Deportes
O vindeiro domingo, 10 de xuño, terá lugar a carreira A Mariña Mediolanum 15K entre Burela e Foz. A proba presentouse esta mañá en Burela nas inmediacións do areal do Cabaliño.
A saída será ás 11 da mañá desde as inmediacións do Activity Center, en Burela, e a chegada será na praza Conde Fontao, de Foz. A proba é a segunda do circuíto 15K series Banco Mediolanum. Esa xornada tamén terá lugar unha andaina popular con saída ás 10 da mañá. Desde a organización subliñan que haberá autobuses gratuítos desde o peirao de Foz, tanto antes como despois da devandita proba.
Haberá 3 premios para os primeiros clasificados absolutos nas categorías masculina e feminina. O primeiro será de 200 euros, o segundo de 150 euros e o terceiro de 100 euros.
No acto de presentación Serafín Martínez, director...
leer más
O Concello de Cervo abrirá este verán as piscinas de Río Cobo.
Así o anunciou hoxe o alcalde Alfonso Villares, quen acompañado polo edil de Obras, a de medio ambiente, por algúns dos alcaldes pedáneos e técnicos municipais, estivo supervisando os traballos preparativos e de acondicionamento que se están a levar a cabo estas últimas semanas “para que a veciñanza poida facer uso destas instalacións, tanto das piscinas, como das pistas de squash, de fútbol sala, e de tenis que conforman o complexo; idóneas para poder desfrutar de momentos de ocio e lecer nestas datas que se aproximan”.
O rexedor recordou que o ano pasado tan só puidemos contar con cinco socorristas, o que nos impediu dar cobertura ás praias e a estas piscinas, polo que non puidemos abrilas ao público, pero nesta ocasión, a previsión é a de dispoñer...
leer más
Os días 9 e 10 de xuño disputarase na vila o XV Torneo de Fútbol Base Benxamín e Prebenxamín, que organiza a SD Ribadeo. O evento foi presentado no Concello. Ao acto asistiron o concelleiro de Deportes, David Rivas, o presidente de Acisa, Francisco Iriarte, a presidenta da SD Ribadeo, Sandra Nonide, e outros representantes deste club ademais do técnico municipal de Deportes e do xerente da Asociación de Comerciantes.
No torneo prebenxamín, que se disputará o sábado, daranse cita 21 equipos, que xogarán entre as dez da mañá e as dez da noite no estadio municipal Pepe Barrera e no campo do CEIP Gregorio Sanz. A final está previsto que se dispute ás nove da noite.
E no torneo benxamín o domingo participarán 27 equipos. O torneo terá lugar entre as 10:30 e as 17:45 horas, momento no que dará comezo a final. Haberá...
leer más
O alcalde, Alfredo Llano, amósase satisfeito tras coñecer que a Volta Ciclista a España pasará o 6 de setembro por Burela. Trátase dunha etapa longa, de 179 quilómetros, que sae de Mondoñedo e remata en Estaca de Bares.
O rexedor burelés salienta que “hoxe tivemos a noticia, creo que moi interesante con respecto ao deporte, de que o próximo 6 de setembro vai pasar a Volta Ciclista a España polo noso concello, vai cruzar por Arcadio Pardiñas”.
Alfredo Llano lembrou que “é un tema do que xa tíñamos falado en Fitur este ano. Xa daquela ían tratar de que pasase polo noso concello, e agora acaban de confirmalo para o día 6 de setembro”.
O alcalde explicou que “é unha etapa longa de 179 quilómetros que remata en Estaca de Bares, e que comeza en Mondoñedo”.
Llano...
leer más
O Presidente da Deputación e Alcalde da Pontenova, Darío Campos Conde, avanzou que a sétima edición da Subida á Pontenova, que terá lugar durante a fin de semana do 2 e 3 de xuño, conta co principal patrocinio cunha achega de 7.000 euros da Deputación e 4.000 euros do Concello, que este ano aumentou o número de participantes con respecto ao ano pasado. Un evento deportivo que, pese ao seu recente nacemento, no ano 2011, xa está consolidado dentro do calendario autonómico, como proba puntuable para o Campionato Galego de Montaña.
