Barreiros
Desde Ollomao indican que “estamos arrancando a tope con actividades para esta primavera e para que non vos esquezades de ningunha, aí vos vai un resumo. Non están todas as que serán, pero sí as máis próximas. Na variedade está o gusto e temos para todos”.
O vindeiro domingo, 31 de marzo, ás 18 horas nas Escolas de Celeiro de Mariñaos terá lugar Botámoslle un conto? As rondallas de Celeiro.
Para o 7 de abril na Escolas Vellas de San Miguel de Reinante está previsto a presentación do obradoiro de teatro a partires das 17 horas.
E xa o 20 de abril Ollomao viaxará ata O Valadouro para representar O traballo de Andrea.
Esta fin de semana tivo lugar a presentación da carreira popular das praias á que acudiu a alcaldesa de Barreiros, Ana Ermida, o concelleiro de deportes, Dani García, xunto con membros da asociación organizadora A.C.D. Praias de Comado aos que lles agradeceron a “súa implicación en promover o deporte, especialmente entre a rapazada e, por crear un evento atractivo para Barreiros no que participan persoas de todas as idades”.
O evento deportivo conta con tres modalidades; ás 11:30 horas na praia de Altardarán comezo as probas infantís, á mesma hora, 11:30 terá lugar a saída da andaina desde a praia de Arealongaconchegada na praia de altar percorrendo todo o litoral barreirense. Xa, ás 12:00 horas, tamén na praia de Arealonga, terá lugar a saída da proba absolutana cal as e os participantes deberán salvar unha distancia de 9 km de area...
leer más
O Iberia Club de Fútbol anuncia que “chega o evento que a familia branquiazul agarda cada ano por estas datas, a nosa comida baile. Será o xoves 28 de marzo nos Colexios Vellos de San Miguel. Despois do éxito da pasada edición, onde pasamos a horario diúrno repetimos formato. Tamén como o ano pasado, antes do propio xantar haberá sesión vermú con DJ e bar aberto dende as 13horas”.
A organización do evento engade que “haberá sorteos, sorpresas e sobre todo un gran ambiente de festa nun ano ademais no que cómpre celebrar a traxectoria dos dous equipos, o sénior e o xuvenil, que están facendo unha gran tempada nos dous casos e que como non pode ser doutra maneira estarán representados pola práctica totalidade de ambas plantillas e corpos técnicos”.
As tarxetas para participar poden comprarse nos bares de San Miguel e a calquera...
leer más
O venres 29 de marzo a partir das 11:00 horas disputarase en Barreiros a décima edición da Carreira das Praias, que forma parte do circuíto de carreiras locais +KmsBarreiros, impulsado polo Concello de Barreiros desde a súa área de dinamización e participación veciñal.
As inscricións xa están abertas na web www.maiskmsbarreiros.gal, onde tamén se pode consultar toda a información do circuíto, das probas que o compoñen e ver as clasificacións completas.
A saída da Carreira das Praias de Barreiros será desde a praia de Arealonga e a meta estará no areal de Altar.
A asociación organizadora deste evento, Praias de Comado, programa para o mesmo día una andaina que percorrerá todo o litoral barreirense para deleite das persoas participantes.
O Concello de Barreiros ofrece unha nova edición do programa Escola de Familias, que volverá a ser impartida por Disciplina Positiva A Mariña e contará con 3 obradoiros que se desenvolverán mensualmente. O primeiro deles terá lugar o vindeiro 23 de marzo e tratará sobre o papel da familia na educación afectivo-sexual. O segundo versará sobre os modelos de relacións positivas e terá lugar o 27 de abril. E o terceiro e último obradoiro celebrarase o 25 de maio e afondará sobre o uso de internet e a sexualidade. As tres xornadas serán de 10:00 a 12:00 horas no centro sociocultural de San Cosme.
Estes obradoiros abordarán cuestións moi importantes na educación como son a igualdade, o respecto, a diversidade, a identificación e evitación dos abusos, as enfermidades de transmisión sexual, a autoestima e a autoconfianza.
... leer más
A Concellería de igualdade do Concello de Barreiros pon en marcha un novo programa de axuda á conciliación en época de vacacións escolares financiado a través da subvención de igualdade da Xunta de Galicia na liña de conciliación.
