Foz
Ata o 12 de marzo pódese visitar no Cenima, en Foz, a exposición do Entroido que neste 2022 está dedicada a Pé do Molete, unha peña focense que foi a pregoeira deste ano.
Trátase dun percorrido fotográfico polos seus anos de inxenio, acompañado do colorido dos disfraces.
A asociación Os Sendeiros de Foz organiza unha ruta por terras de Lalín o 13 de marzo.
A saída será ás 6:00 horas de Foz, diante de Cenor, e ás 6:15 desde Ferreira.
As persoas interesadas poderán anotarse ata o 9 de marzo nos teléfonos 606 718 482 e 670 369 017 ou no e-mail ossendeiros@yahoo.es. Os prezos serán de 50 euros para os socios federados, 54€ para os socios non federados e 58 euros para os socios temporais. Está incluído o bus e o xantar.
A ruta, cun nivel de dificultade medio, percorrerá a zona do Castro de Doade e os participantes desfrutarán dun cocido ademais de visitar un museo con obxectos tradicionais e castrexos.
A organización recomenda levar equipo de sendeirismo, pasaporte covid e mascarilla.
... leer más
A asociación cultural A Pomba do Arco organiza o domingo, 27 de febreiro, a partir das 20:30 horas no salón de actos do colexio Martínez Otero de Foz, unha nova edición do Touporroutou, espectáculo xa clásico do Entroido focego, que como en anteriores ocasións correrá a cargo do grupo Touporroutou Teatro, o grupo de pandeireteiras da Subela e o grupo de rock focego Os Kentakis.
A organización deste evento implica o retorno á actividade desta entidade cultural após o parón imposto nos últimos dous anos pola pandemia. Neste sentido a directiva do colectivo lembra que a última actividade promovida pola Pomba do Arco en 2020 foi precisamente o Touporroutou. Ao tempo, significa que a asociación programa para o mes de marzo e abril un completo programa de actos onde se recolle a recuperación das Xornadas de Arte.
A...
leer más
A organización do Entroido de Foz continúa avanzando e abre as inscricións para o seu desfile, que se celebrará o sábado 26. Ata o día 22 de febreiro ás 14.00 horas tod@s aqueles que queiran desfilar poderán anotarse no correo electrónico desfileentroidofoz22@gmail.com ou na Delegación de Cultura do Concello de Foz.
Para desfilar será necesario cumprimentar a documentación relativa a participantes (de todas as idades), vehículos e presentar os certificados COVID para que a organización os valide, no momento da presentación da documentación ou ben o día do sorteo de postos. En ningún caso se permitirán inscricións o mesmo día do desfile, xa que por motivos organizativos faise imposible. As dúbidas dos posibles participantes serán resoltas no teléfono 982.14.00.27, extensión 3 (Cultura)....
leer más
Libraría Bahía de Foz organiza o club de lectura A Carón dos Libros que comezará a funcionar no mes de marzo.
As persoas interesadas en participar poden inscribirse na propia Libraría Bahía, na Avenida A Mariña, 40. A cota será de 10 euros mensuais cos que se pretenden sufragar parcialmente as actividades que se desenvolvan.
Este club de lectura estará dirixido por María Liñeira, doutora en Filoloxía con experiencia docente na universidade, con quen se celebrarán reunións mensuais para comentar os libros recomendados. Ademais realizaranse actividades complementarias, como a visita de autores e autoras ou encontros con outros clubs de lectura.
As actividades deste club darán comezo o 3 de marzo ás oito e media da tarde co libro Azucre de Bibiana Candia, autora que probablemente participe...
leer más
Xa se coñecen os nomes dos gañadores do sorteo de San Valentín de AciaFozCCA, que puxo en xogo 10 vales de compra de 50 euros cada un. Todas as persoas que acudiron ás pastelerías Amarena, Anduriña e Xoyma a adquirir os doces afrodisíacos para celebrar San Valentín recibiron papeletas para participar nesta cita.
