Deportes
Despois de tres anos, a Fundación Imdecum recupera na súa programación de promoción de fútbol sala de base o Trofeo do Nadal Mariñán. Un total de 7 equipos, e 4 clubs, das categorías Biberón e Prebenxamín daranse cita mañá, 27 de decembro, no pavillón Vista Alegre de Burela.
ED Lourenzá, Santiago de Foz, Escolas Celeiro-Xove FS e Pescados Rubén Burela FS divertiranse ao grande sobre o parqué a partir das 16.00 horas con 9 partidos por diante. Todos os participantes recibirán o recoñecemento na cita cunha medalla, no acto de clausura, previsto para as 21.00 horas.
O Concello de Cervo, a través da delegación de Xuventude, deseñou un nova edición do programa Xuventude no Nadal, dirixido aos mozos e mozas de entre 12 e 25 anos.
A edil de Xuventude, Dolores García Caramés, achegouse ata o IES Marqués de Sargadelos para presentarlles as actividades aos rapaces, que se desenvolverán os días 26, 27, 28 e 29 de decembro,
En concreto, o martes 26 de decembro, a partir das 17:00 horas, no Pavillón da Veiga, haberá volei 3x3, baloncesto 3x3 e fútbol 3x3; ademais de pádel e ultimate; que é un deporte de equipo que se xoga con frisbee.
O mércores 27 de decembro, tamén a partir das 17:00 horas, no Pavillón da Veiga, os rapaces poden practicar sumo e loita, divertirse no rocódromo, na pista americana, nos karts a pedais, na barredora, no toro ou coa zorb ball....
leer más
Foi presentada a segunda edición da Run Foz Run Nadal, que terá lugar o día 24 deste mes. Participaron no acto Manuel Eiras e Marcos Loureiro, do Club Atletismo Ría de Foz, e o alcalde, Javier Jorge Castiñeira.
Na presentación explicaron que “na proba haberá diferentes categorías para que todas as persoas que o desexen poidan participar, desde pícaros ata veteranos C. Tanto a saída como a meta será a Praza Rosalía de Castro e a distancia para a carreira absoluta será de 5 quilómetros. A primeira saída será ás 16:30 horas para a categoría dos/as máis pequenos/as e a absoluta iniciarase ás 17 horas”.
Tamén comentaron que “o ano pasado a participación superou todas as expectativas e agardamos que este ano se sumen máis a esta tarde de deporte con gran ambiente festivo, antes de sentarse á mesa coa familia”.
...
O Concello de Cervo acollerá o sábado 23 de decembro, véspera de Noiteboa, o X Campionato de Nadal de Nihon Taijitsu, nas modalidades de Kata e Combate, neste útimo caso na categoría adulto.
O evento foi presentado polo rexedor cervense, Alfonso Villares, o edil de Deportes, José Ramón Soto, e o presidente da Escola de Artes Marciais de Cervo e director do departamento de Taijitsu da Federación Galega de Kárate, Miguel Ángel Rojo, veciño tamén do municipio.
O escenario da competición, que comezará ás 17:00 horas, será o Pavillón da Veiga de San Ciprián,
Xa confirmaron a súa asistencia os campións galegos de todas as categorías; así estímase que serán medio cento os participantes, entre nenos e adultos, os que competirán no tatami instalado para a ocasión no Pavillón da Veiga; dos cales o...
leer más
A Deputada Provincial pola Comarca da Mariña, Mayra García Bermúdez, xunto ao Alcalde de Alfoz, Jorge Val Díaz, mantiveron este mércores un encontro con alumnos do programa de ximnasia de mantemento do municipio, co que colabora o organismo provincial.O Goberno da Deputación achega 8.000 euros para a organización de cinco actividades a través das Escolas Deportivas Deportivas Municipais: patinaxe, ximnasia, ioga, fútbol sala e ximnasia de mantemento, nas que participan 85 veciños e veciñas.
