Teatro
Esta fin de semana o concello de Foz está cargado de actividade, con teatro e a elección da raíña ou rei do Entroido. A Sala Bahía sigue sendo un centro cultural que aglutina todo tipo de eventos.
A concelleira de Cultura, Inés López Couto, anuncia que este venres, día 8, “chegará a compañía Contraproduccións coa obra Apaga o candil, unha comedia de tradición galega, humor e retranca. Avelino González e Toni Salgado protagonizan esta produción. Será ás 20:30 horas. E o sábado 9 o protagonismo será para o Entroido e a elección do seu reinado para a edición de 2025. Os tres candidatos explicarán porque queren ocupar este posto; son Coral Rey Oliveros, Ainhoa Rey Vizoso e Derek Pérez González. A partir das 19:30 horas abriranse as portas para todo aquel que queira participar desta elección e á vez colaborar cos afectados da DANA en...
leer más
O Teatro Pastor Díaz acollerá o sábado, día 9, a representación de “Sofá”, a cargo de Marta Alonso Tejada. Será ás 20:30 horas.
Sofá é unha sitcom de danza con teatro, circo e música en directo que fala dunha parella.
Marta e Pablo coñecéronse bailando e xa non teñen tempo para facelo porque traballan moito. Son incapaces de parar. Cren que van solucionar os seus problemas de desconexión facendo un espectáculo de danza cun sofá. Porque o sofá é o lugar onde se atopan as parellas ao final do día para estar xuntas e descansar. Pero… sempre hai un pero. Toda interrupción é un bo motivo para continuar a súa fuxida cara a adiante. Porque parar supón enfrontarse a si mesmas e abrazar a incerteza, o baleiro. Parar para bailar, acabar para comezar.
E o domingo, día 10, Galeatro porá en escena “...
leer más
O grupo teatral A Adala Futura representará a obra titulada Rosalía Café este sábado, día 9 de novembro, en Alfoz. Será na Casa da Cultura ás 20:00 horas.
É unha actividade incluída no Mes do Teatro organizado polo Concello de Alfoz, que explica: “o grupo de teatro de Fazouro (Foz) A Adala Futura, nacido no ano 2016 cando A Adala Teatro se embarcou nun proxecto pedagóxico para achegar o teatro aos integrantes máis novos da asociación, presenta a súa obra Rosalía Café, unha comedia para todos os públicos. Nesta obra unha rapaza de aldea decide marchar á capital para buscarse a vida montando un pub. No local terá unha clientela moi divertida e peculiar e cada día deberá facer fronte a un sinfín de conversas sobre temas moi diferentes. Por se isto fora pouco tamén recibirá a visita dos seus amigos da aldea. Pero estes amigos non encaixarán...
leer más
O Concello de Cervo anuncia que “novembro é o mes do teatro en San Román de Vilaestrofe”. Haberá representacións os días 3, 10, 16, 17 e 23 no pavillón.
A primeira será este domingo, día 3 de novembro, da man do Grupo de Teatro A Mariña, ás 19:00 horas. Representará a obra titulada Teatro contra o bullying: eres único. A seguinte representación deste ciclo correará a cargo de A Adala Futura, que ofrecerá a obra Rosalía Café. Será o domingo 10 ás 19:00 horas. A compañía Pico do Castro representará Trato a cegas o sábado 16, tamén ás 19:00 horas. A Adala ofrecerá a obra Marina Club o domingo 17 ás 19:00 horas. E rematará o ciclo co grupo Argalleiras, que representará Autopista o sábado 23 ás 18:30 horas.
Elefante Elegante porá en escena este sábado, 2 de novembro, Kyoki. Será ás 18 horas no Teatro Pastor Díaz.
Kyoki vai destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas.
A través dunha linguaxe xestual impulsada pola interacción constante co dispositivo escénico, o espectáculo evoca múltiples situacións e personaxes que dun xeito ou doutro todas as persoas podemos recoñecer.
Kyoki significa “demencia” en xaponés e refírese a unha alteración da capacidade para recordar, pensar ou tomar decisións. É certo que adoita verificarse en persoas de idade avanzada, mais quen nunca esqueceu onde colocou a caixa das galletas? Ou por distracción...
leer más
Será ás 20 horas na Casa da Cultura. Trátase de teatro con monicreques e música. É un espectáculo para todos os públicos (infantil e adulto).
Desde Concello de Alfoz explican: “queremos empezar este mes do teatro cunha proposta un tanto diferente, unha comedia representando unha farsa de títeres a catro mans. Catorce personaxes en catro mans e dúas gorxas, coa banda sonora en directo de dous músicos xeniais que nunca saben por onde terán que saír, improvisando e apoiando á representación d@s titiriteir@s en cada función de esta obra de guiñol viva e natural”.
E engaden: “catro historias entrelazadas forman este enredo, baseado en varias obras de Rafael Dieste ás que Trécola lles dá unha volta, engadindo escenas de colleita propia e actualizando o seu argumento con temáticas combativas e irreverentes, para...
leer más
O Concello de Alfoz anuncia que “comeza o mes de novembro e con el os sábados de teatro no Salón de Actos da Casa da Cultura de Alfoz ás 20 horas, con entrada de balde. Desta volta con diferentes propostas de comedia para todos os públicos e para todos os gustos”.
O día 2 a obra que se representará é a titulada "Coa música a outra parte", da compañía Trécola producións, de Pol. “Empezamos o mes do teatro cunha proposta un tanto diferente, unha comedia de monicreques con música en directo, apta para todos os públicos, que fará rir aos máis pequenos e aos non tan pequenos.
O sábado 9 representarase "Rosalía Café", da compañía A Adala Futura, de Foz. “Os de rapaces máis novos da asociación A Adala, de Fazouro, farannos rir con esta comedia na que unha rapaza de aldea decide marchar á capital para buscarse a vida”.
O día 16 a obra é "Era boa se...
leer más
A compañía teatral Malasombra Producións presentará en Ribadeo este domingo, día 27 de outubro, o espectáculo titulado “Os fabulosos cleaners”, un show visual con pompas de xabón dirixido a persoas de todas as idades a cargo de Xoque Carbajal e Jouse García.
Será no auditorio municipal Hernán Naval ás 17:30 horas e as entradas venderanse na billeteira do local desde media hora antes.
Artica Teatro porá en escena “Pum, pum, quen hai?” ás 18:00 horas no Teatro Pastor Díaz, de Viveiro. É unha comedia destinada ao público infantil de máis de 3 anos
Sipnose: Dúas portas enfrontadas, un novo veciño no edificio, moito por descubrir e moito por aprender. Quen será e de onde virá? Que valores aprenderás véndonos rir e bailar?
Venda de entradas: De luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es ou na taquilla unha hora antes da función.
A localidade de Vilela, no concello de Ribadeo, acollerá unha representación teatral este domingo, día 27 de outubro. Será na Escola da Pena ás 18:00 horas.
A Compañía Solitaria do Doutor Monifate ofrecerá a obra titulada “Badman, un home malo”. É un monólogo de 50 minutos de duración para maiores de 16 anos.