividade na praia de Coto.
Desde a organización sinalan: “se tedes ganas de que a vosa rapazada se suba á onda do surf e goce do mar aínda estades a tempo. Podedes inscribilos nesta actividade acudindo ao Concello e cubrindo a ficha de inscrición alí mesmo. Esta actividade prolongarase durante os meses de abril, maio e xuño con: 1 hora á semana (30€/mes) ou 2 horas á semana (45€/mes), a escoller no momento da inscrición”.
Para máis información as persoas interesadas poden consultar as bases na web municipal, no apartado de deportes ou directamente a través desta ligazón. Tamén nas oficinas municipais dan máis...
leer más
O club focego Os Correcamiños 4x4 organiza o campionato de supercross Memorial José María Michelena que se disputará en Alfoz o 14 de abril, domingo.
Esta proba será válida para o Trofeo Galego de Supercross e para o campionato asturiano deste deporte.
O prezo da entrada é de 5 euros, pero os nenos e nenas poderán acceder gratis.
A Asociación Deportiva de Sendeirismo Pasada das Cabras, de Burela, fará a ruta de Poncebos a Bulnes, en Asturias, o sábado 13 de abril. O prezo é de 25 euros para os socios do colectivo organizador e de 35 euros para os que non o son. Inclúe autobús e seguro. Para a comida pódese levar bocadillo para comer durante o camiño, pero tamén hai restaurantes na zona. A saída será ás 07:00 horas desde a estación de autobuses de Burela.
É unha ruta de dificultade moderada, con 9 quilómetros de percorrido. A organización recomenda levar bastón e calzado apropiado.
A organización explica que “este roteiro levaranos, nun curto pero intenso paseo, dende Poncebos ao típico pobo de Bulnes, en pleno corazón dos Picos de Europa, a través da Canal do Texo, un impresionante desfiladeiro formado por un antigo glaciar que partía da...
leer más
A Xunta de Galicia apoia a segunda edición do Campus mixto Futbolinlugo Burela Bonita, que se celebrará entre os días 15 e 19 de xullo no campo da Marosa da citada localidade.
Trátase dunha iniciativa impulsada por Futbolinlugo, medio dixital especializado no fútbol lucense; está dirixida a nenos e nenas de entre 5 e 16 anos e contará con algúns dos mellores adestradores de Galicia e Asturias.
O campus desenvolverase en horario de mañá -de 09:30 a 14:00 horas-. Traballaranse aspectos técnicos e tácticos en grupos reducidos, e incluirá actividades na praia, torneos, xogos tecnolóxicos e diversas atraccións e propostas lúdicas.
O Concello de Cervo, en colaboración coa Federación Galega de Kárate, acollerá o XV Campionato Galego de Nihon Tai-jitsu e o II Interautonómico desta disciplina, o vindeiro sábado, 6 de abril.
A rexedora, Dolores García Caramés, e a tenente de alcaldesa, Mali Méndez, presentaron o evento acompañados do director do departamento de Taijitsu da Federación Galega de Kárate, Miguel Ángel Rojo, veciño tamén do municipio.
Está prevista a participación de máis de 70 deportistas de toda Galicia e Asturias que competirán na modalidade de kata individual.
A proba disputarase a partir das 17:00 horas no Pavillón do CEIP Península da Paz.
Haberá trofeos para os mellores participantes.
A Asociación de Sendeirismo Terras de Lourenzá organiza un percorrido pola ruta dos Viñedos de Belesar, no concello de Chantada, para o 13 de abril, sábado. A distancia a percorrer son 10 quilómetros e a dificultade é baixa. Ao rematar a camiñada os participantes xantarán nun restaurante.
A saída será ás 08:00 horas desde o Cantón de Vilanova de Lourenzá e as inscricións deben facerse antes das 20:00 horas do 10 de abril, chamando aos teléfonos 699.70.60.31 (Mahía) ou 658.09.71.33 (Miguel). O prezo é de 40 euros para os socios do colectivo organizador e de 45 euros para os que non o son.
O Concello de Cervo vén de dixitalizar o proceso de reservas da piscina olímpica municipal a través do enlace Espacios deportivos | Reservas de Espacios Deportivos - Concello de Cervo, que permite ás persoas usuarias formalizar o acceso de 10 bonos ou a entrada libre, previo pago a través desta plataforma, simplificando así todo o proceso.
Así o avanzou a rexedora, Dolores García Caramés, que recorda que neste mesmo espazo virtual tamén se pode reservar o acceso ás pistas de pádel e á pista de atletismo do complexo deportivo da Veiga, neste último caso as persoas usuarias deberán estar federadas e poderán reservar de xeito gratuíto a súa franxa horaria e recoller posteriormente a chave na piscina municipal.
Segundo explicou a alcaldesa “levamos tempo traballando nesta extensión da páxina web do Concello, co...
leer más
A asociación Os Sendeiros, de Foz, fará o 14 de abril, domingo, a ruta dos Faros, desde Malpica, na Costa da Morte. A saída desde Foz será ás 07:30 horas e ás 07:45 horas desde Ferreira do Valadouro.
Os prezos desta actividade, incluído o xantar, son: 45 euros para socios federados, 50 euros para socios non federados e 55 euros para socios temporais.
O prazo para anotarse remata o 11 de abril e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo.
Acisa e o Ribadeo FC poñen en marcha unha nova campaña na que sortearán 800 euros en vales de compra
Acisa e o Ribadeo FC únense para poñer en marcha unha nova campaña na que sortearán 800 euros en vales de compra.
A presidenta de Acisa, Carmen Cruzado, explica que “con esta campaña o Ribadeo FC pretende recadar fondos para a súa entidade e Acisa premiar aos gañadores do sorteo con vales de compra para poder usar no comercio e na hostalaría asociados. Para participar é necesario comprar algunha das rifas que dende o Ribadeo FC poñerán á venda dende hoxe. E importante destacar que os ingresos producidos pola venda das rifas son integra e exclusivamente para o Ribadeo FC. O prezo de cada rifa é de 2 euros. As editadas están numeradas do 1 ao 3.000. Queda reservado á organización o dereito de ampliar o numero de rifas editadas para a realización do sorteo en caso de que as ventas sexan exitosas. As rifas poderán mercarse desde hoxe e ata o...
leer más
Ribadeo acollerá a Gladiator Family con carácter solidario o 28 de abril. O importe das inscricións desta proba de obstáculos infantil será doado integramente á Cruz Vermella ribadense.
O concelleiro de Deportes, Francisco José Silvent, explicou que “a carreira está dirixida a nenas e nenos de 3 a 11 anos. O diñeiro das inscricións será doado á Cruz Vermella de Ribadeo”.
O edil ribadense contou que “a proba, que está patrocinada por Banco Mediolanum a través do proxecto Mediolanum Aproxima, terá lugar o 28 de abril a partir das doce da mañá na praza de España. Nenas e nenos, acompañados dun adulto, disfrutarán dun día en familia facendo deporte, no que se enfrontarán a distintos obstáculos en dous percorridos, un de 500 metros para as idades comprendidas entre 3 e 5 anos, e outro de 900 metros para nenas e nenos...
leer más