1. Inicio

Exposiciones

Catorce autores participan na mostra "Cartografías da néboa", que se pode ver no Centro Comarcal de Mondoñedo ata o 16 de maio.

Etiquetas:
Mondoñedo, escultura, Fotos, pintura
23/04/2015
Catorce autores participan na mostra "Cartografías da néboa", que se pode ver no Centro Comarcal de Mondoñedo ata o 16 de maio.
 
Xose Artiaga, Nina Alvarez, Ignacio Castro (Nachok), Caxigueiro, Ernesto González Torterolo, Quique Guerra, Martin Hirschy, Zilí Katova, Mauro Leivas, Juan Puchades, Alicia Puchades, Mundo Rubal, Fernando Vilariño e Xose Vizoso son os autores mindonienses que forman parte da exposición colectiva“Cartografias da Neboa”, que se exhibe no Centro Comarcal de Mondoñedo.
Na mostra, organizada pola area de Cultura do Concello, participan 14 autores que están vencellados a Mondoñedo, cun total de 37 obras.
Na exposición, que xa ten abertas as súas portas ao publico pero que será inaugurada o vindeiro 25 de maio ás 12:30, poden verse pinturas, fotografías, esculturas de pedra e de ferro. 
“Cartografias...
leer más

Ata o 30 de abril pódese visitar na Oficina de Turismo de Ribadeo a exposición "A ditadura franquista: 40 anos de represión e resistencia", que organiza a Deputación de Lugo.

Etiquetas:
exposición, Deputación, Ribadeo
10/04/2015
Ata o 30 de abril pódese visitar na Oficina de Turismo de Ribadeo a exposición "A ditadura franquista: 40 anos de represión e resistencia", que organiza a Deputación de Lugo.
 
A Oficina de Turismo de Ribadeo acolleu onte a inauguración da exposición ’A ditadura franquista: 40 anos de represión e resistencia’, que chega a vila ribadense despois de ter pasado xa por Lugo e A Pobra do Brollón. No acto de inauguración estiveron presentes o alcalde de Ribadeo, Fernando Suárez; a presidenta da Asociación Cultural Francisco Lanza, Dores Fernández Abel; e un dos dous comisarios da mostra, Antón Somoza, que foron os encargados de levar a cabo a presentación da mesma.
Esta exposición, unha das maiores organizadas sobre a represión franquista ata o de agora en Galiza e que afonda no xeito en como se levou a cabo a resistencia ao réxime no noso país durante catro décadas, permanecerá ata o vindeiro 30 de abril na Oficina de Turismo de Ribadeo. Baixo o...
leer más

En agosto terá lugar o IV Estudio Aberto, que foi presentado hoxe. O Museo do Mar de San Cibrao será visitado por algúns dos artistas.

Etiquetas:
Deputación de Lugo, San Cibrao, Museo do Mar
06/04/2015
En agosto terá lugar o IV Estudio Aberto, que foi presentado hoxe. O Museo do Mar de San Cibrao será visitado por algúns dos artistas.
 
O responsable de Cultura e Turismo da Deputación de Lugo, o nacionalista Mario Outeiro, participou esta mañá na presentación do cuarto Estudio Aberto, a iniciativa de residencias artísticas na Sala de Exposicións do Pazo de San Marcos que naceu no ano 2013 dentro do proxecto global ‘Enredarte’. Acompañaron a Outeiro no acto as coordinadoras destas residencias artísticas, Encarna Lago e Paula Cabaleiro, e a directora do Museo Provincial de Lugo, Aurelio Balseiro.
Mario Outeiro explicou que esta cuarta edición volverá a levarse a cabo “durante o verán, desenvolvéndose as residencias artísticas desde o 31 de xullo ao 6 de agosto, concluíndo nunha exposición que se inaugurará o venres 7 e se prolongará ata o domingo 30 de agosto”, sinalou o responsable provincial de Cultura...
leer más

Acia Burela expón estes días traxes castrexos para inspirar a vestimenta dos clans. Pódense ver na rúa Pardo Bazán, no antigo local de O Lar.

Etiquetas:
Traxes castrexos, Burela, exposición
31/03/2015
Acia Burela expón estes días traxes castrexos para inspirar a vestimenta dos clans. Pódense ver na rúa Pardo Bazán, no antigo local de O Lar.
 
