Foz
O alcalde de Foz, Fran Cajoto, anuncia o acendido do alumeado de Nadal para este venres, día 3 de decembro, ás 18.30 horas cun evento denominado Bright Friday (Venres Luminoso). Terá lugar na Glorieta de Vilalba, debaixo da árbore, coa actuación musical do director da Escola Municipal de Música, Felipe Sánchez, se as condicións meteorolóxicas o permiten.
A tenente de alcalde e concelleira de Cultura, Inés López Couto, destaca “o gran traballo realizado pola empresa contratada para a instalación das lucense de Nadal e os operarios e técnicos municipais, que están a ultimar grilandas, adornos e lámpadas para que Foz brille na noite deste venres. Pouco a pouco imos mellorando. Creemos no Nadal e na ilusión que lles fai aos máis cativos e o importante que é tamén para o comercio local. Continuamos a engalanar todas as parroquias e dispuxemos...
leer más
A asociación Os Sendeiros de Foz organiza unha ruta por A Pontenova que terá lugar o 12 de decembro, á Fraga das Reigadas.
A saída será ás 8:30 horas de Foz, diante de Cenor, e ás 8:45 desde Ferreira. O percorrido ten unha lonxitude de 12 quilómetros e rematará en a Tenda de Manolo.
Para participar é obrigatorio anotarse, antes do 10 de decembro, a través dos teléfonos 606 718 482 e 670 369 017 ou do e-mail ossendeiros@yahoo.es. O prezo é 25€ para os socios federados, 29 euros para os socios non federados e 33€ para os socios temporais. Inclúese o xantar que, se a situación sanitaria o permite, terá lugar en Lar de Balbina en A Pontenova.
A organización recomenda levar equipo de sendeirismo e mascarilla e informa que a ruta ten un nivel de...
leer más
O Concello de Foz, en colaboración coa ACIA-CCA, organiza unhas xornadas gastronómicas dedicadas ao porco celta do 4 ao 6 de decembro. Foron presentadas hoxe, martes, polo alcalde, Fran Cajoto; o concelleiro de Turismo e Asuntos Económicos, Chema Linares; e o presidente de ACIA Foz, José Carlos Paleo.
Na presentación anunciaron que “nesta xornadas, co lema Ponte… a gusto, durante a ponte da Constitución poderemos degustar diversos pratos e tapas baseadas no porco celta en diferentes establecementos hostaleiros de Foz. Animamos a todas e todos a acudir á vila e degustar un bo raxo, un churrasco e outras preparacións elaboradas con carne de porco celta”.
A próxima fin de semana -venres 26 e sábado 27 de novembro- na Libraría Bahía, de Foz, celebran a segunda fin de semana solidaria.
Desde o establecemento explican que “o 10% das vendas destes dous días ímolo destinar a achegar un libro ás nenas e nenos con menos recursos do concello de Foz. En colaboración cos Servizos Sociais, cada unha delas terá un cheque regalo co que se poderá achegar á libraría a escoller o libro que máis lles guste”.
E engaden: “este é o segundo ano que levamos adiante esta acción e con ela pretendemos mandar unha mensaxe solidaria que consideramos necesaria: merquemos pensando tamén nos demais, sempre”.
Para conmemorar o Día internacional contra a violencia de xénero o Concello de Foz organiza unha concentración este xoves, día 25, e colabora nun taller destinado a pais e nais, que terá lugar o domingo 28.
“Dende a Delegación de Muller e Igualdade do Concello de Foz lanzamos este ano a campaña Foz non cala ante a violencia de xénero, sumándose así á conmemoración do 25N. O obxectivo é concienciar á poboación da importancia dunha educación en igualdade, respectuosa e afectiva”, anunciou a concelleira Ana Rojo, quen engadiu que “o Concello vén de colaborar cos nenos e nenas e a Anpa do colexio N° 1; coa temática do día 25N o alumnado de cada curso plasma a modo de debuxos a denuncia e rexeite desta lacra, destacando unha convivencia afectiva e respectuosa. Os traballos están expostos en comercios de Foz e parte deles poderán verse nun...
leer más
A asociación O Noso Foz e o Concello están dando as últimas pinceladas á gala que este sábado, día 20, dará a coñecer o nome do rei do Entroido de Foz.
