Deportes
As Escolas Deportivas de Verán, que organiza o Concello de Ribadeo, ofrecen as especialidades de pesca deportiva, piragüismo, skate, surf e vela. Poderán participar as persoas nadas entre os anos 2009 e 2016.
O concelleiro de Deportes, Francisco José Silvent, explicou que “a escola de pesca deportiva dispón de 20 prazas e desenvolverase do 1 ao 24 de xullo de 10:00 a 14:00 horas. Para a de surf hai 18 prazas e será desde o 25 de xuño ata o 18 de xullo en horario de 16:00 a 18:00. E o 19 de xullo haberá unha xornada especial de 12:00 a 18:00 horas”.
O edil ribadense contou que “a escola de skate ten 18 prazas e ofrece 22 clases de dúas horas entre o 8 de xullo e o 6 de setembro. E a de piragüismo conta con 35 prazas para persoas nadas no ano 2015, haberá dous grupos e desenvolverase do 28 de xuño ao 20 de agosto....
leer más
Os días 25 e 26 de maio terá lugar o XVIII Torneo Internacional de Fútbol de Veteranos Vila de Ribadeo, que organiza a asociación de veteranos do Ribadeo FC. O evento foi presentado no salón de plenos do Concello.
68 equipos participarán na categoría de +35 e 8 na de +45. Desde a organización subliñan que “é a primeira vez que contamos coa presenza de equipos chegados desde catro continentes: Europa, África, Asia e América. Non hai ningún torneo destas características nin en España nin en Europa”.
Os clubs que se desprazarán ata Ribadeo proceden de Portugal, Inglaterra, Irlanda, Francia, Túnez, México, Paraguai, Brasil, Arxentina, India e de nove comunidades autónomas españolas: Galicia, Asturias, Cantabria, Castela-León, Madrid, Valencia, Extremadura, Andalucía e Canarias. O torneo vaise disputar en 10 campos...
leer más
Os partidos disputaranse no Campo Municipal de Alfoz e no Campo Municipal de O Árbol (Valadouro), onde se poderá desfrutar dunha competición que se iniciará as 10 da mañá e rematará ás 21 horas.
Disputaranse un total de 28 partidos entre os 18 equipos en competición, que tratarán de alcanzar unha das catro prazas que dan acceso á fase final.
Os concelleiros de deportes de Alfoz e Valadouro, Eliseo Lorenzo e Eliseo Teijeiro; a directiva do AD Río Ouro presidida por Manolo Novo e contando coa colaboración do CD Alfoz coinciden en que “celebrar este evento deportivo para os nenos e nenas da comarca é unha experiencia enriquecedora. Esta celebración contribúe a fortalecer os lazos comunitarios, o deporte e promove a hostalaría e o turismo dos dous concellos”.
Este sábado, 18 de maio, celebrarase en Foz a sétima edición da Carreira Popular Urbana Campo da Cabana, que este ano conta coa novidade de dúas distancias para a carreira absoluta, 5 e 10 quilómetros.
Os organizadores explican que “o percorrido merece a pena pola súa vistosidade posto que vai polo litoral e as praias focenses, cun trazado suave e divertido. Ademais o evento contará con carreiras para as categorías de formación no entorno da praza Rosalía de Castro, coñecida como Campo da Cabana e que dá nome á proba, organizada polo Club Atletismo Ría de Foz, en colaboración con RunFozRun e o Concello de Foz”.
Todos os corredores da carreira absoluta e os participantes na andaina recibirán como obsequio unha camiseta conmemorativa ademais de avituallamento líquido e sólido para todos los participantes.
... leer más
Seis equipos de Galicia e Asturias daranse cita en Ribadeo este sábado, día 18 de maio, nunha exhibición organizada polo club de karate local, que encabeza o profesor Julián Martín Gómez.
A cita comezará ás doce de mediodía no pavillón municipal de deportes da avenida de Luarca. Na mesma participarán os clubs de karate de Tapia, Castropol, Foz, Lourenzá, Burela e Ribadeo, que reunirán a 120 deportistas.
