Gastronomía
O Mercado dos Domingos pecha a temporada de 2022 en Ribadeo o 9 de outubro con diversas actividades.
O Mercado dos Domingos pecha a temporada de 2022 o vindeiro 9 de outubro. Esa xornada haberá un obradoiro de cociña con produtos da horta, tapas nalgún dos locais da contorna da praza de abastos e música. As actividades foron presentadas polo concelleiro de Desenvolvemento Local, Pablo Vizoso.
O edil ribadense contou que “o mercado dos Domingos de Ribadeo chega ao seu fin de tempada. Este mercado dunha longa traxectoria é xa unha cita obrigada para moitas persoas de Ribadeo e da nosa comarca, que atopan nel produtos ecolóxicos e de proximidade coma queixos, pan, doces, embutidos, cervexa artesanal, setas, zumes, marmeladas e moitos outros produtos de artesáns e variados da nosa zona”.
Vizoso Galdo dixo: “o Mercado dos Domingos pode considerarse como un dos principais escaparates da Mariña de produtos locais...
leer más
Mañá, venres, comezan as actividades da trixésima edición da Festa da Faba de Lourenzá, declarada de Interese Turístico Galego. Os actos desenvolveranse ata o domingo, 2 de outubro.
A alcaldesa, Rocío López, anuncia que “os actos arrancan o venres ás 19:30 horas cun espectáculo de maxia de Cayetano Lledó no Claustro do Mosteiro. A continuación terá lugar a tradicional cata de viños, este ano a cargo da adega Fanrelo, da Denominación de Orixe Monterrei; e para acompañar haberá unha degustación de tapas con fabas preparadas pola Asociación Provincial de Cociñeiros de Lugo. O toque musical virá da man do grupo Diavolinos”.
A rexedora engade que “o sábado a tarde haberá unha actuación do grupo de música tradicional Osorio Gutiérrez, seguido dun concerto do grupo Airiños da Freba. A orquestra Principal será a encargada...
leer más
Acisa prepara unha nova edición das xornadas gastronómicas Asturias en Ribadeo, que se celebrarán os días 21, 22 e 23 do vindeiro mes de outubro. Este foi un dos asuntos abordados no encontro mantido pola xunta directiva do colectivo empresarial, que anima á hostalería local a inscribirse e participar nesta cita.
A presidenta de Acisa Ribadeo, Carmen Cruzado, subliñou que “retomamos con esta cita algunhas propostas de anteriores directivas que tiveron unha grande acollida tanto entre os locais hostaleiros como entre a súa clientela. Por este motivo decidimos apostar polas xornadas gastronómicas Asturias en Ribadeo, que se van celebrar do 21 ao 23 de outubro. Queremos render así homenaxe á veciñanza asturiana, que todas as fins de semana do ano se achega ata Ribadeo a tomar os viños, os vermús, a comer, a cear, a pasear ou a mercar no...
leer más
Ribadeo será escenario os días 23 e 24 de setembro do FestivalEo da Alimentación Sustentable, que organiza Eo Alimenta. O evento foi presentado este mediodía.
O concelleiro de Desenvolvemento Local, Pablo Vizoso, sinalou que “en Ribadeo no parque de San Francisco o venres 23 e o sábado 24 de setembro celebraremos a primeira edición do FestivalEo da Alimentación Sustentable, unha mestura de feira de alimentación de produtoras e produtores agroecolóxicos de proximidade, de artesanía, espazos de exposición, de debate e de dar a coñecer proxectos de realidades asociativas e empresariais relacionadas coa produción, coa distribución e co consumo de alimentos. Haberá moita actividade musical e animación durante estes dous días, como se recolle no amplo programa”.
O edil ribadense dixo: “aproveito para agradecer a axuda...
leer más
O Concello de Burela celebrará este venres 23 de setembro a primeira colleita dos hortos urbanos cunha xuntanza entre todos os usuarios. Será a partir das 18 horas no espazo alugado polo concello para o cultivo.
Cada persoa poderá levar os produtos que desexe para compartir nesta merenda social, e o concello habilitará mesas e aportará a animación musical.
Tamén asistirán técnicos da Deputación de Lugo que participaron nas formacións sobre os hortos urbanos.
