Magosto
A asociación Amigos da Gaita Galega, de Ribadeo, organiza un magosto na rúa Rodríguez Murias da vila ribadense o día 5 de decembro, xoves, a partir das 18:00 horas. Haberá castañas, chocolate e música
“Chega o frío e o corpo pide quentura. Témosche a solución! Chocolate quente , castañas asadas e uns bailiños”, anuncia Amigos da Gaita Galega.
A asociación de veciños San Pedro da Ribeira, de Saldoira (A Pontenova), organiza un magosto para este sábado, día 30 de novembro, desde as 20:00 horas.
Para participar nesta actividade hai que anotarse previamente e o prazo remata este xoves, 28 de novembro.
A asociación de veciños Camiño de Galdo organiza un magosto nesta parroquia de Viveiro. Será este sábado, día 9 de novembro, dende as 21:30 horas.
Haberá degustación de castañas, arenques, xamón e chourizos. E actuación musical a cargo de Verónica Cambón.
Para os socios do colectivo organizador a participación é gratuíta e as persoas que non forman parte da asociación Camiño de Galdo deberán pagar 10 euros.
A Asociación de Veciños do Burgo de Trasbar, no concello de Cervo, organiza un magosto que se celebrará este sábado, día 9 de novembro, a partir das 19:00 horas no Local Social do colectivo.
Haberá degustación de castañas e panceta.
A Pontenova celebrará un magosto con ruta de sendeirismo o día 16 de novembro, sábado.
As actividades comezarán ás 09:30 horas coa concentración dos participantes na Praza dos Fornos. Medio hora despois sairán cara ao punto de comezo da ruta, de Sanxés a Vilarxubín, de 4,6 quilómetros e dificultade media. Para as 14:00 horas está prevista a chegada á Praza dos Fornos, onde se fará un xantar a base de empanada e castañas asadas.
O prezo da inscrición é de 7 euros por participante e vai incluído o transporte, o seguro RC e o xantar. A data límite para apuntarse é o xoves 14 de novembro.
Este evento está organizado polo Concello e o CIT A Pontenova.
En Mondoñedo celebrarase un magosto tradicional o día 9 de novembro, sábado. Será na Praza do Concello, pero en caso de choiva trasladarase aos soportais da catedral. Haberá castañas, viño e chocolate.
As actividades comezarán ás 18 horas con Truco ou Trato de Samaín polas rúas do centro. E ás 19:30 horas empezará o magosto tradicional coa música de Os Carricantos.
Este evento está organizado polas asociacións mindonienses O Pasatempo e Xoldra.
O colectivo artístico ribadense As Vacas Fracas organiza foliada aberta e magosto o día 16 de novembro, sábado, no Pazo de Cedofeita, parroquia do concello de Ribadeo.
“O sábado 16 de novembro temos preparada unha xornada con obradoiros, actuacións, foliada aberta e castañas. Que non sabes bailar? Apúntate ao obradoiro de iniciación ao baile con Andrea Vilar. Que non tes instrumento? Apúntate ao obradoiro de creación de pandeiro con Xaneco Tubío. E pola noitiña actuación dos Pandeireteiros do Inferno e foliada aberta. Traede os vosos instrumentos e ide entrenando os vosos mellores puntos porque o sábado 16 en Cedofeita toca bailar, tocar, cantar e comer castañas. Haberá tamén bebidas e petiscos”, anuncia o colectivo As Vacas Fracas.
As prazas para os obradoiros son limitadas. As persoas interesadas en apuntarse e...
leer más
O día 15 de novembro, venres, na Praza do Concello de Trabada desde as 21 horas celebrarase a festa tradicional desta época do ano, o magosto. Está organizado pola asociación cultural O Picato, que anuncia: “contaremos con carpa, mesas e sillas para uso durante a cea e música a cargo de El Puma”.
Haberá castañas gratis e venderán racións de callos, pastelón de bonito e lacón asado.
Os tickets para a comida estarán á venda no mesón Camiño Norte e no supermercado Spar Express Trabada.
O colectivo Pensamento e Sementeira, de Viveiro, organiza un magosto para este sábado, 2 de novembro
O colectivo Pensamento e Sementeira, de Viveiro, organiza un magosto para este sábado, día 2 de novembro. Será na Casa do Forno, de Celeiro, dende ás 17:00 da tarde.
“Ven gozar dunha xornada chea de tradición, música e bo ambiente no noso magosto Popular. Temos o plan perfecto para todas as idades!”, anuncia a organización.
O programa de actividades inclúe “obradoiro de baile tradicional (Nivel iniciación): aprende uns pasos básicos do noso baile tradicional con Cris Canosa e prepárate para botar uns puntos ao ritmo da música en directo. É precisa a inscrición no obradoiro de baile a través da seguinte ligazón: https://forms.gle/...
leer más
A Asociación de Veciños e Veciñas de Santa Comba da Órrea, no concello de Riotorto, organiza un magosto este sábado, día 2 de novembro. Será desde as 20:00 horas no local social.
Haberá degustación de castañas, liscos e chourizos fritos. Os gastos cubriranse “seguindo o estilo de Ribadeo”, explica a organización, que tamén anuncia que para participar é necesario anotarse previamente no Whastapp 650.558.750. O prazo remata este mércores, 30 de outubro.
- 1
- 2
- 3
- 4
- siguiente ›
- última »