Foz
Juan Manuel Ponte Juanel presenta unha exposición de debuxos no Cenima de Foz.
A mostra está composta por unha serie de 25 obras realizadas a carboncillo e lápices de cores. A temática elixida polo artista ribadense, afincado en Foz, son paisaxes galegos e instantáneas do Foz antigo, moitas delas relacionadas co mar.
A exposición pode visitarse ata o día 30 de xullo en horario de 19:30 a 22:00.
A asociación cultural A Pomba do Arco organiza as XXIV Xornadas da Historia Local que se celebrarán do 29 de xullo ao 1 de agosto en Foz.
Estas xornadas darán comezo o 29 de xullo ás 20:30 horas coa conferencia que ofrecerá Xoan Ramón Fernández Pacios sobre O Camiño de Santiago por Foz. O acto terá lugar na Casa da Cultura.
O martes, 30 de xullo, ás 20:30 horas intervirá Carlos Pereira Martínez, que abordará o tema da Masonería na Mariña nos séculos XIX e XX.
O mércores, 31 de xullo, ás 20:30 horas na Casa da Cultura Francisco Rodríguez Sánchez pronunciará a conferencia titulada O século XIV. Un momento decisivo para A Mariña.
As xornadas rematarán o 1 de agosto coa intervención de Rafael Quintiá Pereira que falará de Obxectos curativos e uso de amuletos na...
leer más
Presentada na Casa da Xuventude, en Foz, a III Milla Campo da Cabana, que terá lugar o vindeiro 13 de xullo. Desde os máis pequenos/as, na categoría de pícaros, ata os máis veteranos/as, poderán participar na terceira edición deste evento deportivo. As inscricións están abertas en: sportmaniacs.com/
As distancias que cubrirá cada categoría serán:
Pícaros: 150m
Benxamíns: 600m
Alevíns: 900m
Infantís e cadetes: 1200m
Absolta: 1609,3m
Despois das probas haberá festa no Campo da Cabana, con rock e dj.
Asistiron á presentación Esme Koster e Marcos Loureiro, do Club Atletismo Ría de Foz, e a Concelleira de Xuventude e Deportes, Gema Méndez.
A Asociación Cultural A Pomba do Arco organiza o 5 de xullo ás 20:30 na Libraría Bahía de Foz a presentación do libro "Do Abadexo á zorza. Dicionario da comida galega", nun acto no que tomaran a palabra os editores do mesmo Xan Carballa e Cesar Lorenzo e o seu autor Xavier Rodríguez Baixeras.
"Do Abadexo á zorza. Dicionario da comida galega" é moito máis cun libro gastronómico, tratase dun traballo único e singular no espazo das culturas peninsulares que reúne por primeira vez nun mesmo volume, profusamente ilustrado, un esforzo de recuperación lingüística clave para unha cultura como a galega, até converterse nun grande manual de consulta tamén é un traballo diferente e de referencia para gorentarse cos sabores e os saberes, polo simple pracer da lectura e a evocación e que será de obrigada presenza en todas as entidades relacionadas...
leer más
Foz vivirá un fin de semana comercial co inicio das rebaixas de verán e a celebración da 6ª Festa Vintage, que organiza o CCA.
Os comercios participantes na nova edición da Festa Vintage ofrecerán descontos especiais durante esas dúas xornadas. Trátase de Vagaluz, Hola Ola, 5 Lobiños, Decoraciones Pura, Decoraciones Pura Outlet, Don Zapato, Alma Libre, Ginzo Hombre, Ginzo Mujer, Vas´s, Vas´s Outlet, Longarela, Chinela Nenos, Lourdes Lencería y Baño, Chuvia, María Docampo, Sueños, N1 Deportes, Xanela Complementos e Agasallos, La Flor Abulense, Arrullos, Calzados Pirde, Unique-2 e Lencería Esther.
A fin de semana do 28 e 29 de xuño será un bo momento para facerse con prendas de temporada no comercio focense asociado ao CCA a prezos moi interesantes. Con esta cita darán comezo as rebaixas de verán.
