Cervo
O Concello de Cervo, a través da delegación de Educación, programou diferentes obradoiros de motivación e reforzo das habilidades do rapaces.
Tal e como explicou a edil responsable, Dolores García Caramés, os talleres serán impartidos por profesionais especializados na Casa da Cultura de San Ciprián.
En concreto, tal e como apuntou a edil, deseñáronse tres cursos. O programa FORTIUS, que promove competencias persoais, mediante un conxunto integrado de coñecementos, habilidades e actitudes, co fin de fortalecer psicoloxicamente ao rapaz, traballando a prevención de dificultades emocionais, contribuíndo a desenvolver unha personalidade saudable e a fomentar o seu benestar. Vai dirixido a rapaces de entre 8 e 12 anos, e impartirase todos os martes de 18:30 a 19:30 horas. O prazo de inscrición remata o vindeiro luns,...
leer más
O Concello de Cervo, a través das delegación de Cultura e Educación, vén de convocar un concurso de postais de Nadal dirixido aos alumnos de infantil e primaria do municipio.
Tal e como explicou a edil responsalbe, Dolores García Caramés, as obras terán que ter como tema o Nadal, a técnica é libre e os traballos deben presentarse nunha cartolina tamaño folio.
Os orixinais teñen que entregarse na Casa da Cultura de San Ciprián ou na Casa do Concello, sen asinar e acompañados dun sobre pechado que conteña os datos persoais do autor: nome, apelidos, idade, colexio e número de teléfono.
O prazo de recepción remata o 27 de novembro. E o fallo do xurado farase público o 30 de novembro.
Caramés apuntou que entre as tres postais finalistas, o xurado elixirá unha que será...
leer más
A asociación de veciños do Burgo de Trasbar organiza unha nova edición do magosto para este sábado, 18 de novembro.
Os actos terán lugar no local social e comezarán ás 19:00 horas cunha representación teatral a cargo do grupo Batán de Foz. A entrada será libre.
De seguido os asistentes poderán degustar castañas ao prezo de 1 euro a ración, e bocata de panceta por 1´5€ para os socios e 2´5€ para os non socios.
Dende a asociación de veciños do Burgo de Trabar animan a toda a xente a participar neste magosto.
Co fin de conmemorar o Día Internacional do Patrimonio, Mariña Patrimonio está a organizar para o día 18 de novembro unha visita guiada, libre e gratuíta, polo patrimonio eclesiástico do concello de Cervo. O percorrido polas diferentes igrexas comezará ás 10.00 da mañá na Igrexa de Cervo e, dependendo das persoas que se inscriban, continuarase en coches particulares ou en autobús. Ás 14.00h farase unha pausa para xantar e retomarase a actividade ás 16.00 horas diante da capela de San Cibrao no Porto.
Quen o desexe poderá participar no xantar que terá lugar no restaurante O Pedregal de San Cibrao; a data límite para anotarse é o martes 14 (prezo 12€)
Este roteiro enmárcase no conxunto de actividades programadas por diversas asociacións integrantes da Rede do Patrimonio Cultural.
As persoas...
leer más
O Concello de Cervo, a través da delegación de Igualdade, programa diferentes actos polo Día Internacional contra a Violencia de Xénero.
Así, o sábado 25 de novembro, ás 18:00 horas, na Casa do Mar de San Ciprián, haberá unha charla baixo o título Autoestima. Aprende a valorarte, a cargo de Prudencia Santasmarinas (Pencha).
A continuación, o grupo de teatro Ardora de San Ciprián, collerá o testigo representando un sketch dirixido por Paz Rodríguez Silva; co título Grandeza de ser muller.
En canto remate a obra, terá lugar unha parolada en feminino entre todas e todos os asistentes ao acto.
A programación do acto, organizado pola delegación de Igualdade que dirixe Pilar Armada, foi consensuada por todas as asociacións de mulleres do municipio; Alborada, Asoc. De...
leer más
O Concello de Cervo, a través da delegación de Cultura que dirixe Dolores García Caramés, celebrará un ano máis o Samaín con múltiples actividades dirixidas aos máis pequenos da casa.