García Bermúdez subliñou que “achegamos 8.000 euros ao Concello de Alfoz para a organización de diferentes actividades a través das Escolas Deportivas facilitando a práctica deportiva a veciños do Concello de todas as idades. Facémolo porque consideramos que investir en deporte é investir no benestar dos lucenses. Neste sentido cómpre subliñar que a...
leer más
O Concello de Cervo, coa colaboración da Asociación Anxuela, organiza a III Carreira San Silvestre que sairá da Praza dos Campos o 31 de decembro, día de fin de ano; como é tradicional.
Así o anunciou o edil de Deportes do Concello de Cervo, José Ramón Soto, na presentación do evento, que tivo lugar na Praza dos Campos de San Ciprián; na que estivo acompañado polas edís de Xuventude e Servizos Sociais, e os rapaces que colaboran na organización da cita deportiva.
A saída está prevista para as 11:30 horas da Praza dos Campos. As inscricións anticipadas pódense formalizar ata o día 30; chamando ou enviando un whatsapp ao número de teléfono 691.65.66.00 ou un correo electrónico a sansilvestre@gmail.com. Os participantes poderán anotarse tamén ese mesmo día, na Praza dos...
leer más
O Pavillón da Veiga de San Ciprián acollerá o sábado 16 de decembro a III Canastra Solidaria.
A cita, organizada polo Club Deportivo San Ciprián, coa colaboración do Concello de Cervo, foi presentada polo alcalde, Alfonso Villares, o edil de Deportes, José Ramón Soto, a de Cultura e Educación, Dolores García Caramés, e a representante do Club organizador, María Mota.
Dende hoxe mesmo pódense entregar xoguetes novos que se recollen na Casa da Cultura de San Ciprián, e tamén alimentos no supermercado Familia; que o mesmo día da actividade serán doados á Cruz Roja Española.
A programación comprende xogos infantís e máis sorpresas para ese día 16 de decembro, no que se desputarán dous encontros de baloncesto. O primeiro deles será a partir das 16:00 horas e será un partido de 2ª división...
leer más
A asociación Pasada das Cabras de Burela organiza o domingo, 3 de decembro, a ruta de Candaído na Fonsagrada.
Esta ruta ten 8 quilómetros de percorrido e unha dificultade baixa. A saída será ás 8:30 horas da Estación de Autobuses de Burela.
O prezo é 25 euros para os socios e 30 para os que non o son, e inclúe autobús, seguro e xantar a base do cocido típico da Fonsagrada.
Para participar é imprescindible anotarse antes do xoves 30 de novembro. As persoas interesadas poden apuntarse en Gráficas Arfe ou no teléfono 982 580 504.
A asociación Os Sendeiros de Foz organiza unha nova ruta para o sábado 9 de decembro que discorrerá polo coñecido Fuciño do Porco.
A saída será ás 8:00 horas do Concello, o nivel de dificultade do percorrido é medio, e recomendase levar equipo de sendeirismo.
O prezo é 25 euros para os socios federados, 30€ para os socios non federados e 35 euros para os non socios. Está incluído o xantar e o ingreso debe facerse en conta bancaria.
É obrigatorio anotarse e o prazo remata o martes 5 de decembro. As persoas interesadas poden inscribirse nos números de teléfono 676 561 594 e 670 369 017, ou no e-mail ossendeiros@yahoo.es
O Concello de Foz colabora con esta actividade.
A asociación Pasada das Cabras de Burela celebra o venres, 24 de novembro, a asemblea anual ordinaria. Desenvolverase no restaurante Palacio de Cristal ás 20:30 horas en primeira convocatoria, e ás 21:00 h. en segunda. Ao remate da asemblea, sobre ás 20:00 horas, no mesmo restaurante terá lugar unha cea-baile que estará amenizada por Juan e a súa guitarra.
Para asistir á cea é imprescindible anotarse en Gráficas Arfe ou no teléfono 982 580 504, antes do xoves 23 de novembro. O prezo para os socios é de 25 euros e 30€ para os que non o son.
E o 3 de decembro Pasadas das Cabras ten programada a ruta de Candaido pola Fonsagrada. A saída será ás 8:30 horas desde a estación de autobuses de Burela. O prezo para socios será de 25 euros e para non socios de 30 euros. Inclúe autobús, xantar (cocido típico da Fonsagrada) e...
leer más