Durante estes días expóñense en Burela diferentes traxes castrexos que poden servir de inspiración a tódolos clans que participen o vindeiro mes de xullo na 4ª Festa Castrexa, que organizará un ano máis a Asociación de Comerciantes e Empresarios de Burela.
Na conferencia “Castrexos. Quen eran? Como vivían? Como vestían?”, que tivo lugar en Burela o pasado 6 de marzo, falouse dos costumes e aparencia dos antigos castrexos para que clans e participantes na Festa Castrexa coñeceran o verdadeiro estilo que deberían seguir para ser fieis á realidade histórica.
Na celebración da Festa Castrexa cobra unha importancia fundamental a indumentaria dos homes e mulleres que habitaban os castros. Por iso se expoñen agora traxes castrexos de home,...
leer más

En Cervo artesanía e artistas locais únense para ofrecer a exposición de encaixe "Coas nosas mans". A mostra inaugúrase este venres, 27 de marzo.

Etiquetas:
Cervo, Encaixe, exposición
24/03/2015
En Cervo artesanía e artistas locais únense para ofrecer a exposición de encaixe "Coas nosas mans". A mostra inaugúrase este venres, 27 de marzo.
 
O Concello de Cervo presentou hoxe unha das actividades incluídas dentro do XII Encontro de Palilleiras, como é a exposición “Coas nosas mans” que se vén ofrecendo todos os anos. Unha mostra que se vai inaugurar este venres ás 17 h. na Casa da Cultura e que nesta edición conta con novidades. Unha das principais é a colaboración do artista local Tino Soto, que elaborou varios debuxos que se van integrar na exposición. Trátase de bustos femininos nos que se colocarán anacos de encaixe elaborados por diferentes agrupacións. 
Hai que dicir que o ano pasado o Concello iniciara unha nova iniciativa pedindo colaboración ás asociacións e agrupacións que acoden ao Encontro para que participasen na exposición cedendo pequenas pezas de encaixe. Uns anacos que agora serán exhibidos...
leer más

Terra Branca, en Ribadeo, acoge una exposición de trabajos realizados en el taller cerámico de la Asociación Pro Enfermos Mentales de A Coruña.

Etiquetas:
Cerámica, Ribadeo, exposición
20/03/2015
Terra Branca, en Ribadeo, acoge una exposición de trabajos realizados en el taller cerámico de la Asociación Pro Enfermos Mentales de A Coruña.
 
Galería Terra Branca acoge una exposición de trabajos cerámicos de APEM (Asociación Pro Enfermos Mentales de A Coruña). José Ramón Leal, propietario del establecimiento ribadense, destaca la imaginación desbordante de los autores de las piezas y anima a visitar la muestra “con ánimo de dejarse sorprender”. 
APEM, asociación que preside la ribadense Antonia Pérez Amieiro, expone en Terra Branca algunos de los trabajos realizados por los enfermos a los que prestan atención. José Ramón Leal, propietario de Terra Branca, asegura que “esta colección es una aportación de la asociación APEM de A Coruña. Hemos tenido un acercamiento a través de su presidenta, Antonia Amieiro, que es de Ribadeo. Vinieron a visitarme, surgió una cierta amistad y a partir de ahí la idea de tener unas...
leer más

No décimo aniversario do pasamento do debuxante Suso Peña unha veintena de artistas mariñáns renderanlle homenaxe cunha exposición en Ribadeo. Poderase ver do 14 ao 28 de febreiro na OMIC.

Etiquetas:
Homenaxe, Ribadeo, exposición
06/02/2015
No décimo aniversario do pasamento do debuxante Suso Peña unha veintena de artistas mariñáns renderanlle homenaxe cunha exposición en Ribadeo. Poderase ver do 14 ao 28 de febreiro na OMIC.
 
