Música
Entre os días 4 e 11 de decembro celébrase en Ribadeo a sétima edición do Festival de Jazz & Blues de Ribadeo. As actuacións terán lugar no Auditorio Municipal Hernán Naval ás 20:00 horas. As entradas numeradas están á venda en https://www.gameoverpro.es.
O sábado, 4 de decembro, o festival dará comezo co concerto que ofrecerá Marlango. Este grupo, con claras influencias de jazz e blues, xurde a finais dos 90 en Madrid e está formado por Leonor Watling e Alejandro Pelayo, que agora presentan o seu novo traballo, realizado durante o confinamento, titulado La Cruda.
O 8 de decembro o festival continuará coa actuación de Austin Slack, músico británico que con tan só 21 anos, ten tocado en máis de 1.400 concertos e colaborado con bandas como Maná e Love of Lesbian,...
leer más
A Escola Municipal de Música e Danza (EMMeD) de Ribadeo celebra o mércores, 24 de novembro, ás 20:00 horas no Auditorio Hernán Naval o seu tradicional concerto na honra de Santa Cecilia, patroa dos músicos. Esta será a primeira actividade que realiza neste curso escolar.
Polo escenario pasarán alumnas e alumnos da Escola que interpretarán obras que van desde Piazzolla ata música popular galega. Agrupacións de vento, tecla, danza, entre outros, dan forma ao programa deste concerto, aberto ao público e gratuíto.
Esta actuación é a previa do gran festival de Nadal que a Escola celebrará o vindeiro 18 de decembro no Auditorio Municipal Hernán Naval e no que participará a maioría do alumnado do centro.
O Concello de Cervo organiza o concerto de Los Alcántara que se celebrará este sábado, 20 de novembro. A actuación terá lugar na praza do Souto, ás 21:00 horas.
Este concerto forma parte do ciclo O Son do Nordeste que levará, ata o vindeiro mes de decembro, varias actuacións de grupos con diferentes estilos de música en distintos emprazamentos do concello.
Los Alcántara ofrecen versións de cancións españolas das décadas dos 60 e os 70.
Este domingo, 21 de novembro, ás 17:00 horas, actuarán nas Anzas as Pandereteiras da Asociación Amigos da Gaita, continuando co ciclo Cultura nas Parroquias.
Tamén o domingo ás 20:00 horas no Auditorio Hernán Naval, ofrecerá un concerto De Botóns cunha selección de repertorio tradicional galego e das comarcas da contorna adaptadas e arranxadas para o instrumento chamado de botóns, que era como se lle chamaba ao acordeón diatónico en moitas zonas de Galicia. Ademais engádese un apartado de fotografías históricas de acordeonistas cun empeño singular por parte dos autores de rescatar fotos onde aparecesen mulleres tocando un instrumento tradicionalmente vinculado ao home. Despois de cinco anos dun traballo de recompilación de fontes orais e escritas, Carlos Quintá e Pedro Pascual presentan esta antoloxía de repertorio que xurde tanto dos...
leer más
A Banda de Música O Landro, de Viveiro, ofrecerá un concerto este sábado, 20 de novembro. A actuación terá lugar no Teatro Pastor Díaz, ás 20:30 horas.
Este concerto, baixo a dirección de Carlos Tirimaos, celébrase na honra de Santa Icía.
A reserva de entradas pódese facer, de luns a xoves, no teléfono 982 560 162, en horario de 9:00 a 14:00 horas; ademais no correo electrónico rbg.cultura@viveiro.es e en taquilla desde unha hora antes da función. A entrada é de balde.
Organiza este evento a Banda de Música O Landro coa colaboración da Concellería de Educación de Viveiro.
A Banda Municipal de Música de Ribadeo ofrecerá o seu tradicional concerto de Santa Cilla este sábado, 20 de novembro, ás 20:30 horas no auditorio municipal Hernán Naval. Nesta actuación a Banda tocará por primeira vez oito das nove pezas incluídas no programa e participarán tres solistas.