O sorteo tivo lugar esta mañá en Radio Foz e as afortunadas e afortunados son: Nilo Rego, Marisol Lombardía, Katherina Alonso, Mónica González, Santi Fraga, Nuria Fernández, Carmen Seco, Helen Grela, Ilse Gagliardi y Saturnino Fernández.
O concelleiro de Comercio, José María Linares, a xerente de AciaFozCCA, Ana Segade, Mara Río (de Anduriña), Fernando López (de Xoyma) e Ángel Casas (de Amarena) acudiron ao sorteo celebrado esta mañá na emisora municipal focense.
A asociación Os Sendeiros de Foz organiza unha viaxe á Alberca por terras salmantinas, que terá lugar do 14 ao 17 de maio.
A saída será o sábado 14 ás 6:00 horas de Foz e ás 6:15 horas de Ferreira.
As persoas interesadas en participar poden anotarse ata o día 6 de marzo, nos teléfonos 606 718 482 e 670 369 017 ou en ossendeiros@yahoo.es. Os prezos son: 276 euros para os socios federados; 286 euros para os socios non federados e 291 euros para os socios temporais. Inclúe pensión complete en habitación dobre.
As rutas teñen un nivel de dificultade medio e o guía da viaxe será Santos Cordovilla, con quen se visitarán cinco conxuntos históricos como San Martín del Castañar e Mogarraz e de regreso visitarase o Canal de Castilla, obra de enxeñería do...
leer más
A comisión de festas o Noso Foz e o Concello de Foz continúan traballando para que a edición 40 do seu desfile sexa a máis especial a pesar das medidas sanitarias e o COVID. O programa, que está pechando os seus últimos detalles, é amplo e inclúe diversos actos.
O próximo sábado 19 ás 15.00h será a comida de coroación na que sobre ás 17.30h Roberto Gómez (Alfalfa) recibirá a coroa de Andrea García Mondelo.
Os actos continuarán o xoves 24, día no que ás 18.30 se inaugurará a exposición do Entroido no Cenima, que estará adicada aos Pé do Molete, e acto seguido ás 20.00h na carpa da Sala Bahía estrearase o documental conmemorativo deste 40 aniversario.
O venres 25, será a quenda para o pregón ás 20h que darán os Pé do Molete e á súa finalización Dani Irimia levará a batuta das coplas,...
leer más
O grupo de participación adolescente do Concello organiza a Busca do Tesouro para colaborar e animar o Entroido. Será o 25 de febreiro.
A concelleira de Servizos Sociais, Carmela López, explica que “se trata de superar varias probas polo pobo e encontrar o tesouro agochado. A actividade terá lugar o 25 de febreiro, que é venres, a partir das sete da tarde e ata as dez da noite aproximadamente. É apta para todas as idades e dará comezo na Praza de Abastos”.
Os requisitos para participar son os seguintes: grupos dun máximo de 5 persoas; os menores de 12 anos deberán estar acompañadxs por unha persoa adulta; e ir disfrazadxs.
O grupo gañador recibirá como premio unha comida ou cea no Boas Migas (para os e as integrantes do grupo, máximo 17 euros por persoa, tendo que ir todos e todas xuntas...
leer más
A asociación Os Sendeiros de Foz organiza unha ruta pola senda costeira entre Cudillero e San Esteban de Pravia, en Asturias, o domingo 20 de febreiro.
A saída será ás 7:45 horas de Ferreira e ás 8:00 de Foz.
As persoas interesadas poden anotarse ata o 16 de febreiro nos números de teléfono 606 718 482 e 670 369 017 ou en ossendeiros@yahoo.es. Os prezos son de 30 euros para os socios federados, 34 euros para os socios non federados e 38 euros para o socio temporal. Está incluído o autobús e o xantar.
A organización recomenda levar equipo de sendeirismo, pasaporte covid e mascarilla. A ruta ten unha lonxitude duns doce quilómetros e un nivel de dificultade medio.
O Concello de Foz colabora na organización deste evento.