A xornada estará chea de actividades dende o mediodía, no que as charangas comezarán a animar as rúas ata a hora do xantar, para o que a ACIA local e os hostaleiros se prestaron á elaboración de menús para que o Entroido estea presente en toda a vila. A concelleira de Cultura, Inés López Couto, quere “darlle as grazas ao comercio e hostalería focense, por prestarse sempre a colaborar e atender as nosas propostas. Neste caso os menús carnavaleiros estarán presentes no Chícaro, Xoyma, Tangarte, Portochico, O Rincón do Mis, Dandy, As Brasas, O Lar e Casa Damián.”
Ás 17 horas retomarase de novo a música polas rúas e na carpa instalada na praza Conde de Fontao, tamén ás...
leer más
O día 11 de novembro celébrase o Día das Librarías. Cielo Fernández, de Libraría Bahía, conta que “este ano por primeira vez neste día está permitido un 10% de desconto en todos os libros”.
E subliña que “na Libraría Bahía faremos este desconto, ademais de sacar os libros á rúa e animala con altavoces nos que soará durante toda a xornada música que, dalgún modo, garda relación cos libros e as librarías. Tamén sortearemos 5 mochilas infantís dun querido personaxe de conto das nenas e nenos”.
Cielo Fernández engade que “desde o gremio de Librarías de Galicia, e desde a Confederación de Gremios do Estado, pretendemos que este día colla cada vez máis forza e sirva para reforzar a imaxe das librarías como espazos que promoven a cultura, que crean valor cultural nas vilas e cidades, rexentados por profesionais que...
leer más
En Foz celebrarase un evento o día 20 de novembro, sábado, para elixir ao rei ou raíña do Entroido 2022. Será na Praza Conde de Fontao ás 19:00 horas, onde tamén haberá actuacións musicais.
Ademais ese día haberá menús especiais na hostalaría de Foz e animación musical polas rúas durante toda a xornada.
Está organizado pola asociación O Noso Foz coa colaboración do Concello e do Centro Comercial Aberto de Foz.
Foz acolle unha nova edición do ciclo de charlas médicas que organizan o Concello e o Hospital Público da Mariña. Serán os días 10, 18 e 24 de mes na Casa da Cultura focense e foron presentadas hoxe polo alcalde, Fran Cajoto, e a concelleira de Sanidade, Transparencia e Innovación, Kathy Alonso.
A concelleira explica que “estas charlas, xa celebradas en anos anteriores, tocarán importantes temas de actualidade impartidas por diferentes especialistas. Comezarán este mércores, día 10, coa exposición do xinecólogo Antón Castro López, que falará de Actualización do cancro de mama. Continuarán o xoves 18 co nefrólogo Secundino Cigarrán cunha charla sobre Fomento da vida saudable por medio da dieta atlántica. E finaliza o mércores 24 o médico de familia José Luis Fernández co tema Xestos sanadores. Poderán disfrutar destas interesantes...
leer más
Hoxe, venres, o Concello de Foz presentou no Centro de Interpretación da Basílica de San Martiño o primeiro punto no que xa se pode selar a credencial e acreditarse como peregrinos para facer o Camiño do Mar.
Na presentación participaron o alcalde de Foz, Fran Cajoto; o concelleiro de Turismo, José María Linares; o presidente de ACIA Foz-CCA, José Carlos Paleo; e o presidente da asociación Amigos do Camiño do Mar, Manuel Vicente.
Fran Cajoto comentou que “o Camiño do Mar xa está recoñecido pola Igrexa e danos esa Compostela ao chegar a Santiago e é en Foz precisamente onde podemos facer esa acreditación, a primeira que hai en todo o Camiño do Mar. Parécenos un impulso moi importante para todo o sector da hostalería e do comercio, para todo o sector turístico, que se recoñeza unha vía de peregrinación a través do...
leer más