O alcalde de Burela, Alfredo Llano, convidou a participar “nesta xornada de convivencia para celebrar que o traballo destes meses dá os seus froitos, compartindo a experiencia entre todas as persoas, un punto moi importante desta iniciativa, a interacción social”.
Medio Rural da Deputación de Lugo impulsa o FestivalEo da Alimentación Sustentable, que se celebrará o venres 23 e o sábado 24 en Ribadeo co obxectivo de promocionar e poñer en valor a alimentación e a artesanía de proximidade.
A deputada Mónica Freire explicou que “se trata dunha iniciativa transversal dentro das liñas estratéxicas impulsadas dende a área de Medio Rural da Deputación de Lugo, xa que procura a redución da dependencia de materias primas do exterior dadas as condicións que se están dando tanto dende o punto de vista de cambio climático coma da escaseza nos mercados internacionais”.
“Debemos ser capaces de camiñar cara a soberanía alimentaria, fundamentalmente dende a produción primaria agraria. Actividades tan dinámicas como o propio Festival Eo de Alimentación Sustentable ou proxectos como a...
leer más
A laurentina Marina Oural Villapol será a pregoeira da trixésima edición da Festa da Faba de Lourenzá, que se celebrará do 30 de setembro ao 2 de outubro. A lectura do pregón está programada para o sábado 1 de outubro ás 12 horas na praza do Conde Santo.
Marina Oural Villapol (Lourenzá, 1968) é directora, docente e produtora. Filla e neta de labregas/os, de nena quería estudar coreografía. Técnico en Relacións Públicas, traballa no Coliseum de A Coruña para a Concellaría de Cultura e Deporte e crea o seu propio gabinete ATANA (A Coruña 1993-2009), producindo contextos para colectivos, concellos e Xunta de Galicia ao tempo que imparte aulas desta profesión en diferentes escolas. No 2009 disolve a vida na cidade e volve á aldea natal laurentina. Alí atópase de cheo coa psicóloga e cantora Ugia Pedreira; comezan dúo artístico ao tempo que co-...
leer más
Este domingo, 11 de setembro, celebrarase no Mercado dos Domingos unha nova edición do Día do Produto Local, unha xornada para poñer en valor a compra e o consumo dos produtos de proximidade.
O concelleiro de Desenvolvemento Local, Pablo Vizoso, explica que “por este motivo, ao longo da mañá do domingo, ademais da venda directa dos produtores e produtoras que forman parte habitualmente deste mercado, terán lugar unha serie de actividades para todos os públicos”.
O edil ribadense conta que “arredor das 11da mañá haberá unha exposición, da man do CEFEA Pedro Murias, na que se amosarán as diferentes variedades de tomates, pementos e cabazas cultivadas no propio centro para despois disfrutar dunha degustación dos mesmos. Aprenderemos tamén un pouco máis sobre cultivos e os coidados nunha actividade para todas as...
leer más
A alcaldesa de Lourenzá, Rocío López García, e o concelleiro de Cultura e Festexos, Manuel Arango Ron, presentaron o cartel da XXX Festa da Faba, que se celebrará entre o 30 de setembro e 2 de outubro. O cartel escollido este ano polo Concello de Lourenzá é obra da deseñadora gráfica laurentina Codés Lillo Irimia.
Manuel Arango anuncia que “nos próximos días darase a coñecer o contido da programación desta edición, que volverá ter o formato tradicional despois de dous anos nos que non se puido celebrar por culpa da pandemia”.
A Vicepresidenta do Consello Provincial de Turismo e Deputada de Réxime Interior, Promoción do Territorio e Turismo, Pilar García Porto, presidiu no Salón de Plenos do Pazo de San Marcos a sesión extraordinaria deste órgano participativo e consultivo na que se fallaron os terceiros premios á excelencia do turismo e a gastronomía da provincia. Ademais, esta edición recoñecerá tamén a sustentabilidade co premio de Turismo Sostible, exclusivo desta edición ao estar enmarcado dentro das accións que a Deputación de Lugo leva a cabo como antesala do evento Copa España Creativa - Fórum Lugo 2022.
Na categoría Lugo Cambia ao Turismo Lucense, o xurado distinguiu á Asociación Veciños de Vilachá de Salvadur; a Ruta da Faba de Lourenzá; ea Fundación Xosé Soto de Fión, e na de ...E para comer, Lugo á gastronomía lucense gañou o Consello Regulador da DO...
leer más