... leer más
A asociación Os Sendeiros de Foz organiza unha andaina contra o Cancro que se celebrará o 7 de xullo polos arredores de Foz.
A saída será o domingo, 7 de xullo, ás 10:00 horas da praza do Concello.
A actividade está organizada en colaboración da delegación local de Foz da AECC e do Concello de Foz.
A ruta ten unha distancia de 5 quilómetros e un nivel de dificultade baixo.
As persoas que queiran participar teñen que inscribirse, ata o día 6 de xullo, e poden facelo nos números de teléfono 670 369 017 e 696 583 146.
A Concellería de Xuventude do Concello de Foz organiza o programa Aberto x Vacacións que se celebrará durante os meses de xullo e agosto.
Está dirixido a nenos e nenas con idades entre 3 e 12 anos, nad@s entre os anos 2007 e 2015, neste caso nen@s que xa fosen ao colexio o curso pasado. As actividades terán lugar de luns a venres, en horario de 10:30 a 13:30.
O prazo de inscrición vai do 25 ao 28 de xuño, e do 29 ao 31 de xullo no caso de quedar vacantes para o mes de agosto. Para anotarse é preciso entregar a folla de inscrición, xunto con copia da tarxeta da Seguridade Social, na Casa da Xuventude, en horario de 10:00 a 13:00 e de 18:00 a 20:00. As prazas son limitadas e adxudicaranse por orde de inscrición e rango de idade. O prezo é 20 euros ao mes.
Haberá obradoiros, kaiaks, xogos...
leer más
O Concello de Foz organiza a XII edición do Campus de Verán de Patinaxe Artística de iniciación e perfeccionamento, dirixido a nenos e nenas a partir de 4 anos.
O campus ofrece, ademais dos aspectos específicos deste deporte, actividades complementarias lúdico-recreativas para que os participantes ao mesmo tempo de formarse disfruten das praias, da natureza e de excursións culturais. Deste xeito desenvolveranse nas instalacións do CEIP O Cantel, no Campo da Cabana, en Bispo Santo e na praia da Rapadoira. O horario será de 10:30 a 19:30 horas.
A organización habilitará un autobús gratuíto que percorrerá A Mariña para o traslado dos participantes que o necesiten. Haberá un refrixerio a media mañá, comida e merenda, ademais de menús especialmente deseñados para deportistas en idades noveis e para nenos e nenas que o...
leer más
A Oficina de Turismo de Foz, que está situada no edificio do Cenima, estará aberta no verán, durante os meses de xullo e agosto, de luns a sábados de 10 a 14 horas polas mañás e de 16:30 a 20:00 horas polas tardes. Os domingos abrirá de 11 a 14 horas e os festivos de 11 a 14 horas e de 17 a 20 horas.
O punto de información turística da Basílica de San Martiño, que está no centro de interpretación da mesma, tamén estrea horario de verán. De martes a sábado de 10:30 a 14:00 horas polas mañás e de 16 a 20 horas polas tardes. Os domingos abre de 10:30 a 13:00 horas e os luns está pechado.
Haberá visitas guiadas á Basílica de San Martiño ás 10:30 e ás 19:15 horas. As persoas interesadas en contar con este servizo poden solicitalo con Silvia Blach no 982 13 26 07 ou 620 623 592.
O Centro Comercial Aberto de Foz organiza a sexta edición da Festa Vintage que se celebrará os días 28 e 29 de xuño.
Os comercios participantes ofrecerán descontos especiais durante esas dúas xornadas. Ademais haberá actividades de animación nas rúas, algunhas dedicadas especialmente aos máis pequenos e a música tamén será protagonista para amenizar a sesión vermú.
Xoyma colabora coa Festa Vintage organizando unha sesión vermú a mediodía e un concerto pola noite o sábado. Será a carón deste local. E Pastelería Anduriña tamén ofrecerá unha sesión vermú o sábado nas inmediacións deste establecemento.
E diante da xoguetería Buxo, na glorieta de Vilalba, haberá unha sesión de globoflexia para nenas e nenos.
O CCA conta coa colaboración do Concello de Foz e da...
leer más