O director da formación, David Ballester Martínez, anunciou que “despois dun breve descanso, tras actuar nas festas patronais, a Banda Municipal de Música de Ribadeo retoma a súa actividade e, como non podía ser menos, faino co concerto de Santa Cilla, a patroa dos músicos. Este sábado, 20 de novembro, ás 20:30 horas no auditorio Hernán Naval terá lugar ese concerto e, como soemos facer en Santa Cilla, sempre nos gusta que algún dos nosos músicos pase pola experiencia de tocar de solista. Neste caso vamos ter tres: un pianista, que vai ser o alumno da...
leer más
O Concello de Foz organiza unha programación denominada Novembro Musical, xunto a coa Escola Municipal de Música e a Banda.
A concelleira de Cultura, Inés López Couto, anuncia que “novembro comeza cargado de ritmo en Foz. A Escola de Música Municipal Arcadio Mon levará a cabo na sala Bahía dúas actuacións os días 6 e 13 de novembro ás 20 horas. A primeira será da DKBand, un combo da Escola de Música que interpreta composicións de blues, rock e pop rock. A segunda actuación será do Combo de Jazz, que nos deleitará coas mellores pezas deste xénero”.
Na presentación destas actuacións o alcalde de Foz, Fran Cajoto; a edil de Cultura, Inés López; e o director da Escola Municipal de Música, Felipe Sánchez, mostráronse satisfeitos de que se recupere a actividade musical.
Inés López deu a...
leer más
A música protagoniza a fin de semana en Ribadeo.
O sábado, 30 de outubro, o pianista e compositor compostelán Abe Rábade ofrecerá un concerto ás 20:30 horas no Auditorio Municipal Hernán Naval. O prezo da entrada é de 4 euros. O mesmo sábado terá lugar unha masterclass, no propio auditorio, de 17:00 a 2000 horas. As prazas serán limitadas a 40 e o prezo de inscrición é de 20 euros para os asistentes en xeral, 18€ para os alumnos e alumnas da Escola Municipal de Música e Danza de Ribadeo e 15 euros para os socios da Asociación Cultural Bruar, organizadora destas actividades. O teléfono de contacto é 677 73 40 84.
O domingo, 31 de outubro, ás 20:00 horas, no Auditorio Municipal Hernán Naval, presentarase Maestrissimo. As entradas están á venda en www.gameoverpro.es e o propio...
leer más
A Concellería de Cultura de Burela programa un concerto do grupo Música Miúda este sábado, 23 de outubro, para conmemorar o Día das Bibliotecas que se celebra o 24. Terá lugar no auditorio da Casa da Cultura ás 18:00 horas con entrada libre.
Música Miúda é unha banda de música infantil e contacontos, nacida no ano 2019, formada por Irene Quintero, Miguel Alonso e Oscar Martínez, mestres e músicos. Eles interpretarán cancións propias para público infantil a partir de 3 anos.
No concerto deste sábado ofrecerán unha recompilación dos temas da banda nun formato eléctrico, voces, guitarras, percusión e baixo, coa incorporación de Manu Pazos. Neste espectáculo danse a man os dous contacontos musicais deste proxecto, Historias de Bemol Pequeno e Cambia o conto. A meiga Xela, o dinosaurio Pepón, Antía Carapuchiña, o...
leer más
O Concello de Cervo, a través da delegación de Cultura, presenta o programa “A Caixa de música”, un ciclo de concertos de música clásica e de bandas que terán lugar en diferentes puntos do Concello nos vindeiros meses.
Este programa terá a súa apertura este martes na Praza do Souto co concerto da Banda Municipal de Música O Landro de Viveiro ás 13:00H.
A Caixa de música pretende ser un programa dirixido a toda a familia polo que os concertos serán en fins de semana ou festivos á hora do mediodía.
Segundo a Concelleira de Cultura Dolores García Caramés “é un xeito de complementar o diverso abano de oferta musical que durante todo o ano levamos a cabo no noso Concello e deste xeito tamén achegamos á nosa veciñanza estilos de música para todos os gustos”.
Engade...
leer más