O vindeiro 14 de febreiro ás 18 horas será inaugurada na OMIC unha exposición en homenaxe ao debuxante ribadense Suso Peña. Está organizada por varios artistas da Mariña e conta coa colaboración Concello. 
O artista barreirense Celso Dourado explica que“isto xurdiu a raíz de que se cumpre o décimo aniversario da morte de Suso Peña. Co gaio desta efeméride xuntámonos un grupo de artistas e de amigos que convivimos e aprendemos con Suso para dalgunha maneira manter a súa memoria. Hai unha media de 17 ou 18 artistas que nos imos xuntar para renderlle esta homenaxe e facer esta exposición na nova Oficina de Turismo de Ribadeo. A exposición abrirase o 14 de febreiro, ás 6 da tarde, coa presenza das autoridades municipais e estará ata finais de mes. Na presentación tamén...
leer más

Dende o 30 de xaneiro poderase visitar na Casa de Cultura de Burela a mostra de pintura acrílica Unha ollada.

Etiquetas:
Burela, Arte, pintura
29/01/2015
Dende o 30 de xaneiro poderase visitar na Casa de Cultura de Burela a mostra de pintura acrílica Unha ollada.

 

A sala de arte da Casa de Cultura acollerá a partir do vindeiro venres, 30 de xaneiro, a exposición de pintura Unha ollada. Nela, os artistas Laura P. Rodil, Mar G. Pires e Ángel Picos mostran os seus traballos máis representativos na modalidade de acrílicos. A mostra está coordinada pola Concellería de Cultura e será inaugurada este venres ás 20:00 horas. Na mostra participan dous artistas da Mariña e un da Coruña.

Laura P. Rodil é natural de Burela e unha das xoves pintoras dedicadas á técnica do acrílico en Galicia. A través das súas obras intenta mostrar ao mundo as pequenas paisaxes que previamente acostuma a captar co obxectivo da súa cámara fotográfica. Mar G. Pires procede de Ribadeo e é unha pintora costumista que utiliza a pintura como medio para manifestar as súas...

leer más

O museo etnográfico da Fonsagrada manterá aberta ata finais de xaneiro a exposición Represaliados, pertencente ao artista barreirense Celso Dourado.

Etiquetas:
Celso Dourado, Arte
16/01/2015
O museo etnográfico da Fonsagrada manterá aberta ata finais de xaneiro a exposición Represaliados, pertencente ao artista barreirense Celso Dourado.

 

O Museo Etnográfico da Fonsagrada decidiu manter aberta ao público ata finais de xaneiro a exposición Represaliados, pertencente ao artista barreirense Celso Dourado. Fíxoo despois de valorar positivamente a ampla acollida de público que a mostra obtivo dende que foi inaugurada, a comezos do pasado mes de novembro. A exposición consta de dez cadros que repasan a historia do Comandante Moreno, que xunto a outros doce homes formaron parte do Batallón Galicia e foron asasinados e enterrados no ano 1937nunha fosa común no Alto do Acevo (A Fonsagrada). Os seus corpos foron exhumados finalmente no ano 2007, un acto que serviu de inspiración a Celso Dourado para comezar a traballar na obra que permanece exposta agora na terceira planta deste Museo Comarcal, en horario de 12:00 a 14:00 horas de martes a venres e de 17:00 a 19:00 horas as fins de semana.

Celso Dourado...

leer más

Burela acolle ata o 16 de xaneiro a exposición de bixutería Universo Viary. Estará aberta na Casa da Cultura en horario de 09:00 a 13:00 e de 17:00 a 20:00 horas.

Etiquetas:
Bixutería, Burela, Arte
07/01/2015
Burela acolle ata o 16 de xaneiro a exposición de bixutería Universo Viary. Estará aberta na Casa da Cultura en horario de 09:00 a 13:00 e de 17:00 a 20:00 horas.

 

A Concellería de Cultura de Burela presenta estes días na vila a que será a súa primeira exposición para este novo ano 2015. A mostra leva o título de Universo Viary e corre a cargo da artista Silvia Viary, unha moza burelesa especializada na creación de obxectos de bixutería artesanal. A exposición inaugurouse o pasado venres, 2 de xaneiro, na sala de exposicións da Casa da Cultura de Burela, e permanecerá aberta ata o 16 de xaneiro en horario de 09.00 a 13.00 horas polas mañás e de 17.00 a 20.00 horas polas tardes. A concelleira de Cultura de Burela, Mónica Pedre,  animou aos veciños "a achegarse a visitar esta interesante exposición".