Igrexa
Este sábado, 17 de outubro, ás 18:30 horas o dúo Metamorphoses ofrecerá un concerto de violín e piano na igrexa parroquial de Vilanova de Lourenzá.
O concelleiro de Cultura, Manuel Arango Ron, explica que “interpretarán obras de Bach, Brahms e Lizst, entre outros. Este concerto enmárcase no programa Concertos polo Camiño do Norte de O Teu Xacobeo polos Camiños de Santiago, que teñen lugar en localidades do Camiño que son final de etapa”.
O Concello pon persoal na igrexa de Vila do Medio para facilitar as visitas ao belén instalado pola veciñanza nese templo. Será posible facelo durante o Nadal nos días laborables en horario de 16 a 19 horas. O concelleiro de Turismo, Ramiro Fernández Rey, asegura que o belén é espectacular e anima á xente da Mariña a acudir a velo.
O edil burelés manifestou que “desde a Concellería de Turismo anunciamos que a partir de hoxe imos ter persoal na igrexa de Vila do Medio para que a xente poida visitar o belén que fixeron alí os veciños”.
Para Ramiro Fernández Rey “a verdade é que é un belén espectacular e moi chamativo. Decidimos, en horario de tarde os días laborables, ter unha persoa alí para poder ensinalo, e que todos os veciños, visitantes, e incluso xente da Mariña que queira ver este belén, que xa digo que...
leer más
A agrupación coral Del Coro al Caño, de Gijón, cantará na igrexa parroquial de Santa María de Valdeflores, de Lourenzá, na misa deste domingo, día 11, ás 12:45 horas.
Este coro está ofrecendo concertos de música sacra en varios concellos vinculados co Camiño de Santiago.
O mércores, 28 de marzo, a partires das 18:00 horas, na parroquia de Santo Tomé, no Valadouro, escenificarase, como cada ano, o Vía Crucis vivinte.
Esta escenificación correrá a cargo de xente dos concellos de Alfoz e Valadouro. Trátase dunha actividade programada todos os anos na Semana Santa, que comezou a facerse hai algo máis de vinte anos, e que dende entón se reproduce cada ano de xeito ininterrompido.
Os actos teñen lugar na subida á igrexa, onde se atopan as cruces que configuran este vía crucis tradicional, nas que os participantes van facendo as paradas correspondentes, e rematando no alto onde se atopa a igrexa parroquial na que se venera hai xa moitos anos ao Santo Cristo.