Música
O grupo Milladoiro ofrecerá un concerto en Cervo o vindeiro sábado, 28 de agosto. Terá lugar na Fábrica de Cerámica de Sargadelos ás 21:00 horas con entrada de balde.
A reserva de entradas pódese facer a través do correo electrónico entradas@concellodecervo.com ou no teléfono 982 59 51 57, de luns a venres en horario de 9:00 a 15:00 horas. O aforo é limitado.
Colaboran na organización deste evento: Cervo Verán Cultura Segura e Xacobeo 21-22.
O vindeiro xoves, 26 de agosto, terá lugar o concerto benéfico que ofrecerá a Coral Polifónica de Ribadeo. Será no Teatro ás 20:30 horas. O prezo da entrada solidaria será de 5 euros.
O concerto será a beneficio da Asociación Española contra o Cancro. As persoas que non poidas asistir teñen á súa disposición unha fila 0 na que se poderán ingresas os donativos, se así o desexan. No Banco Santander hai habilitada unha conta para este fin.
O luns, 23 de agosto, haberá música na rúa en Cervo.
Na praza do Souto actuará A Banda da Loba a partir das dez da noite.
Inscriben media hora antes na mesma ubicación.
A Deputación de Lugo colabora, un ano máis, coa celebración do ResurrectionFest. Este evento musical, que nesta edición celebrarase entre o 26 e o 28 de agosto en Viveiro, conta cunha achega de 50.000€ do organismo provincial. O Presidente da Deputación, José Tomé Roca, anunciou este venres tras a reunión da Xunta de Goberno a adxudicación duncontrato de patrocinio deste evento musical, que se adaptará ás limitacións que esixe a situación sanitaria.
Tomé Roca recordou que “a Deputación de Lugo apostou dende o principio por este festival, ofrecendo un apoio que foi clave para que o Resu se consolidase como o que é hoxe: unha cita de referencia a nivel nacional e internacional, que atrae a miles de persoas e que produce un retorno económico de primeira orde para Viveiro e para toda A Mariña”.
Esta cita serve de...
leer más
O grupo musical galego A Banda da Loba actuará na Pontenova este sábado, día 21 de agosto. O concerto será na Praza dos Fornos ás 21:30 horas.
A Banda da Loba é unha formación galega integrada por cinco mulleres que decidiron unir as súas traxectorias individuais para dar voz a este proxecto. Destaca a creación dun repertorio propio baseado tanto en letras da súa autoría como en musicalizacións de poetas célebres ou outros textos tomados dos poemarios de escritoras contemporáneas. Todo isto, baixo un estilo ecléctico e heteroxéneo que bebe do rock, do pop, do folk... e fai do seu repertorio un fantástico caleidoscopio musical. En decembro de 2017 saíu á rúa o seu primeiro traballo discográfico, “Bailando as rúas”, no que contaron coa produción musical de Adrián Saavedra e as colaboracións de Guadi Galego e Tanxugueiras. Tras o gran éxito...
leer más
O venres, día 20 de agosto, ofrecerá un concerto o pianista Javier Peranes, dentro do Festival Bal y Gay. Será no Auditorio Municipal, ás 20:30 horas. A venda de entradas faise a través da web do Festival.
Tamén incluído na programación do Bal y Gay, o día 21 actuará Cantoría-Ensalada Musical, nun concerto ideal para público familiar. Terá lugar no Teatro ás 12:00 horas e a entrada é de balde.
O domingo, día 22 de agosto, o grupo Remakers tocará no Forte de San Damián ás 20:30 horas dentro do ciclo Soa Forte. Nesta ocasión non hai venda anticipadas de entrada e o despacho de billetes farase a partir das 19:30 horas. O prezo da entrada é de 3 euros.
Viveiro acolle este sábado, 21 de agosto, o concerto da Orquestra Vigo 430, que conta coa guitarrista Alexandra Whittingham e a directora Jhoanna Sierralta.
A actuación será no Teatro Pastor Díaz ás 19:00 e enmárcase na programación do “Xacobeo 21-22”.
Para acudir á representación, compre reservar as entradas no teléfono 982560162 en horario de 9:00 a 14:00 ou no enderezo electrónico: rbg.cultura@viveiro.es
Un dos espectáculos incluído no ciclo Concertos na Fin do Mundo, que organiza a Xunta de Galicia, será no municipio de Cervo, concretamente nas inmediacións do Faro de San Ciprián, o día 10 de setembro, venres. Actuarán o famoso cantante vasco Mikel Erentxun e as galegas Yoly Saa e Russinha.
As entradas para este concerto están á venda e poden mercarse a través do seguinte enlace:
https://concertosnafindomundo.com/faro-sancibrao-cervo/
A organización explica que “Concertos na Fin do Mundo é unha experiencia máxica, enmarcada na programación do Xacobeo 21-22, que terá lugar nalgún dos máis fermosos e impresionantes faros da costa galega. Un ciclo de concertos íntimos con capacidade moi limitada e unhas propostas artísticas preparadas para...
leer más
Este domingo, 22 de agosto, chega a Barreiros o VIII Festival Bal y Gay co concerto do grupo Hércules Brass Quinteto de metais.
Hércules Brass Quinteto de metais nace na Coruña no ano 2012 e está formado por novos profesionais de vento metal cunha longa experiencia tocando xuntos, principalmente na Orquestra Nova da Sinfónica de Galicia e na Joven Orquesta Nacional de España (JONDE).
A cita será o domingo, 22 de agosto, na Capela de San Bartolo ás 13 horas. Entrada libre ata completar aforo.
A actividade desenvolverase atendendo ás medidas sanitarias, polo que as persoas que asistan deben facelo exclusivamente polo lugar habilitado, previa identificación e permanecer nos asentos asignados. Non estará permitido o consumo de comida ou bebida no recinto. Uso obrigatorio de máscara durante...
leer más
A Banda de Ribadeo ofrecerá o seu tradicional concerto dedicado á música de cine este sábado, día 21, ás 22:00 horas enfronte do edificio de Aduanas ribadense, xunto ao parque de San Francisco. En caso de mal tempo esta actuación aprazaríase.
O director da Banda Municipal de Música de Ribadeo, David Ballester, anuncia que este concerto “vai constar de obras de diferentes películas (de animación, de acción, …) coñecidas tanto por novos como por non tan novos e mentres que interpretamos as bandas sonoras estaranse proxectando nunha pantalla escenas desas películas”.
David Ballester destaca que a gran maioría das pezas de bandas sonoras incluídas no programa “serán interpretadas por primeira vez pola Banda de Ribadeo, o que hai que ter en conta porque iso quere dicir que segue funcionando ben”.
... leer más