O Goberno da Deputación decidiu colaborar na organización desta popular subida cunha achega de 7.000 euros para promover o turismo e dinamizar a economía da localidade mariñá, posto que o evento reunirá a uns corenta pilotos e milleiros de afeccionados, chegados de toda a xeografía galega e das localidades veciñas...
leer más
O salón de plenos do Concello acolleu a presentación do XI Torneo de Fútbol Infantil, que organiza a SD Ribadeo e que reunirá na vila os días 2 e 3 de xuño a un total de 24 equipos. No acto participaron o concelleiro de Deportes, David Rivas, a presidenta da SD Ribadeo, Sandra Nonide, o presidente de Acisa, Francisco Iriarte, o técnico municipal de Deportes, Iván López, e Miguel Peña, membro da directiva saínte da SD Ribadeo.
O edil de Deportes dixo que “desde o Concello debemos felicitar á SD por esta labor que fai todos os anos. Levar quince anos consecutivos organizando estes torneos de verán non é fácil, e máis agora co complicado que se puxo a organización de calquera evento coa lei nova do deporte. Esta xente non só celebra os torneos e os mantén ano tras ano, senón que aínda aumenta o número de equipos. Queremos desde o Concello...
leer más
A Academia Imdecum regresa ao IES Monte Castelo na sétima edición das súas Xornadas do Deporte con ‘Ocio, tempo libre e discapacidade intelectual’, a través de Special Olympics Galicia e a Fundación Eu Son, e o ultrarunning, co mariñán Siro Maseda.
O ciclo arrincará este xoves, 31 de maio, coa presenza da directora técnica de Special Olympics Galicia, Eunice Mosquera, o técnico de Deportes da Fundación Eu Son, Pablo Martínez, e os participantes Pablo López e José Pernas. O xoves 7, será a quenda de ‘Valores e deporte a través da montaña’.
A iniciativa, que conta ademais coa colaboración da Deputación de Lugo e o IES Monte Castelo, está destinada a alumnado e titulados/as do ciclo superior de Actividades Físicas e Deportivas do centro burelao, monitores deportivos e demais profesionais relacionados co deporte, así...
leer más
Os Sendeiros de Foz, en colaboración coa Escola Galega de Alta Montaña, organiza un curso de montañismo estival durante o mes de xuño.
O obxectivo da actividade é iniciar aos participantes no montañismo para chegar a realizar con autonomía e seguridade itinerarios sinxelos por montaña, non balizada, en terreos non nevados. O lugar de celebración será na comarca de Foz, e o sitio e a data poderán variar en función das condicións meteorolóxicas.
O prezo é 70 euros para as persoas federadas e 78€ para as non federadas, debendo aboarse na conta do Banco Sabadell. O aloxamento correrá a cargo de cada un, e a organización recomenda que a manutención sexa coa comida típica de monte e bebida que terá que levar á montaña cada día. Para o transporte os organizadores suxiren compartir coche co fin de facer un uso racional do...
leer más
O presidente do C.D. Lugo, Tino Saqués, reuníusec os responsables políticos dos Concellos de Cervo, Viveiro, Ourol, Xove e o Vicedo para presentar o programa “A nosa terra.Os nosos nenos”.
O obxectivo principal deste programa é o de achegar o clube a todos os rincóns da provincia para así crear un sentimento de unión a través de diferentes actividades.
A campaña dará comezo o próximo 31 de Maio no Campo de A Veiga en San Ciprián entre as 11 e as 12:30 horas.
Este primeiro contacto vai consistir nun adestramento da primeira plantilla do C.D. Lugo, o cal terá entrada libre a calquera que se queira achegar. Ademáis, continuarase cunha visita por parte dos membros do primeiro plantel aos colexios do resto dos Concellos de Viveiro, O Vicedo e Ourol. A idea é que os escolares de Cervo, San...
leer más