Exposiciones
03/08/2016
Este mércores foi inaugurada no Forte de San Damián unha nova edición de Mariñarte, que permanecerá aberta ata o día 16 deste mes. Pódese visitar en horario de 11:30 a 13:30 horas e de 18:30 a 20:30 horas.
O concelleiro de Cultura, Farruco Graña, salientou que “comezamos este verán no mes de xullo cunha festa da creatividade que foi a Feira do Libro, seguimos este verán comezando o mes de agosto con outra festa da creatividade, que para nós ten un significado especial, que é Mariñarte. Poñemos moita paixón e moita emoción na organización desta exposición, en todas pero nesta especialmente, porque é unha maneira de dar a coñecer a capacidade creativa dos mozos e mozas, homes e mulleres de A Mariña luguesa e calquera persoa achegada...
leer más 26/07/2016
Repsol Racing Tour chega a Ribadeo mañá, 27 de xullo. A exposición composta dun gran inchable e dunha plataforma museo coa moto de Marc Márquez e con simuladores poderase visitar na praza de España e no parque de San Francisco ata o domingo, 31 de xullo, en horario de 12 da mañá ata as 20 horas.
Segundo explican desde a Concellaría de Deportes “os organizadores son os mesmos que o ano pasado trouxeron co Banco Santander o Ferrari de Fernando Alonso. Nesa ocasión quedaron moi contentos coa acollida da exposición, xa que foi visitada en 3 días por máis de 10.000 persoas. Por ese motivo decidiron volver a Ribadeo e aumentar o número de días que estarán aquí”.
07/07/2016
A Casa da Cultura de San Ciprián acolle unha exposición de ilustracións realizadas polo burelao Héctor Manasé. A mostra, titulada Amagos de Jus, foi inaugurada onte e poderá visitarse ata o día 29 deste mes.
No acto inaugural participaron o alcalde de Cervo, Alfonso Villares, e os concelleiros Dolores García, Manuela Méndez e José Ramón Soto.
Héctor Manasé naceu en 1984 en Burela e estudou fotografía e vídeo en Oviedo, pero ademais é un entusiasta do debuxo. Nas súas ilustracións gústalle humanizar aos animais, o místico e máxico, o mundo do mar e case sempre engade unha pincelada de humor.
07/07/2016
Do 9 ao 19 de xullo estará aberta ao público na Oficina de Turismo a mostra Aires dos anos 30, Exposición de debuxo da artista ribadense Carla Méndez. Trátase dunha selección de 14 láminas, realizadas con técnicas mixtas como acuarela, tinta china, pastel ou sanguina.
Carla Méndez explica que “forman parte dun caderno de campo que fixen o ano pasado, que ven sendo unha carpeta de debuxos principalmente para estudio ou experimentación do propio artista con diferentes técnicas ou temas. Un caderno deste tipo é algo moi persoal, xa que ao ser de experimentación mostran totalmente a expresividade e personalidade de cada artista. Estamos acostumados a ver sempre as obras acabadas, polo que me pareceu interesante mostrar o camiño que...
leer más 29/06/2016
O Eido Dourado, espazo dedicado á arte ao carón da praia da Pasada, abre as súas portas por oitava tempada consecutiva este sábado, día 2 de xullo. Faino coa exposición renovada e con modificacións nos seus xardíns, nos que a música volverá a estar presente a partires da segunda quincena de xullo.
Celso Dourado afronta esta nova tempada que “preséntase ben, cando nos puxemos co proxecto Eido Dourado pensamos que ao mellor non lográbamos resistir o que pretendíamos, e pasan os anos e aí seguimos estando. Este ano abrimos unha vez máis coa exposición renovada, con novas creacións e un longo etc”.
O artista salienta que este ano “hai unha decena de...
leer más 26/06/2016
O vindeiro sábado, 2 de xullo, ás 19 horas terá lugar no Castelo a inauguración dunha nova exposición de pintura. Titúlase "48 Momentos", da man do artífice ourensán Miguel Ángel Martínez Coello, que xunto a outros artistas coñecidos da Mariña como Hipólito Xeada, Xosé Blanco e Pili Casabella, farán unha mostra conxunta para renderlle unha pequena homenaxe ao poeta falecido Manuel María, a quen se lle dedicou este ano o día das Letras Galegas. Así mesmo, tamén terá lugar a presentación do libro "Conversas con Manuel María" de X.M del Caño.
A exposición poderase visitar dende o 2 de xullo e o 13 de agosto.
14/06/2016
A exposición é unha viaxe polo mundo da Banda Deseñada. Un flashback ós anos 60, ó paraíso da nenez da man da Ilustración industrial. A primeira xeración que entra no mundo da cultural pop Art e do consumo de produción en cadea. Un movemento de arte moderno, de imaxes da cultura popular de medios de comunicación, anuncios publicitarios, cómic, cine. Poñen nas man das masas o arte, reflectido nos obxectos cotiás. Nesta década en EE.UU. empréganse os debuxos nítidos e simples do tipo “Hard edge”. Destacan autores coma Jasper Johns, Robert Rauschenberg, Roy Lichtenstein, Andy Warhol, Tom Wesselmann… España non se queda atrás e neste período recibe a influencia estadounidense, recordada é a visita de Eisenhower en 1959.
Unha apertura...
leer más 13/06/2016
A OMIC de Ribadeo acolle desde hoxe luns, 13 de xuño, e ata o vindeiro 29 deste mes, unha mostra fotográfica de Ramón de Pérez García titulada Paseando por las emociones luminosas.
Esta exposición está inspirada nas primeiras emocións que nacían dentro do autor ao camiñar baixo a luz da lúa. Ramón de Pérez García cree que o brillo do astro lunar é capaz de crear sensacións tan íntimas.
O autor desta mostra comparte tamén as emocións que a lúa inspira na poeta Julia Rodríguez, a través de fermosas composicións cheas de sensacións. A exposición tamén inclúe unha pequena mostra do que suxiren as emocións luxuriosas que formará parte do próximo traballo...
leer más 07/06/2016
Os Aventados e a asociación cultural Amigos de Regalxunqueira inauguran a exposición da Primeira Bienal de Artes plásticas O Vento en Burela este mércores, 8 de xuño.
A inauguración desta mostra colectiva terá lugar ás 20:30 h na Casa da Cultura de Burela onde permanecerá ata o 30 de xuño.
Nesta exposición poden verse obras de María Jesús Lage López, Pablo Livio, Celso Dourado, Neira Broch, Xoán Guerreiro, Hipólito Xeada, Antonio Roque Fanego, Mary Boix, Francisco Santos, Otero Regal, Xavier Magalhaes, Juan Queralt, Daniel Caxiguiero, Fabián Reino, David Catá, Juanel Ponte, Juan Puchades e Mateo Guerreiro.
24/05/2016
Desde a organización explican que “en continuidade coa colaboración que vimos mantendo con diferentes entidades sociais sen ánimo lucrativo, o local da mercería O ArMarinho da Fátima acolleu a inauguración dunha exposición de obxectos artísticos realizados con materiais de reciclaxe por Álex Landim Correia”.
Nacido na localidade da Calheta de São Miguel, na illa caboverdiana de Santiago, Álex Ladim Correia (31-08-1997) chegou a Burela no mes de setembro de 2014 e matriculouse no terceiro curso de ESO no IES Perdouro, desde onde iniciou un proceso de integración exemplar. Neste momento, ademais de traballar na súa propia obra de manualidades, combina os estudos do último curso de ESO coa dedicación á música, dentro da Banda Dambara...
leer más