Así, preséntase o programa +CONCILIA MARZO que favorece a conciliación familiar para esta Semana Santa con actividades para os días 25, 26, 27 de marzo e 1 de abril de 2024 en horario de 9:30 a 13:30 horas.
Esta actividade está destinada a crianzas nadas do 01/01/2012 ao 31/12/2020 e será totalmente GRATUÍTA para as familias.
Desenvolverase no CEIP de San Cosme de Barreiros, aínda que de forma puntual e atendendo ao requirimento das actividades programadas farase uso doutros espazos ou instalacións próximas no termo municipal.
As...
leer más
O Concello de Barreiros iniciou a semana pasada unha serie de actividades enmarcadas no programa +Igualdade cunha xornada formativa para o persoal da Escola Infantil Municipal centrada na detección temperá de sinais de alarma que afectan ao desenvolvemento evolutivo das nosas crianzas. A xornada formativa foi impartida de xeito altruísta pola Asociación Guillén Veiga Iglesias e responde á aposta deste goberno pola formación troncal e continuada das persoas que educan ás nosas crianzas desde os seus primeiros anos de vida, que son claves no axeitado desenvolvemento integral das mesmas.
A alcaldesa, Ana Ermida, expresou que "Consideramos fundamental promover unha educación igualitaria desde as etapas máis temperás da vida. As actividades do programa +Igualdade son clave para construír unha sociedade máis xusta e equitativa".
Neste...
San Miguel de Reinante, no concello de Barreiros, celebra as festas de San Rosendo desde o día 1 ata o 3 de marzo. Serán na Praza da Igrexa, onde se instalará unha carpa.
As actividades empezarán o venres 1 ás 20:00 horas con degustación gratuíta de tapas elaboradas con carne de poldro nos bares de San Miguel.
O sábado 2 ás 13:00 horas haberá misa con procesión; e a continuación actuará a sección infantil da agrupación folclórica O Arco da Vella, seguida de sesión vermú amenizada pola orquestra Solara. Ás 17:00 horas disputarase o segundo trofeo de fútbol San Rosendo, que enfrontará ao Iberia co Pastoricense no campo de As Valgas. A partir das 20:00 horas haberá unha nova degustación gratuíta de tapas elaboradas con carne de poldro nos bares de San Miguel. E rematará a xornada festiva con verbena, na que actuarán...
leer más
Este venres, 16 de febreiro, terá lugar en Barreiros o gran desfile de Entroido no que xa hai inscritos uns 400 participantes entre comparsas, grupos de adultos e infantís así coma parellas e disfraces individuais.
O desfile dará comezo ás 21:00 horas na Praza do Concello onde terá lugar a primeira exhibición para continuar por Rúa Vila; sentido Ribadeo, Estrada da Praia; Teleclub, e finalizando a carón do centro sociocultural onde os participantes farán a segunda e última exhibición.
Posterior ao desfile haberá festa amenizada por DJ EVENTEC a carón do centro sociocultural onde público e participantes poderán atopar postos de comida; Burguer Costa, Bocatería Anxo e Kebab Nena, así como colchoneta para a cativada. Ás doce da noite daranse a coñecer ás e os gañadores entre os que se repartiran 1.000 € en premios...
leer más
O Concello de Barreiros organiza actividades de Entroido para os días 11, 12, 14 e 16 de febreiro.
Este domingo, día 11, haberá festa infantil de disfraces con pintacaras, xogos e música. Será ás 17:00 horas no centro sociocultural con entrada libre.
Para o luns 12 e o mércores 14 están programadas actividades de Entroido para a cativada, de 10:00 a 13:00 horas no centro sociocultural. Para participar é Imprescindible inscrición previa no rexistro xeral do Concello de Barreiros.
O venres 16 celebrarase o desfile polas rúas de San Cosme con 1.000 euros en premios. Sairá ás 21:00 horas da Praza do Concello. Na rúa do centro de saúde haberá postos de comida e no exterior do centro sociocultural contaremos con DJ Eventec, que traerá moita festa para despois do desfile.
Colaboran...