O concelleiro de Deportes, Francisco José Silvent, considera que “é interesante para Ribadeo acoller estes eventos deportivos” e anima a asistir a esta exhibición a todas as persoas afeccionadas a esta disciplina deportiva.
Colaboran cos organizadores a Concellería de Deportes de Ribadeo, a Federación Galega de Karate e Karate Do Shito-Kai Asturias-Galicia.
Presentouse no entorno das praias de Caolín e Vidreiro a cuarta edición do Trail do Vicedo, acto que contou coa presenza do alcalde, José Jesús Novo Martínez; membros do Club Lar Trail e Montaña, coorganizadores do evento; e Raquel Sánchez Pulgar, irmá de Natalia Sánchez Pulgar, impulsora deste trail. O evento terá lugar o domingo 19 de maio.
A organización anuncia que “igual que os anos anteriores hai tres probas: un trail de 25 quilómetros, outro de 15 quilómetros e unha andaina, tamén de 15 quilómetros, que discorren por unhas paraxes espectaculares como son o entorno do Fuciño do Porco, as praias de Area Grande, Xilloi, Caolín e Vidreiro. Hai que destacar algunhas novidades respecto a outras edicións: acúrtase o trail longo a uns 25 quilómetros; hai varios tramos novos, sobre todo no inicio do trail longo e en zonas da costa onde se pasa máis cerca do...
leer más
Os días 25 e 26 de maio, sábado e domingo, celebrarase en Riotorto a segunda edición do Trail e Andaina Os Muíños. Esta proba está organizada pola Asociación de Veciños da Ferreira e o Concello de Riotorto.
O sábado día 25 será a andaina, de 14 quilómetros, a partir das 16:00 horas. E o domingo 26 ás 09:30 horas comezará o trail longo, que percorrerá un traxecto de 27 quilómetros, e o trail corto sairá ás 10 da mañá e será de 17 quilómetros.
As inscricións para participar poden realizarse ata o 21 de maio en www.galitiming.com.
A Vicepresidencia da Deputación de Lugo impulsa unha nova edición da Copa Deputación de Piragüismo, unha liga provincial de seis regatas, que se celebrarán en Portomarín, Ribadeo, San Cibrao, Viveiro, Foz e Lugo entre maio e setembro.
O vicepresidente da Deputación de Lugo, Efrén Castro, e o deputado de Mocidade, Daniel García, presentaron a competición en Foz, xunto a representantes do Club Kayak de Foz, do CP Urban Hotel Viveiro, CP Altruán de Ribadeo, CP San Ciprián, Club Fluvial de Lugo e Cidade de Lugo e da Federación Galega de Piragüismo.
A competición organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs de augas tranquilas da provincia a posibilidade de participar en competicións...
leer más
O pavillón municipal de Ribadeo, situado na Avenida de Luarca, acollerá este sábado, día 11 de maio, o segundo Randori Judo Lugo, competición que contará con 180 participantes.
Este evento deportivo está organizado por Judo Lugo, Concello de Ribadeo e Federación Galega de Judo e D.A.
O segundo Randori Judo Lugo disputarase nas categorías infantil, alevín, benxamín, prebenxamín e minis. As competicións iniciaranse as 10:15 horas.
Na presentación do evento participaron o alcalde de Ribadeo, Dani Vega; o xefe territorial de Deportes da Xunta de Galicia en Lugo, Manuel Otero; o concelleiro de Deportes, Francisco José Silvent; o técnico municipal de Deportes, Iván López; e o director técnico do club Judo Lugo, Iván Carballeira.
O concelleiro de Deportes ribadense destaca que “eventos...
leer más
A Escudería A Pontenova acaba de presentar o cartel da décimo primeira edición da carreira automobilística Subida A Pontenova, que se disputará os días 6 e 7 de xullo deste ano 2024.
É unha proba do Campionato Galego de Montaña e a Federación Galega de Automobilismo destaca que é “unha das carreiras con mellor trazado e seguridade de todo o certame”.