Deste xeito, tal e como apuntou Caramés, deseñamos unha programación que abrangue dende o domingo 29 de outubro, ata o 1 de novembro, Día de Todos Os Santos.
De tal xeito, que para o domingo estamos a preparar un taller de cociña infantil, para nenos e nenas de entre 6 e 12 anos, que se desenvolverá na Casa do Mar, entre as 12:00 e as 13:30 horas.
O martes, 31 de outubro, terá lugar a Festa infantil entre as 18:30 e as 20:30 horas, na Casa do Mar de San Ciprián “que contará co espectáculo Casa Encantada, ademais de xogos, baile, maquillaxe de terror e moitas outras sorpresas terroríficas”.
... leer más
A parroquia de Rúa acollerá o vindeiro sábado, 28 de setembro, a segunda edición da Festa da Esfollada do Maíz.
A cita, foi presentada este mediodía polo alcalde de Cervo, Alfonso Villares, a edil de Cultura, Dolores García Caramés, o de Medio Rural, Plácido Pérez, e varios membros da Asociación de Veciños de Rúa Candelaria, organizadores do evento, coa colaboración do Concello.
A Festa arrincará ás 16:00 horas con xogos populares para nenos e maiores; e ás 18:00 horas terá lugar a esfollada do millo.
A partir das 20:00 horas está programada unha cea a base de empanada e pan da casa elaborados con fariña de trigo da Malla de Rúa, callos, postres, castañas asadas para os asistentes, viño e auga; por un prezo de 6 euros para os socios e de 10 euros para os non socios.
... leer más
O Concello de Cervo, a través da delegación de Deportes, prepara un álbum de cromos no que os protagonistas serán os alumnos das escolas deportivas municipais e os membros dos diferentes clubes do municipio.
Así o anunciaron o rexedor Alfonso Villares, e o edil de Deportes, José Ramón Soto, que se achegaron ata o pavillón de Cervo onde puideron ser partícipes dunha sesión de fotos.
O rexedor sinalou que ”pensamos neste formato porque nos parece unha forma diferente e orixinal para dar a coñecer e difundir a oferta deportiva do noso Concello, que abrangue multitude de disciplinas”; ao tempo que esta plataforma pretende ser unha homenaxe a todos aqueles, pequenos e maiores, que practican deporte no noso Concello, coa idea de que esa filosofía se transmita entre o conxunto da nosa veciñanza “porque cremos que o...
leer más
O XXIII Campionato de Tute Concello de Cervo reunirá a un centenar de xogadores. A competición comezará o vindeiro martes, 24 de outubro, e prolongarase ata o 21 de decembro.
A cita, xa máis que consolidada, foi presentada polo alcalde de Cervo, Alfonso Villares, o edil de Deportes, José Ramón Soto e por Félix Fernández, persoa que colabora desinteresadamente e que leva ao fronte do campionato dende os seus inicios.
Tal e como apuntaron as partidas xogaranse nos diferentes locais hostaleiros e asociacións do Concello que se sumaron á iniciativa; formando equipos de catro parellas.
Os establecementos escenario das partidas que se desputarán, salvo excepcións, cada martes e xoves son: Mesón A Ría, O Trasgo, O Almacén, Telvi´s Place, Atxuri, As Titas, A Cerve, Río de Oro, O Castelo e o...
leer más
A nova “Escuela de Artes Marciales de Cervo” impartirá todos os venres de cada semana no pavillón do Colexio CEIP Cervo Nº1 en San Ciprián clases de Iaido, o arte samurái de envaiñado e desenvaiñado da katana.
Esta actividade, que vai dirixida a todos os públicos, non consiste nunha modalidade de combate, senón que é unha modalidade na que un mesmo busca alcanzar a perfección do movemento, buscando unha total coordinación do corpo á vez que se mantén o equilibrio.
As clases, de carácter gratuíto, serán guiadas por Miguel A. Rojo, cinturón negro 3º Dan nesta disciplina, e aínda que van dirixidas a todos aqueles que se queiran achegar a practicar e coñecer esta disciplina, si que é recomendable ter algunha experiencia ou noción no mundo das Artes Marciais, xa que esta disciplina concíbese en Oriente como un nivel superior....