Festa
O alcalde de Cervo, Alfonso Villares e a edil de Cultura, Dolores García Caramés, xunto con representantes de Airiños A.C. Airiños do Xunco e a A.C. Recreativa Fervenza de Sargadelos, presentaron a XII Festa de exaltación da carne do porco e a IV Foliada que terá lugar na Praza do Souto, en Cervo, o vindeiro 12 de maio.
A cita musical e gastronómica está organizada por estes dous colectivos, coa colaboración do Concello de Cervo
A Festa comezará ás 12:00 horas, cun obradoiro infantil de pandeireta e canto, ás 13:00 horas será a quenda da sesión vermú amenizada polas Pandereiteiras Sen Fronteiros; xa pola tarde, ás 16:00 horas, haberá un obradoiro de instrumentos de percusión con Xosé Lois Romeiro.
As actuacións musicais volverán coller o testigo ás 20:00 horas, coa actuación de diferentes...
leer más
Trabada acolle a celebración a 1ª Festa Gastronómica da Enfariñada. A cita terá lugar o domingo, 6 de maio, na Praza do Concello.
Dará comezo ás 13:30 horas e a organización anuncia que haberá moitas sorpresas durante a festa.
O evento pretende poñer en valor a riqueza patrimonial e natural do concello xunto á súa riqueza gastronómica.
Organizan o Concello de Trabada, Trabada Camiño natural, Trabada Futsal e a Asociación de Mulleres Rurais Marco da Pena Verde.
Este sábado, 28 de abril, o Motoclub al Corte organiza en Ribadeo a VI Festa dos Ovos, Zorza e Patacas.
A cita terá lugar, a partir das 12:00 horas, no Parque San Francisco. Desde a organización animan a asistir.
O Concello de Lourenzá organiza o vindeiro martes, día 1 de maio, a tradicional Festa do Maio que se celebrará en Vilanova. Haberá premios para o mellor adorno de balcón, xanela ou local comercial e na Praza do Conde Santo ás sete da tarde terá lugar a actuación da Banda de Luis Vallecillo.
A alcaldesa, Rocío López, anuncia que “o próximo martes, día 1 de maio, celebramos un ano máis a tradicional Festa dos Maios de Lourenzá. Ás catro e media da tarde terá lugar a saída da Madalena do Mercado Comarcal Gandeiro para facer un percorrido polas principais rúas da vila chegando ao Cantón. Unha vez rematado o percorrido entregaranse os premios ao mellor adorno de balcón, xanela ou local comercial e tamén os premios do terceiro concurso Unha postal para mamá, organizado pola asociación de comerciantes e autónomos ACIAL de Lourenzá”.
... leer más
A comisión de festas de Monte, formada por membros da asociación Cruz de Loureiro de San Isidoro de Monte, organiza as festas patronais da parroquia en honra a San Isidoro os días 28 e 29 de abril.
O sábado, día 28, ás 13:00 horas, celebrarase a misa na igrexa parroquial e procesión na honra a San Isidoro. Ás 14:00 horas, haberá sesión vermú con Pecados. Ás 15:00 horas, terá lugar un xantar nunha carpa totalmente pechada. Para inscribirse hai que chamar ao teléfono 646 647 619. Ás 17:00 horas, comezará a verbena con Pecados e Fénix na que haberá trofeos para as tres mellores parellas de baile, para a máis vella e a máis nova.
O domingo, día 29, ás 10:00 horas dará comezo unha xuntanza cabalar e ruta de sendeirismo Penasagudas á Cruz do Pau da vella (a pé ou a cabalo), organizada pola asociación Cruz de Loureiro....
leer más
O Presidente da Deputación, Darío Campos Conde; o Alcalde da Pastoriza, Primitivo IglesiasSierra, e o Presidente da Asociación de Amigos da Feira de Bretoña, Luís LindínLoisanos, presentaron este luns no CENTRAD, a X Edición da Festa de bola de liscos e das freces da Pastoriza, que se celebrará os días 21 e 22 de abril, na que colabora o Goberno da Deputación cunha achega de 3.000 euros. Ademais nesta ocasión, tamén haberá unha exposición dun selecto grupo de materiais de artesanía como pezas de olería, traxes tradicionais e cestería.
Campos Conde avanzou“que o Executivo Provincial é a unica administración, xunto co Concello, que promove económicamente este evento, no que colaboran diversas asociacións da vila.Esta pasada fin de semana vimos de apoiar a festa dos Ferreiros de Riotorto coa que tamén colaborou o Goberno da Deputación, a...
leer más
Do venres, 30 de marzo, ao domingo, 1 de abril, celébrase no porto de Espasante, en Ortigueira, a IV edición da Festa do Polbo.
O venres 30 a partires das 13:00 horas haberá sesión vermú con Souto Xímaro. O sábado 31 a sesión vermú desde as 13:00 horas estará amenizada por Berros do Castro. Desde as 13:00 horas haberá inchables para os nenos, e os dous días Feira de Artesanía e Alimentación desde as 12:00 ata as 20:00 horas.
Poderá degustarse empanada de polbo con algas ao prezo de 5 euros, polbo á feira a 10 euros e polbo con fabas de Lourenzá a 10 euros. Haberá dúas carpas instaladas no miradoiro da praia de San Antonio. Os organizadores subliñan que se trata de “polbo da ría 100%”. Ademais do venres ao domingo terá lugar, no centro social, unha exposición de patchwork da AC Gamelas e Anduriñas.
... leer más
A cita foi presentada este mediodía polo alcalde de Cervo, Alfonso Villares, as edís de Turismo e Cultura, Manuela Méndez, e Dolores García Caramés; e por representantes da hostelaría local.
A Festa volve contar cun programa repleto de actos e actividades que xirarán ao redor do protagonista ese día, o ourizo.
Deste xeito, avanzaron, que “un ano máis organizamos un show cooking, que terá lugar na carpa instalada na Praza dos Campos, a partir das 12:00 horas do mediodía, no que gozaremos vendo as habilidades culinarias en vivo de tres prestixiosos chefs que cociñarán ante os asistentes innovadoras receitas elaboradas coa base do ourizo: Pepe Vieira, do Restaurante Camiño da Serpe, Diego López, do Restaurante La Molinera, e Pedro Martino, do Restaurante Naguar, da veciña Asturias.
Ao...
leer más
A asociación cultural Saiñas de Xove organiza este sábado 3 de marzo a XIII Festa do Lacón que terá lugar no Pavillón Municipal de Deportes, a partires das 20:30 horas.
O prezo da ración é de 9 euros, 8€ na venda anticipada que pode facerse en Estética Marta. O menú inclúe sopa, pataca, chourizo, lacón, pan e bebida, ademais de chocolatada.
Haberá sorteos e festa rachada a partires das 23:00 horas coa Discoteca Móbil Decibelios.
Colabora o Concello de Xove.